رواية ممتعة للكاتبة فريدة أحمد

والده وحط إيده ع كتفه....عاش الكل دقايق ف نغم ع صوت بدر
اول ما خلصت الكل صقف لها بقوه....ياسر حضن ابنه تاني وكان بيبكي من كلمات الاغنيه المؤثره
خلصت الاغنيه...ونزلت بدر هنت ياسر ورحبت بيه....هوه كمان هناها ع صوتها الجميل
لكن شمس خبطت ع كتف ايمن وهوه واقف مع بدر وابوه
لف بص لها.....شاورت ع مدخل البيت....اټصدم ايمن من حضور اخوه
لكنه ابتسم اوي وراح عليه...فتح دراعه وخده ف حضنه بكل حب
ايسر بص لاخوه وقاله ف ودنه عشان صوت الموسيقي عالي
صالحني ع ابوك...بس من غير ما تيجي عليا انت فاهمني
ضحك ايمن وطبطب ع اخوه...خده من ايده....ايسر قال لزينه
خليكي هنا ثواني وراجع لك
ياسر مخدش باله ان ايسر جه...ايمن خبط ع كتفه...لف ياسر وشاف
ولاده الاتنين واقفين...بص لأيسر اوي وحس انه هيبكي تاني
ايمن زق ايسر ف حضن ابوه...الراجل حضن ابنه جامد اوي ايسر اضطر يحاوط ابوه ويحضنه
هوه كمان.......اندمج الكل ف الحفله....شمس فضلت تبص ع المدخل
مستنيا ظهور صخر ف اي لحظه....وفعلا جه....ضحكت اوي وجريت ع المدخل
صخر بص لها بإعجاب كبير....كانت لابسه فستان موف.... ضيق من ع الوسط
ونازل واسع لتحت.....مكنش عريان تماما....كان فيه شيفون خفيف ع الصدر والكتف
كان فستان غايه ف الجمال...وكانت رافعه شعرها كحكه وفيه دبوس ألماظ بيزن شعرها
والميكب خفيف هادي....كانت جميله..كأنها اتولدت بنت ناس بجد
.صخر ابتسم لها...وقرب عليها...كان سعيد....شاف ان الدنيا رجعت تضحك له ومن تاني
فشاف ان مفيش مانع يرجع يعيش ولو شويه صغيرين....مع شمس
أيسر شاف المنظر....شمس ماسكه ايد راجل ...لكن شكله مش اي راجل
واضح ان شمس عارفاه...وكانت مستنياه...اتضايق أيسر....ساب زينه واقفه
وراح ع شمس وصخر....قرب منهم...صخر شافه جاي عليهم وع وشه ڠضب ربنا
بص له صخر بتكبر وشموخ....شمس بصت مكان ما بيبص صخر شافت ايسر
ابتسمت وقالت له
تعالي يا ايسر ااقدم لك البشمهندس صخر الراوي...صخر دا اخويا ايسر الفرماوي....اشطر محامي ف مصر كلها
مدوا الاتنين إيدهم بتكبر وسلموا ع بعض وهما بيبصوا لبعض نظره الند للند
بالنسبه لصخر فهم ان ايسر متضايق منه عشان اخته مهتمه بيه...ف بيغير ع اخته ..عادي يعني
اما بالنسبه لأيسر
حس وشاف ان صخر غريمه...لان واضح ان شمس معجبه بيه...ومبسوطه بحضوره اوي
ف طبيعي يغير عليها ويكره وجوده ف الحفله....شمس شدت صخر وقالت له
تعالي اعرفك ع بابا وايمن
لكنه وقفها وقال لها وهوه بيبص وراه ع ايسر
انا جاي عشانك انتي سيبي التعارف ده لبعدين خلينا نرقص ع الاغنيه دي
شمس ڠصب عنها قالت له كلمه عمرها ما نسيتها
ودا ع اساس انك فاهم الاغنيه بتقول ايه
صخر ضيق عينه اوي وبص لها...كأنه بيفتكر هوه قال الجمله دي لمين
لكنها لحقت نفسها....ضحكت اوي وقالت له وهيه بتشده وسط الناس
ايييه بهزر معاك...تعالي نرقص
قالها ولسه وشه مقلوب
هزارك بايخ...تعالي نرقص يا بارده
ضړبته بخفه ع كتفه وانضمت معاه للناس اللي بيرقصوا صلصه
ايسر كان باصص لهم والحقد مالي عينيه...لكنه اتفاجئ بزينه بتحط إيدها ع كتفه
لف بص لها وابتسم بصعوبه...هزت رأسها ليه تشجعه يتحمل وجوده هنا ...وسط ناس بيكرههم
ابتسم لها متفهم...وخدها يشربها حاجه....
بدر كانت واقفه محتاره...مش عارفه تروح تكمل شغلها ك خادمه...ولا
تفضل وسط الناس...وتتصرف كأنها واحده منهم...لكنها قررت تدخل المطبخ
لكنها صدمت ف راجل من الموجودين...ابتسم لها ومد إيده وقال لها
انسه بدر صح....صوتك جميل اوي اتعلمتي تغني بالشكل ده فين
انا لأ دي اول مره اغني ادام الناس الصراحه
ايه ده معقول....بتتكلمي جد....ط تحبي تغني وتبقي مشهوره
بدر ما صدقتش ودنها....ضحكت اوي ولسه هترد...اټفزعت من إيمن اللي رد پقسوه ع الراجل
بدر مش مطربه يا محمود بيه....دي شغاله عندي...ومش هتغني غير لما انا ااقولها....يلا يا بدر روحي شوفي شغلك
بدر حست ان جردل ميه ساقعه اتدلق عليها....حست انها كشت ف نفسها من الاهانه
بصت لايمن اوي لكنها هزت رأسها موافقه ومشيت....حست ان الدموع بټحرق عينها
جريت ع المطبخ تستخبي من عيون الناس.....خرجت من باب المطبخ للجنينه
فضلت تجري فيها ورمت نفسها ف ركن بعيييد....ركن ضلمه
قعدت ع الارض وخبت وشها بإيديها واڼهارت من العياط
قمر كانت بتكوي هدوم جوزها وحماها ف اوضتها...زي ما طلبت منها حماتها
كانت لسه بتكوي...سمعت صوت خلاها تتنفض مكانها
بتعملي إيه
قمر نطت من مكانها لما سمعت صوته وراها...لفت بصت له حطت إيدها ع قلبها
بص لها بسخريه وقالها
إيه شفتي عفريت يا روح امك
زين مكنش بيرجع البيت ف الوقت ده ابدا....كانت الساعه لسه ٩ بليل
عشان كده قمر اتخضت منه....بصت له اوي 
كان لابس هدوم شغله عادي
البنطلون مقطع من عند الركبه...والتي شرت ما تعرفش لونه الاساسي من الشحم والسواد اللي عليه
ارتبكت لكنها ردت مستغربه
لأ عفريت ايه...انا بس...دا مش معاد رجوعك ..يعني
قاطعها بجفاء كعادته
ط خلاص بطلي رغي...روحي طلعي لي غيار عشان ادخل استحمي
بصت زف الارض وراحت ع الدولاب....زين قفل باب اوضته
قمر بتطلع له هدوم...لكنها اټصدمت ....لقت اللي واقف وراها...لازق فيها
جسمها قشعر...غمضت عينها....قالت له بنفس متقطع
انت بتعمل ايه...ابعد عني
ضحك زين بخبث وقالها
انا راجل اد كلمتي....وعدتك امبارح...وبنفذي وعدي يا.....يا عتمه
قمر تجاهلت انه رجع يناديها ب عتمه تاني.....فضلت مغمضه عينها
مستنياه ينفذ وعده ...او تهديده
زين شاف انها مستنياه