رواية شيقة بقلم الكاتب رشاد سيد
حج بلاها مصاريف نتعشي هنا وخلاص
علي يا ستي خلي العيال يفرحو ..
محمود ممكن يا بابا أجيب حنين معانا
واهو تتعرفو عليها أكتر ...
علي وماله يابني هاتها معانا ...
علياء يا بابا انا كده هتعبك معايا ...
علي تعبك راحة يا حبيبتي وانا فديك الساعة لما احتفل بحفيدي يتربي في عزك يا رب وتجيبي دستة عيال ...
علياء ربنا يخليك يا بابا في حياتك يا رب ...
ومن ثم يتجه محمود الي غرفته ليتصل بحنين ....
محمود ألو ازيك يا حنين عامله ايه ...
حنين الحمدلله أخبارك ..
محمود بخير الحمد لله انا متصل بيكي أقولك ان بابا عازمنا علي العشا برا احتفالا بحمل علياء وقالي اتصل بيكي تيجي معانا
ايه ال هيوديني معاكو ..
محمود بزعل والله يا حنين !!! يعني انتي مش من العيلة امال هتبقي مرات مين خلاص براحتك ...
حنين مسرعة لا خلاص متزعلش انا جاية معاكو عشان خاطرك انت بس ..
محمود تسلميلي يا حبيبتي. اجهزي وبالليل كده هعدي عليكي ...
حنين ماشي بس ممكن تكلم بابا تستأذن منه ...
محمود حاضر يا حبيبتي هكلمه يلا مع السلامة ...
حنين مع السلامة ..
ومن ثم بعد فتره تذهب حنين إلي والدها لتستأذن منه للخروج مع محمود وعائلته ...
حنين بابا محمود كلمني وقالي انه عايزني أخرج معاه هو وعيلته احتفالا بحمل اخته ...
حنين ماشي يا بابا شكرا عن اذنك
خالد اتفضلي
وقفت خارج غرفتها يتستمع إلي الحوار التالي
مصډومة....
دينا أيوه يا سيف معلش يا حبيبي معرفتش أكلمك اليوم كله
سيف ولا يهمك يا حبيبتي أهم حاجة هنتقابل امتي !...
دينا احنا النهارده خارجين نتعشي بره احتفالا بحمل علياء أختي بكره ان شاء الله هقابلك .
سيف بخبث بس انتي بكره معندكيش دروس .
دينا ما انا عارفة ان معنديش درس هو انا هغلب هعمل زي كل مره وأقولهم ان الاستاذ عطانا حصة إضافية عشان متأخرين في المنهج ..
كانت يتستمع الي كل هذا وهوهي غير مصدقة نفسها ..
______ والله لوريكي بكره يا بت نادية ياما قلتلها دلعك فيها ده غلط بس انا هربيكي من أول وجديد
يأتي الليل ويذهب محمود لإحضار حنين وكانت ترتدي فستان أوف وايت واسع وتضع مساحيق خفيفة جعلتها تبدو كالأميرات وعليها حجابها الذي يزينها وبمجرد ماشافها محمود تنح وفتح بؤه ... وعندما أفاق
محمود بغيرة واضحة انتي هتخرجي معايا كده ! ..
حنين وفيها ايه الفستان ال انا لابساه واسع ومش حاطة حاجة في وشي غير كحلة والطرحة كبيرة ..
حنين مذعنة اليه حاضر يا محمود ال انت عايزة ..
ومن ثم تذهب حنين لتغيير ملابسها فتقابلها أسماء ..
أسماء مالك يا بت رجعتي تاني ليه !..
حنين ابدا يا ستي محمود قالي غيري الفستان ده والبسي أي جيبة وبلوزة قال قال الفستان محليني حلوة بزيادة ..
أسماء وتغمز لها يا سيدي يا سيدي ده باين عليه واقع عالأخر ده بيغير عليكي من الهوا ..
حنين ياختي اتوكسي انا مش عارفة أعمله ايه بس مش عارفة ليه مقدرتش ازعله ..
أسماء ممازحة الحب الحب يا أمير ههههه ..
حنين غوري يا بت اطلعي بره ..
وبعد ان تبدل حنين ملابسها وتنزل الي محمود ..
محمود أيوه كده حلو مع انك زي القمر برضه انا لو عليا أخبيكي عن الناس كلهم ...
حنين يلا والنبي يا محمود ما تفقعش مرارتي ..
محمود تصدقي يا بت انك فصيلة ..
حنين ههههه مانا عارفة .. ومن ثم يذهب محمود وحنين الي المطعم الذي اتفق والده عليه وكان مطعم عالنيل ..
منة اهو محمود جه هو وحنين ..
علياء اه يا بت دول هما طب تعالي انتي جنبي وخليهم يقعدو جنب بعض ..
منة حاضر ياختي من غير ماتقولي ..
ومن ثم تجلس منة بجانب علياء ..
محمود السلام عليكم ..
علي وعليكم السلام ياعني اتأخرتو في حاجة حصلت ولا ايه ! ..
محمود بخبث ابدا يا والدي روحت لقيت حنين لسة بتلبس وانت عارف البنات بتأخر في اللبس أد ايه ..
حنين وراحت قارصة محمود في رجلة معلش يا عمي انا اسفة ...
علي ولا يهمك يا بنتي احنا مارضيناش نتعشي من غيركو يلا بقي اطلبو العشا .. طلبو العشاء وتناولوه في جو جميل يعلوه جو الأسرة الدافي بالاضافة الي بعض الاحاديث الجانبية ..
محمود ايه رأيك يا بابا نتجوز انا وحنين في اجازة نص السنة
نادية وليه بس الاستعجال يابني! ..
علي بس انتي يا نادية وماله يابني خير البر عاجله
بس انتو هتعرفو تكملو حياتكو وانتو لسه بتدرسو
قصدي يعني لو ربنا شاء
