رواية رائعة بقلم مريم من السادسة عشر الي الواحد وعشرون
زيك مش هلاقى حتى سبب واحد يخلينى ارتبط بيك يااما بقى ابقى مچنونة
انور
دا اخر كلام عندك
نيفين
اااه وياريت تفكر فيه
فى الفيلا
ما ان وصل الجميع حتى صعدت انيسة الى عرفتها لتستريح ..
مؤمن وهو يحدث الجميع وينظر لملك
تصدقوا بقى ان اوضتى هنا وحشاااانى اوى اوى بقى
ليان بدلع
اكيد يامينو مش فيها ذكرياتك وحياتك كلها واحلى ايامك
بس بحب شقتى اكتر منها ذكرياتها احلى عندى بحبها كدا وبموت فيها
نظرت له ليان بغيظ شديد بينما ابتسمت ملك ابتسامة فرحة دون شعور منها ونظرت ارضا ..
انعام
انا هحضر لكم الاكل زمانكم هتموتوا من الجوع
ما ان غادرت انعام حتى نظرت هنا لمؤمن وقالت
احم احم بس انت صاحبك ليه يعنى مدخلش معانا هنا
عنده شغل كتير لسه بقى بيفتتح شركته الجديدة هنا
هنا وعيونها تلمع بشدة حتى لاحظتها ملك
اممممممممم ربنا يوفقه
جهزت انعام طاولة الطعام فااسرع مؤمن وجلس بجانب ملك التى خجلت بشدة من فعلته ..
ليان بغل
ايه يامؤمن هى مراتك هتطير بتلحق مكان عشان تقعد جنبها
مؤمن ببرود
هنا بضحك نظرت لها وقالت
يالهووووى على الكسوف اللى انت فيه يااللى فى بالى
نهضت ليان من مكانها بعدما نظرت لهنا پغضب وصعدت الى غرفة انيسة ..
ملك
ليه بس كدا ياهنا كنتى تسبيها تاكل زمانها جعانة
مؤمن بحب
شايفة الطيبة دا انتى هتبقى ماما طيوبة اوى والله
انتى قمر كدا وعسل وحاجة تتحب يعنى
انا ساكتة لك من الصبح عمال تعاكس وتقول كلام مالوش لزمة وقعدت جنبى هنا وفى المستشفى وانا مكتومة بس بص بقى طول ما انا هنا متجش جنبى ولا حتى تبص لى اعتبرنى مش موجودة اصلا وانا كمان هعتبرك ولا كانك موجود خلينا كدا زى ما كنا فى الشقة هناك ماشى وياريت تنفذ كلامى لانى حسيت انك مفكرنى نسيت كل حاجة وعادى بقى تبقى بتحلم انا بعمل كدا قدام مامتك وقريبتك اللى عمالة تتدلع عليك دى عشان ميحسوش بحاجة غير كدا هرجع الشقة بسرعة
نظرت هنا لمؤمن فضحكت بشدة على منظره ..
هنا بضحك شديد
ياعينى يابنتى بعد الزعيق دا كله وطلع سرحان فى عينيكى
لما تزعقى له بعد كدا ابقى بصى الناحية التانية
تنهد مؤمن بشدة ونهض من مكانه وقال
انا رايح شركتى بقى اشوف شغلى احسن شوية كمان وهعمل حاجات مش كويسة خااااااااالص اما الحق نفسى احسن
سلام ياهنا
ثم نظر لمك التى تتحاشى النظر له وقال
سلام من غير معاكسة اهووو ..
ما ان غادر الفيلا حتى ابتسمت ملك بشدة فنظرت لها هنا وقالت
انتى ربيتى الواد عقبال ماتقوليلوا انك بتحبيه هيكون ياعينى اټشل
ملك باابتسامة حب نظرت لها ولم ترد ..
فى المساء فى احدى الاماكن الليلة على النيل التى كثيرا ماتحب نيفين السهر فيها ..
كانت نيفين تجلس سارحة شاردة حتى تفيق على صوت احد الاشخاص
مساء الخير
ما ان تلتف نيفين ناحية الصوت حتى تنظر له بااستغراب فهى لاتعرفه
مساء النور
الشخص وهو يجلس
انا احمد مكاوى صاحب شركة لسه متاسسة قريب فى مصر
نيفين بعدم فهم
اهلا يافندم بس حضرتك بتقولى كده ليه
انت تعرفنى اساسا
مكاوى بثقة
اكيييد ياانسة نيفين مش انتى بنت صفوت بيه الله يرحمه صاحب شركات صفوت جروب
نيفين بحدة
لا مش انا
مكاوى وهو يتصنع الدهشة
ازاى وكل اللى موجود هنا قالى انك خطيبة انور منير المسئول عن شركات صفوت جروب وانك بنت صاحب الشركات دى
نيفين
قولت لحضرتك لا مش انا
مكاوى باابتسامة سخرية
امممممممم مش مهم المهم ان حضرتك خطيبة انور بيه منير وياريت حضرتك تقدرى توصلينى بيه لانى بجد مش عارف اوصله
نيفين بسخرية
وحضرتك عاوز توصل لانور بيه منير ليه
مكاوى بثقة
عشان عاوز اعمل شغل مع شركة والد حضرتك اقصد شركة صفوت جروب اللى مالهاش دعوة بحضرتك مش كدا بردو
نيفين
ممكن حضرتك تاخد عنوان الشركة وتروح هناك بنفسك
مكاوى
مش هينفع لانى انا بجد عاوز اوصل له بااسرع وقت لانى بسافر كندا كل شوية وبرجع ومش مستقر فى مصر وانتى عارفة المواعيد عاملة ازاى فى مصر
نيفين
والمطلوب
مكاوى
انا بس كنت عاوز حضرتك بكرا تيجى معايا بنفسك الشركة وتدخلينى عنده وبس كده لانى بجد محتاج اظبط شغلى مع شركتكوا قبل مااسافر
نيفين باابتسامة عند
ولو قولت لحضرتك لا وروح انت وظبط مواعيدك بنفسك
مكاوى بثقة وهو يستريح فى مكانه
هفضل قاعد هنا للصبح لغاية ماتوافقى تروحى معايا
انا عنيد اكتر منك على فكرة وخلاص مظبط نفسى على الميعاد دا
وهروحه بكرا يعنى هروحه
نيفين باابتسامة اعجاب
حلوة ثقتك بنفسك على فكرة
مكاوى وهو يدور بعينه فى
