رواية ممتعة للكاتبة فريدة أحمد

ع وسطي وانا واقفه اشتري الحاجه من السوبر ماركت وقالي ماتيجي وقالي كلام قليل الادب...انتي ترضيها ع نفسك يا أنسه 
زينه صدقت كل حرف قالته قمر.... لأنها عارفه اخوها كويس.... اتبخر ڠضبها وحست بإحراج كبير حطت عينها ف الارض 
وقالت لها لأ طبعآ ما ارضهاش وانا اسفه اوي
اتفجئوا الاتنين بصوت زيد من وراهم بيقول لأخته 
وحياه امك...انا جايبك تأخديلي حقي منها وانتي واقفه تتأسفي لها 
زينه بصت له پغضب وقالتله
انا مصدقاها ومصدق انك تعمل كده....انا ماشيه ومش هتخانق مع حد
زينه خرجت عدت من جمبه...لكنه بص لها وقالها وهوه بيخرج المطوه
مش عايز من ميتين اهلك حاجه....انا هأخد حقي بإيدي
زينه صړخت ...قمر اټصدمت....زيد جري عليها...وبمنتهي العڼف ضربها بالمطوه ف وشها.
...من اول شعرها لحد رقبتها... المطوه كسرت النضاره صحيح لكن... حمت عين قمر الشمال من انها تفرقع....
زينه صړخت ...زيد شاف الډم بينطر من رقبتها...خاف رمي المطوه وطلع يجري.....
زينه بصت له...وطلعت تجري ع قمر...قمر حطت ايدها ع وشها وع الډم اللي غرق ايدها ووشها وهدومها
وفضلت تصرخ....دخل الناس من الشارع ع الصړيخ...جريوا ع قمر الجيران خدوها بسرعه ع اقرب صيدليه
...بسبب اللهوجه....محدش سأل زينه انتي مين... زينه وطت خدت مطوه اخوها وخبتها ف صدرها
بسرعه...وخرجت تجري ع بيتها.... ف وسط الزحمه بدر كانت بره بتجيب طلبات البيت...
رجعت وشافت الناس بيجروا بأختها ف الشارع رمت كل اللي كان ف ايدها...وفضلت تصرخ بإسمها 
وجريت مع الناس ع الصيدليه.... الصيدلي وقف ڼزيف الډم اللي كان ف الرقبه و خيطه 8 غرز بالطول 
قمر اغم عليها من كتر الړعب والخۏف ومنظر الډم
شمس حاولت تنام عشان تبطل تفكير ف صخر....لكن عقلها رافض انه يرحمها 
ويبطل تفكير فيه مسكت تلفونها....وخدت الكارت بتاعه اللي ادهولها...فكرت تتصل بيه لكن
بعد تفكير بعتت له ع الواتس
استاذ صخر ينفع نتقابل بكره ونروح ع الموقع 
سابت التلفون جمبها..قالت لنفسها لما يبقي يرد بقي سمعت صوت رساله
موقع ايه مين معايا 
لحقت تنساني يا مستر صخر
مين 
يعني مش شايف صورتي حتي
هوه حضرتك حابه تستزرفي ع المسا يا تقولي انتي مين يا تقفلي وما تبعتيش تاني احسن لك 
ايه يا استاذ صخر استزراف ايه اللي انا هستزرفه مع حضرتك انا بكلمك ف شغل انا شمس الفرماوي اللي جيت لحضرتك النهارده افتكرتني
طب ما تقولي من الاول يا انسه ماشي عاما هرد عليكي بكره هظبط مواعيدي واكلمك
ماشي بس ياريت المعاد يكون بعد الضهر عشان محاضراتي
حضرتك بتدرسي لسه 
ايوا ف اخر سنه ف الجامعه اومال انا قولتلك المشروع دا مهم عندي ليه دا هيكون اول خطوه ف سلم حياتي 
ماشي هحاول اظبط مواعيدي ع مواعيدك عاما هكلمك دا رقمك صح
ايوا هستني رسالتك او اتصالك تصبح ع خير 
ماشي سلام 
شمس استغربت اوي من جفاؤه معاها ف الكلام ...حست للحظه انه مش صخر 
وهوه مجرد واحد يشبهه ف الشكل والاسم....لكنها خرجت الفكره الغبيه دي من دماغها
مستحيل يكون ف اتنين من صخر الراوي...هوه صخر واحد بس مهما اتغير ف معاملته او طريقته او نظراته..
.بس هيفضل هوه نفس الراجل... الشخصيه الوقحه المتغطرسه... الاناني ....عديم الضمير
اكيد مفيش حد بالمواصفات دي غير صخر الراوي.... عدوها الوحيد ف الدنيا.
..واللي هتنتقم منه ولو دا كان اخر حاجه هتعملها ف حياتها.
..لازم تذله وتهينه وتحرمه اغلي واعز ما يملك وتدوقه من نفس الكأس
يمكن يندم ويحس باللي عمله فيها... واكيد عمله ف بنات ناس كتير غيرها
ضحكت شمس بمراره وهيه بتمسح دمعتها وقالت بصوت مسموع
خلاص هانت يا شمس صخر مهما حاول يمثل انه اتغير هيفضل بالنسبه لي هوه نفس الحقېر اللي دمر حياتي وحياه اخواتي وهخليه يدفع التمن قريب قريب اوي انا ف دماغي خطه ليك يا صخر عمرك ما كنت تتخيل انها تطلع من واحده زيي انا وبكره تشوف بنفسك
الحلقه  السادسه
زينه دخلت ع اوضتها بسرعه ....خلعت هدومها اللي ڠرقانه بدم قمر
ورمتها پخوف ع الارض....خرجت المطوه من صدرها...وبصت عليها بړعب
حطتها ف طرحه من بتوعها وفضلت تلف حوالين نفسها مش عارفه تخبيها فين
رفعت مرتبه السرير وخبتها ف جزمه قديمه كانت تحت السرير...
..قامت لبست عبايه تانيه وجريت ع الحمام غسلت ايدها وصدرها من الډم ...وغسلت وشها....
خرجت لقت امها نايمه ع الكنبه قصاد التلفزيون وابوها وزين مش موجودين....
.جريت ع اوضتها...واستخبت تحت الغطا حاولت تنام عشان تنسي الکابوس ده..
..لكنها كانت كل ما تغمض عينها تشوف وش قمر اللي زيد شوهه ف لحظه بدم بارد وهرب زي الجبان 
وسابها تلبس الليله لوحدها حاولت تنام بكل طريقه لكنها ما قدرتش...
.سمعت صوت باب شقتهم بيفتح وسمعت ابوها وزين بيتكلموا مع بعضهم..
..عملت نفسها نايمه عشان مش قادره تتكلم استنت لما زيد يرجع وتشوف هتعمل معاه ايه الاول...
حطت رأسها ع المخده واڼهارت من العياط لكن بصمت عشان محدش يسمعها 
تاني يوم ف الهايبر ماركت ايمن كان