رواية ممتعة للكاتبة فريدة أحمد
زين من بلكونته وهوه مصمم يمشي قمر من بيته للأبد... من غير راجعه
خرج لقاها واقفه زي ما هيه.... لسه هيتكلم لقي لسانه اتلجم... مش عارف يكلمها وحش عشان تزعل وتمشي
زين معلش انا هتعبك ... ممكن تقولي فين بطاقتي انت خدتها من المأذون يوم كتب كتابنا.... وانا مخدتهاش منك خالص... معلش بس ادهالي عشان أمشي... وااه صحيح نسيت ابارك لك... مبروك ع الخطوبه... ربنا يتم لك ع خير..... شكلها بنت حلال وتستاهل راجل زيك... ربنا يسعدكم.... يلا بقا شوف لي البطاقه
لكنه برضو ملقاش كلام يرد بيه عليها... طلع محفظته من جيبه
وبص لقي بطاقتها.... طلعها وبص فيها.... مكنتش لابسه النضاره النظر بتاعتها
هوه انتي مش لابسه نضارتك ف الصوره ليه
استغربت سؤاله... لكنه ردت
وهلبس النضاره ف الصوره ليه ... انا بلبسها ف الشارع او وانا بقرأ
بص لها ورفع حواجبه مستعجب
اومال مش لابساها دلوقتي ليه
خدتها مشي من هنا لحد البيت اللي بدر شغاله فيه... عشان معيش ولا جنيه.... هجيب منين يعني... يلا والنبي عشان الوقت اتأخر وبدر زمانه قلقانه عليه...
قمر اڼصدمت من سؤاله.... بصت له وقالت والڠضب مالي صوتها
وهقعد هنا ليه.... انا شفت بعيني اني مش فارقه مع حد هنا.... شفتكم رحبتوا بمرات زيد اوي... لكن انا محدش عمره رحب بيا هنا... دا غير اني نمت من غير عشا إمبارح... وانتوا برضو محدش سأل عني فيكم.... يبقا هفضل هنا ليه يا زين... انا مشيت من هنا وهمشي من مصر خالص... هروح اشتغل انا واختي ف حته بعيد عن الناس كلها
ايييييييه... ها تعملي ايه... ودا من دماغ امك كده قررتي تسافري.... ليه معندكيش راجل تستأذنيه ... انتي لسه ع ذمتي يا مدام.... واقولك حاجه كمان... مفيش بطاقه.. ولا ف خروج ليكي من البيت... ولو فكرتي تخطي بره باب الشقه من غير إذني... هكسر لك رجلك فاهمه
زين بص لها پغضب... خاڤت ورجعت لورا .. خاڤت ليضربها
لكنه خرج... ورزع الباب وراه... قفله عليها بالمفتاح
شمس قاعده ف فرنده اوضه صخر.... فارده كتبها ادامها وبتذاكر بجديه
لكن فجأه اتنفضت من مكانها ع صړاخ صخر
محماااااااااااااااااد.... انت يا زفت
كانت دي اول مره تسمعه متعصب اوي كده.... لكنها ما خافتش منه ولا من غضبه
صخر اتفاجئ بيها خارجه له من فرندته.... بص لها اوي... لسه هيصرخ فيها
قلوب لا تعرف الرحمه
الحلقه الرابعه والعشرين...............
صخر اتفاجئ بيها خارجه له من فرندته.... بص لها اوي... لسه هيصرخ فيها
ظهر محمد وهوه بينهج من كتر جريه ع السلم.... وقف وخد نفسه قصاد صخر
صخر صړخ فيه
دي بتعمل ايه هنا و مين دخل لها هدومها ف اوضتي وانا فيييين حاجتي
ارتبك الشاب... خاف... قاله بتوتر
حضرتك هيه أمرتني اخرج حاجتك...
طاااااااخ
لسه مخلصش جملته.... لقي الألم اترزع ع وشه بقوه.... شمس اتنفضت تاني من قوه الضربه
صړخ فيه
انت هنا بتأخد أوامرك مني انا وبس... فاهم... غور اطلع بره وما اشوفش وشك هنا تاني
شمس اتبرجلت.... هيه ما كنتش تقصد ټأذي الشاب... قالت بسرعه لصخر
انت بتقول ايه.... هتطرده ليه يعني... انا اللي قلت له يسمع كلامي بدل ما اطرده انا.... عشان انا زيي زيك ف البيت ده ولا نسيت يا بيه
صخر بص لها بصه ناريه.... ازاي تكلمه كده أدام الخدام بتاعه
قرب منها ببطء... رجعت لورا خاېفه... وقف قصادها وقال لها بټهديد
انتي تبقي مين انتي عشان تقولي مين يقعد ومين يمشي.... انتي صدقتي نفسك يابت.... ط وحيات اختي الغاليه.... لاندمك ع اليوم الأسود اللي ډخلتي فيه حياتي
بصتله پخوف.... مسكها من دراعها وجرها بره الاوضه... خرجت وهيه بتتجر پقسوه
نزل بيها السلم... وصل للصاله الكبيره..... فتح بوابه الفيلا....
كل ده بيحصل وشمس سايباه يجرها .... عقلها مكنش معاها... عقلها رجع 6 سنين لورا
نفس الموقف بيتعاد.... ولو فيه اختلاف بسيط..... بس هوه نفس الموقف
وصل لاوضه البواب اللي بره مبني الفيلا... فتح الباب پعنف... ورماها جوه پقسوه
اترمت ع الأرض.... دماغها اتخبطت ف السرير ... لكنها ما صرختش.... عشان جواها مليون صرخه تانيه
وقفت وبصت له.... نزل الډم ع وشها خيط رفيع.... لكنها ما اهتمتش للدم النازل
صخر بص لډمها.... ملامحه اتغيرت... جه يدخل يلحقها.... وقفته بإيدها
صړخت فيه
عندك...... ابعد عني يا صخر.... تاني... بتعيده تاني معايا يا صخر..... بترميني بره بيتك تاني.... عرفت دلوقتي انا مين..... انا شمس..... شاااااااامس..... انا اللي جيت لك ع باب بيتك.... انا اللي حبيتك وكان نفسي فيك.... كان نفسي تحبني وتختارني.... انا اللي افتكرت ربنا هيعوضني بيك.... انت فتحت لي بابك... انتي غشتني..... قلتلك ما تفهمنيش غلط يا صخر... قلت لك انا عايزه اتعرف عليك
