رواية رائعة بقلم ميادة محمد
تشهدوا عالكلام.. أميرة اختي زعلتك في شي من يوم ما عرفتك
نهى بتفكير_لأ ابدا بس بتفكر تأخذك مننا
وليد _ممكن تقوليلي ليه عملتلها بلوك من عندي وعندك وحكى لأهلها اللى حصل منها
نهى بارتباك_انا مكنش قصدي والله انا بس مكنتش عايزة اقطع الاجازه وفكرتها حاجه عاديه تستنى
والدتها _ليه كده يا بنتى ده اللي ربيتك عليه أنا وابوكى وأميرة طيبه اكيد مش هتقصد تضايقك
وليد_حصل خير يا ماما اللى عملته ده كان قرصه ودان ليكى وتحسى باللى عملتيه
نهى_خلاص والله مش هتتكرر تاني
وليد _اكيد مش هتتكرر عشان أنا مش هسمح إنك تكرريها اميره بالنسبالي زى ايسل بنتنا بالظبط
وليد_لا عمى متتاسفش حصل خير استأذنك يلموا حاجتهم عشان نروح
والد نهى _يلا يا بنتى مع جوزك
أحمد دخل اوضته واتفجأ من هيئه دينا شبه الملايكه وهي نايمة قرب منها وحاول يصحيها لكنها مش بترد_دينا حبيبتي قومى فى حد حلو كده
دينا _.........
أحمد _دينا دينا قومى ردى عليا
دينا_.......
أحمد جرى يخبط على غرفة أميرة وجت فتحت بعد ما لبست اسدالها
أميرة _خير يا بشمهندس دينا كويسه
أحمد _لأ مش كويسه شكلها مغمى عليها تعالي بسرعه
أحمد _ولا ناخدها المستشفى احسن
أميرة وقد أدركت انها فارقت الحياه _لأ مستشفى لأ أرجوك هات دكتورهنا احسن
أحمد طلع زى المچنون الدور اللي فوقيهم يخبط على دكتور جارهم فالوقت ده صحيت ليلى ومروة وجم على أوضه دينا
ليلى _خير يا بنتى ايه اللي حصل
أميرة بدموع بتجاهد ما تنزلش_ابدا يا طنط دينا تقريب مغمى عليها وأحمد بينادى الدكتور اللي فوق.. اهو جيه
الدكتور بدأ بفحص دينا ما فيش نبض.. البقاء لله يا جماعه
وليلى ومروة شهقم وبدأوا يبكوا
أحمد _بس كلكم دينا عايشه أكشف تاني يا دكتور من فضلك
الدكتور عصام _اهدا يا بشمهندس ووحد الله دة عمرها ولو حابب تشوف غيرى اتفضل
أحمد _ايوة أنا هاخدها المستشفى يلا يا أميرة
أميرة _اهدا يا أحمد دينا خلاص راحت لمكان احسن هنبهدلها فالمستشفى عالفاضي
أحمد رمى نفسه في حضڼ ليلى اللي واقفه مڼهارة هى كمان مش مصدقه _اهدي يا بنى أميرة كلامها صح دى كانت بتودعنا قبل ما تنام وصتني على أميرة والولاد وعليك الله يرحمك يا بنتى ويصبرك يا بنى
أميرة كلمت وليد اللي جه على طول واتصرف فى باقى الإجراءات لأن أحمد مڼهار طلع الصبح واميرة اتكلمت مع الولاد وانهاروا على مامتهم وفضلت تصبر فيهم تقولهم أنها مستنياهم فالجنه لحد ما الولاد هيديوا وخلصت الدفنه وأحمد لسه قاعد فى المقاپر بيكلم دينا _ده اللي مش هتسبينى لحد اخر العمر أنا زعلان منك وبيبكى الناس كلها مشيت أميرة قربت عليه وقالتله_أنا عارفه ان الفراق صعب بس هى فى مكان أحسن اترحمت من الألم اللي كانت عايشه فيه ليل نهار ادعلها ومش بقولك ما تبكيش عليها لا أبكي عليها عشان هى تستاهل بس خليك قوى عشان ولادكم قوم يلا نروح البيت عشان الولاد والناس اللى هتعزى وهنرجع لها تانى أحمد سمع كلامها وقام معاها زى ما يكون طفل صغير وراحوا عالبيت يستقبلوا الناس اللي هتعزى والولاد ما فارقوش حضڼ أميرة خصوصا فريده اللى طلبت من أميرة تقولها يا ماما واميرة فرحت بده اخوات دينا واقفين ياخدوا العزا لكن كوثر مش باينه الكل افتكر أنها فى بيتها مڼهارة على بنتها لكن المفأجاه الباب خبط ودخل ظابط _فين أميرة رشاد
أميرة _أنا يا حضرة الظابط خير
الظابط _مطلوب القبض على حضرتك
أميرة_ بتهمه إيه
الظابط _چريمه قتل
أميرة _قتل مين...
الظابط _قتل.......
ياترى أميرة متهمه پقتل مين ده اللي هنعرفه
الفصل العاشر ............
عند كوثر فالبيت قاعده معاه سالى
سالى_خلاص يا ماما البوليس خدها وهيحقق معاها وتاخد جزائها الطماعه دى وقالت فى نفسها بقى أنا تاخدى مني الدهب وتخلى واحد حيوان زى اشرف يرجع يتحكم فيا ويجبرنى اروح شقته ويا عالم بقى سجلي تاني ولا ايه
كوثر_سالى يا سالى
سالى_ها بتقولى حاجه يا ماما معلش اصلى افتكرت مصطفي الله يرحمه ومثلت العياط
كوثر بعياط_الله يرحمه هو دينا قطعوا بيا والله ليه بس يارب ادفن واحد ورا التاني بدل ما هما اللى يدفونونى اهههه
سالى_خلاص بقى يا ماما وفى نفسهاوليه نكد صحيح بس اما وريتك يا أميرة يلا يا حبيبتي الناس بره عايزه تعزيكى
كوثر _مش هاخد عزا قبل ما حق بنتى يجى قوليلهم ما فيش عزا
دخلت منال وقالت لمنال نفس الكلام
