رواية رائعة للكاتبة شيماء نعمان

من الثاني عشر الي الخامس عشر
جاسر ده شكله فصل ليه فى ايه
بهيرة عمك فاروق رجع من السفر وجاى على هنا شكله حد قاله انك اتجوزت جاى ومستحلفلك
نظر الى سلمى فاقتربت منهم ليه يا ماما هو جوازه منى غلط
بهيرة لا يا حبيبتى مش قصدى والله اقصد انه اتجوز من غير عمه ما يعرف اصلك متعرفيش فاروق صعب ازاى لو حد كسر كلمته
جاسر مټخافيش ياامى انا اعرف اتصرف معاه كويس
بعد حوالى ساعة سمعوا صوت جرس الباب فتحت الخادمة ليجدوا فاروق العم الاكبر ومعه ابنه عماد وحازم ابن اخته لم تكن سلمى حاضرة فى هذه اللحظة كانت تجلس مع حنين فى غرفتها مترقبين مجيئ فاروق

اقبل عليه جاسر يقبل يده الف حمد لله على السلامة يا عمى
فاروق الله يسلمك يا جاسر بيه .....اخبارك ايه
احس جاسر من نبرة الاستهزاء انه علم بكل شئ
جاسر احم احم ربنا يطمنك .......حازم حبيبى فينك يا راجل
حازم فى الدنيا يا اخويا .....يا ندل تتجوز من غير مااعرف نهارك مش فايت
جاسر ما خلاص بقى كفاية عمك واللى هيعمله
جلسوا جميعا يرحبون بفاروق والضيوف
فاروق والله عال يا سى جاسر تتجوز من غير مااعرف ومن غير اذنى ليه انا مت عشان تتصرف من دماغك
جاسر بعد الشړ عليك يا عمى متقولش كده ......بس الجواز والله كان ليه ظروفه
فاروق ظروف ايه اللى تخليك تتجوز من غير علمى ومين بنت رشدى اللى انت مشيت وراء كلام فاروق وصدقت انه قتل ابوك رايح تتجوز بنته .......ولا عشان الشيكات اللى انت اشتريتها من التجار عشان تذله بيها
جاسر ده انت عارف كل حاجة بقى
فاروق انا اعرف دبة النملة تحب اقولك كمان تحب اقولك مراتك عملت ايه مع هانى فى حفلة ادهم ابن خالك
حازم ايه يا حاج هو انت شغال فى المخابرات واحنا منعرفش
فاروق اسكت انت خالص فاكرنى عبيط ولا نايم على ودانى لا اصحوا كل حاجة حصلت وبتحصل عارفها لحظة بلحظة يا سى حازم .......وطبعا انت تعرف وساكت
حازم ابدا والله انا معرفش غير النهاردة منك واحنا راجعين
فاروق هااا يا سى جاسر وناوى تتطلق امتى
جاسر اطلق ايه يا عمى بس انا مش هطلقها
فاروق ايه مش ده اتفاق بينكم لحد ما ابوها يسدد الشيكات
جاسر كان الاول يا عمى انا اخدت فلوسى خلاص ومعنديش استعداد انى اسيب
بهيرة لو شفتها هتحبها والله يا حج
فاروق عاتب عليكى يا حجة مش تعرفينى ولا انا خلاص كبرت ومعدتش ليا كلمة مسموعة
بهيرة متقولش كده يا حج ده انت الخير والبركة ......بس انت عارف جاسر ودماغه الناشفة بس الحمد لله بعتله اللى تصونه وتراعى ربنا فيه
فاروق اوعى تكون زى البت اللى ملونة وشها بالبوية دى يا جاسر اللى اسمها ايه ........اه جودة
ضحك الجميع لايا عمى اسمها جودى .....بس خلاص بقى راحت لحالها الله يسهلها
فاروق اه.......طيب فين مراتك دى اللى خلتك تنسى الستات دى كلها عاوز اشوفها
جاسر ثوانى يا عمى اجبها واجيب حنين
قام جاسر الى غرفة حنين وجدسلمى تتحدث مع عمرو بفرحة
سلمى خلاص يا حبيبى انا هبلغهم واعرفك رايهم .....سلام
جاسر هااا فى ايه
نظرت لحنين بفرحة عمرو شاف الاشعة بتاعت حنين وقالى ان العملية بتاعتها سهلة وباذن الله تعملها وترجع توقف تانى
جاسر بجد يا سلمى
سلمى اه والله لسه قافل معايا انا كنت اخدت الاشعة من ماما وهو شافها وعرضها على دكاترة كتير وشافوا الحالة قابلة للعلاج
حنين خاېفة ......خاېفة اتعلق بامل وارجع تانى زى ما كنت
جلست امامها حبيبتى ده ربنا موجود قادر يشيفيكى طول ماانتى مصدقة انه بايده وحده الشفا
جاسر طيب يلا نتكلم تانى عمى عايز يشوفك وانتى كمان يا حنين
سلمى جاسر هو عمك ده صعب اوى كده .......كلكم خايفين منه
جاسر حبيبتى تخافى ليه هو صعب شوية بس طيب اوى
حنين اه والله يا سلمى .....زى بابا الله يرحمه
جاسر طيب يلا بقى .....غطى شعرك فى ناس بره يلا
خرجوا سويا وهى تدفع كرسى حنين امامها نظروا اليها جميعا ........اما حازم شعر پصدمة قوية عندما راها
لم يتخيل ابدا ان تكون هى نظر اليها مرار حتى تاكد ان ماراه صحيحا
فاروق تعالى يا سلمى
اقتربت منه اقعدى يا بنتى
نظر اليها مطولا شبه عمتك يا سلمى .....عمتك نورا .....متعرفيهاش طبعا
سلمى لا بصراحة اسمع عنها واعرف انى شبهها بس هو حضرتك تعرفها
ادمعت عينيه حاول ان يخفى دموعه كانت هتبقى ام الواد عماد .....الواد ده واشار الى ابنه
جاسر معقول يا عمى انت اتجوزتها
فاروق لا يابنى الله يرحمها ماټت واحنا مخطوبين ......ماټت فجاة من غير ما تتعب ولا حاجة ......ربنا يديكى طولة العمر يا بنتى .....انتى صورة