رواية شيقة بقلم الكاتب رشاد سيد الحلقة 10 الي الخامسة عشر

عملتها قبل ما أعرفك انا دلوقتي مليش غيرك انتي ورامي انتو كل حياتي 
علياء بقلق علي زوجها اوعدك يا حبيبي ان انا هفضل جنبك علي طول وعمري ما هسيبك ابدا انت ابو ابني وحبيب عمري ربنا يديمنا في حياة بعض وإن شاء الله مش هنفترق ابدا بس انت قول يا رب واتوكل عليه دايما 
إبراهيم يا رب يا حبيبتي يا رب 
أسماء قاعدة بتلعب في التليفون ادهم رن عليها 
أسماء ألو ازيك يا أدهم عامل ايه 
أدهم الحمد لله وحشتيني أخبارك ايه 
أسماء انا كويسة الحمد لله خير عايز حاجة 
أدهم إيه الرخامة دي واحد متصل يطمن علي حبيبته هيعوز ايه يعني! 
أسماء بجدية لما نتخطب إن شاء الله ابقي اتصل اطمن
أدهم واحنا فيهاانا عن نفسي بعد ما خلصت جامعة اشتغلت في بنك بمرتب محترم واحنا الحمد لله مرتاحين ماديا وعندنا عماره لكل واحد فينا دور وانا شقتي مشطبه سوبر لوكس مش ناقصها حاجة لو عايزاني اجي اخطبك من بكره أنا مستعد 
أسماء من بكره ايه يا مچنون علي الأقل لما يعدي سنة علي فرح اختي حنين ونكون خدنا نفسنا شوية 
أدهم سنة !! لا ياختي انا مش هقدر اصبر سنة ولا اقولك خليها في اجازة تانية كلية واهو بالمرة اشوف نفسي لو في حاجة ناقصة كده ولا كده وانتي تكوني جهزتي نفسك 
أسماء خلاص تمام ان شاء الله كده علي اخر السنة هكلم بابا وافاتحه في الموضوع يلا انا هقفل دلوقتي عايز حاجة !
أدهم مسرعا استني بس ممكن اطلب منك طلب ويا ريت ما تكسفنيش فيه ! 
اسماء اتفضل بس يكون طلب في مقدرتي انفذه 
أدهم اه ان شاء الله هتقدري تنفذيه 
أسماء ماشي قول 
أدهم ممكن ابقي كل فتره اتصل بيكي عشان اطمن عليكي ومش هقول اي حاجة والله بس اسمع صوتك بس 
أسماء بخجل ماشي 
أدهم شكرا يلا اقفلي بقي في حفظ الله مع السلامة 
أسماء مع السلامة 
بعد ان تنتهي اسماء من المكالمة تشعر بسعادة شديده لا تصدك نفسها ان هذا أدهم الذي كانت لا تطيقه اصبحت الأن تحبه بل تعشقه كم هو متفهم وسلس في المعاملة ويتقبل كل ما تقوله له ومن ثم تدعو الله ان يجمعهما علي خير بينما هو لا يختلف عنها كثيرا ففي كل مره يزيد عشقه لها في محبوبته الصغيرة بالرغم من انها عندية الا انه يعشق عنادها ويدعو الله ان يحفظها له ويجمعم علي طاعة الله
عند معتز 
معتز ألو ازيك ياد يا زلطه عامل ايه 
زلطه الحمد لله يا أمعتز أخبارك 
معتز الحمد لله كنت قاصدك في خدمة 
زلطه انت تؤمر يا أمعتز انت جمايلك مغرقاني 
معتز يا راجل عيب عليك لا جمايل ولا حاجة انت غالي عليا المهم بص بقي يا سيدي في واحف اسمه سيف عادل طويل كده واسمراني غلط فيا وانا عايزه يتروق الترويقة التمام قولت ايه! 
زلطه اعتبره حصل 
معتز حبيبي تسلم بس أهم حاجة تجيبلي التليفون ال معاه عشان فيه حاجة تخصني 
زلطه حاضر يا أمعتز 
معتز وإن شاء الله لما تعمل ال اتفقنا عليه ليك الحلاوه زلطه تمام يا أمعتز 
وبالفعل زلطه مسك سيف وروقه الترويقه التمام وده طبعا بمساعدة دينا ال قدرت تعرف كل تحركاته 
زلطه خد التليفون من سيف وعطاه لمعتز معتز كلم دينا وقالها تقابله في كافيه وسط البلد عشان يقولها علي كل حاجة 
معتز الحمد لله يا ستي قدرت أعلم سيف الأدب وان بنات الناس مش لعبه ده طلع مش مسجل مكالماتك انتي بس 
لأ ده كمان مسجل مكالمات لبنات كتير جدا خدي اهو التليفون امسحيهم بنفسك 
تتناول دينا التليفون من معتز وتمسح كل المكالمات التي قد سجلها سيف لها او لغيرها ومن ثم تنزع الشريحة وتكسرها وتلقي التليفون في سلة القمامة 
دينا بامتنان شكرا يا معتز ربنا يخليك ليا انت عملت معايا ال محدش يعمله وده جميل عمري ماهنساهولك 
معتز لأ عيب عليكي ماتقوليش كده اي حد مكاني كان هيعمل كده واكتر بس انتي اوعديني انك تحافظي علي نفسك وماتخليش حد يضحك عليكي تاني وانتي اهو اتعلمتي الدرس كويس 
دينا طبعا الحياة مابتعلمش درس بالساهل 
وانا اتعلمت الدرس كويس اوي 
يلا بقي انا هروح عشان ماتأخرش مع السلامة 
معتز مع السلامة 
بعد شهرين 
محمود راجع من المعمل ال بيشتغل فيه لقي حنين بتعمل أكل في المطبخ 
محمود عاملالنا ايه يا روحي علي الغدا النهارده 
حنين عاملالك صينية جلاش باللحمة المفرومة ونجرسكو هتاكل صوابعك وراهم 
محمود الله الله ايه الدلع ده كله انتي راضية عني بقي 
حنين بحب طبعا يا حبيبي 
امال لما مش هرضي عنك هرضي عن مين 
محمود ماشي يا قلبي قربتي تخلصي اجي اساعدك في حاجة