رواية رائعة للكاتبة ميادة

اغانى سارة قاعدة تفكر فى موقف يخليها تحتك ب سلمى وفى عز اندماجها جه عليها شخص .
الشخص ..................
الشخص صباح الخير
سارة هيثم !!
هيثم سحب كرسى وقعد انا اول مرة اعرف انك بتجى هنا انا عضو هنا من زمان
سارة ممكن تقوم
هيثم ليه بس 
سارة عشان مينفعش نقعد مع بعض
هيثم عادى يا بنتى احنا اصحاب عادى يعنى
سارة مفيش حاجة اسمها كده لو سمحت قوم من هنا
هيثم حاضر هقوم بس بجد انا نفسى اتعرف عليكي اكتر
سارة هيثم من فضلك متتكلمش معايا تانى ومتنساش ان ميار صاحبتى
هيثم اهو انا بقى نفسى اعرف ازاى ميار دى صاحبتك
سارة ابقى اسألها
هيثم انا بسألك انت
. قامت سارة وخدت حاجتها وراحت عند سلمى .
سارة ل سلمى ممكن لو سمحتى اقعد معاكى
سلمى اتفضلى
. قعدت سارة وحالة صمت فى المكان .
سلمى انت كويسة
سارة اه
سلمى امال ليه سبتى مكانك وجيتى هنا
سارة لو مضياقكى اقوم
سلمى لا طبعا مقصدش بس انا لاحظت انك جاية وانت مضايقة ومتوترة
سارة اصل كان فى واحد بيضايقنى وخۏفت اقعد لوحدى
سلمى انت مفيش حد معاكى هنا
سارة لا
سلمى خالص يعنى مفيش حد من اهلك او من اصحابك
سارة لا هو مع .... قصدى اخويا جابنى ومشى
سلمى انا سلمى وانت
سارة اسمى سارة
سلمى عندك كام سنة
سارة ٢٠ وانت
سلمى ٢٣ وشوية
سارة بتدرسى ولا بتشتغلى
سلمى انا مهندسة ديكور
سارة وانا فى كلية اعلام
. بعد شوية من اللت والعجن بتاع البنات اللى ملوش اى تلاتين لازمة تبادلوا ارقام الموبايلات .
سلمى خلاص سيڤته وان شاء الله يوم ما اجى هنا هكلمك
سارة ياريت لانى معرفش حد خالص وماليش الا اخويا وهو مبيفضاش
سلمى خلاص يا حبيبتى هكلمك اكيد
سارة هستناكى
سلمى معلش بقى انا مضطرة اقوم اروح عشان اتأخرت
سارة اوكى مع السلامة ومشيت
فى بيت سارة ...
معتز انت ليه مخلتنيش اجى اخدك من النادى
سارة افرض سلمى كانت لسه ممشيتش تشوفك بقى وكل اللى عملناه يبوظ
معتز يا جامد انت ايوة كده شغلى دماغك معايا
سارة بس تصدق طلعت لذيذة
معتز اتكلمتوا فى ايه
سارة كلام عادى جدا عن العيلة والدراسة
معتز مسألتيهاش مرتبطة ولا لا
سارة اكيد لا يعنى مش من اول قعدة
معتز طيب
سارة المهم انى خدت رقم موبايلها وقالتلى لما اروح النادى هبقى اكلمك نتقابل
معتز بجد يا سو
سارة اه والله بجد
معتز يارب الموضوع يظبط يا سارة
سارة يارب يا وزة انا هدخل بقى اذاكر شوية
معتز طيب انا هنزل مش عايزة حاجه
سارة سلامتك ونزل
فى احدى الكافيهات ....
معتز سنة عشان تجى تقابلينى
لليان شو بدك
معتز عايز افهم فى ايه
لليان انا اللى بدى افهم انت شو بتريد
معتز هو عشان اتكلمت معاكى بصراحة تبقى الدنيا اتهدت
لليان هيدى وقاحة مو صراحة تقلى انك ما عدت تحبنى وبدك تبعد عنى وتقلى صراحة
معتز مش احسن ما اشتغلك وامثل عليكي
لليان انا قلتلك قبل لو راح تتركنى ما راح اسيب حقى
معتز انت بتهددينى
لليان ايه اه عم هددك
معتز كده يعنى خلاص اعلى ما فى خيلك اركبيه ومن اللحظة دى يا لليان مفيش حاجة بينا عن اذنك ومشى
تانى يوم فى شغل معتز ....
رامى انت مچنون
معتز ليه يعنى
رامى مكنش ينفع تعمل معاها كده كان لازم تسايسها
معتز استفزتنى لما لقيتها بتهددنى
رامى ماهى قاصدة تستفزك يا ابنى لليان ممكن فعلا تعملك مشكلة
معتز مش للدرجة دى هتعمل ايه يعنى وبعدين دى بنت يعنى مش هتقدر تعمل حاجة
رامى بنت اه لكن لبنانية وعايشة هنا لوحدها وبتعمل اللى هى عيزاه يعنى مش هتخاف من حاجة بالعكس دى مش هيمها الا انها ټنتقم منك
معتز المشكلة انى اتخنقت منها مش قادر استحملها
رامى انت حصل بينكم حاجة
معتز لا طبعا مانت عارف انى مبعملش الحاجات دى انا اخرى بوسة حضن مش اكتر من كده
رامى مانا عارف بس قولت اسألك للتأكيد
معتز لا يا عم اطمن انا مقدرش اعمل كده عشان مفيش واحدة تدبسنى انا ناقص
رامى طيب تمام خد بالك بقى
معتز متخفش بس اعمل ايه مع لليان
رامى انا بقول تسايسها خد على قد عقلها لحد ماهى تزهق
معتز طيب
رامى كنت عايز اتكلم معاك فى حوار
معتز خير
رامى عايز اخطب
معتز الف مبروك يا برنس مين بقى
رامى هقولك بس متزعلش
معتز سلمى 
رامى لا لا مش سلمى والله
معتز امال مين 
رامى سارة اختك
معتز نعم !!
رامى فى ايه يا معتز دى خطوبة وجواز يعنى على سنة الله ورسوله
معتز يعنى انا ادخلك بيتى وآمنلك وانت بتبص لاختى
رامى لا والله طول عمرى ببص ل سارة انها اختى زى ماهى اختك بس لما اتكلموا معايا فى موضوع الخطوبة ده انت عارف انى مش مرتبط ومعرفش حد ف جه فى دماغى سارة اختك بس والله
معتز خلاص يا رامى انا هتكلم معاها واشوف وهرد عليك
رامى ماشى
________
بعد شوية فى كافتريا الشركة ...
معتز اذيك يا سلمى
سلمى يووووووه
معتز اسمعى بس للاخر
سلمى خير
معتز انا مش هقرب منك تانى ولا هتكلم معاكى ولا هفتح الموضوع ده ومش هنكون اكتر من مجرد زمايل فى الشغل
سلمى وايه اللى غيرك يعنى
معتز اولا عشان الحب