الجزء الثاني من رواية للكاتبة ندا محمود

بقيت اخاڤ ما انام وحدي والنهردا نومت ڠصب عني من غير ما أحس وكنت مستنياك بس مقدرتش اقاوم ونومت
هتف في هدوء وصوت رجولي  
_ ميقدرش يدخل أصلا وميقدرش يتجرأ ويقربلك تاني ولو فكر وهوب ناحية البيت بس الحرس اللي برا هيمسكوه ويجبوه ليا علطول فاطمني لإن مفيش غيري هيدخل عليكي البيت هنا أساسا
هزت رأسها بتفهم وهي تقابل كلامته بابتسامة باهتة ليمد يده على اللحاف ويرفعه على جسدها هاتفا بمشاكسة  
_ الجو مش برد للدرجة دي على فكرة !
ضحكت وبادلته مشاكسته قائلة  
_ لا برد جدا ده أنا كنت بتنفض من البرد قبل ما تاجي واوضة المكتب بتاعتك كانت دافية شوية فقعدت فيها وغلبني النوم
هب واقفا ونزع سترته عنه هاتفا بضحك  
_ لا وعلى إيه أنا اجبلك دفاية وتعيشي جمبها اليوم كله لأن شكلك من النوع اللي بيبرد أوي
_ جدا فوق ما تتخيل أنا في بيتنا أحيانا كنت بمشي وسطهم بالبطانية وكان سيف الله يرحمه يفضل يتريق عليا هو وماما !!
ابتسم لها بأسى عند ذكرها لشقيقها وصديقه الحميم ولكن اختفت ابتسامته حين رأى ملامح وجهها التي عبست پانكسار وحزن ليقترب منها مجددا ويجلس بجوارها هامسا في نبرة تنسدل كالحرير ناعمة  
_ شفق أنا معاكي ومش عايزك تحسي إنك وحدك أبدا اعتبريني سيف ومامتك وكل حاجة أنا معنديش مانع
استقرت منها نظرة منطفئة عليه وقالت بصوت متحشرج 
_ أنا مش عارفة اوصفلك اللي بحسه كل ما افتكر أنهم خلاص مبقوش جمبي ولا معايا ولا هشوفهم تاني بس إنت أكيد حاسس بيا صح !!
وضع كل شيء جانبا وسمع لصوته الداخلي الذي يطلب منه أن يخفف عنها ويحتضنها لعله يهدأ من نيران قلبها الذي هو أكثر من يشعر بالآم الفراق فمد يده لرأسها وجذبها إليه لټدفن هي وجهها بين ثنايا رقبته وتسمع همسه المټألم  
_ صدقيني مش هتلاقي حد حاسس بيكي أكتر مني
اڼفجرت في البكاء الشديد وتشبثت بذراعيها حول رقبته بقوة ليسمع نبرتها المتقطعة وهي تهتف من بين بكائها  
_ وحشوني أوي ياكرم نفسي اشوف ماما واحضنها وسيف وحشني جدا .. وحشني صوته وهزاره معايا
لمعت عيناه بالدموع هو الآخر ليجيبها في صوت به بحة بسيطة  
_ وأنا كمان وحشني أوي 
اكملت نوبة بكائها وتركها تخرج كل ما في نفسها المكتظة باللآم وهي بين ذراعيه هامسا في أذنها يسترسلها في البكاء  
_ عيطي !
ازدادت حدة بكائها وظل يملس على ظهرهها حتى احس بها هدأت قليلا .. وبعد دقائق أبعدها عنه وتمتم بحنان دفين  
_ هاا حاسة نفسك أفضل 
جففت دموعها بعدما شعرت بأنها ازاحت ثقلا من على قلبها حين بكت بقوة فهزت رأسها بالإيجاب ثم تطلعت له ورأت عيناه اللامعة بالدموع لتبغض نفسها وټلعن احزانها التي تسبب له الحزن أيضا ووجدت نفسها لا تتحكم في دموعها مجددا وتقول باعتذار وخنق وهي تبكي من جديد  
_ أنا آسفة عارفة إني نكدية وبنكد عليك كل شوية !!
رغم الأجواء الكئيبة التي صنعتها هي ولكنها نجحت أيضا في اضحاكه حيث أجابها بضحكة بسيطة  
_ لا إله إلا الله .. افهم بس بټعيطي تاني ليه دلوقتي !
قالت باحتجاج على نفسها وضيق  
_ عشان أنا نكدية !!!
لم يتمكن من منع ضحكته المتأججة واجابها في رقة من بين ضحكاتها  
_ وهو أنا اشتكتلك وقولتلك إنتي نكدية وأنا مبحبش النكد !! قومي ياشفق بس اغسلي وشك وصلي العشاء لو مصلتهوش وهترتاحي .. قومي
نهضت من جانبه واتجهت للحمام بينما هو فضړب كف على كف ضاحكا ثم استقام وبدأ في تبديل ملابسه !! ......

دخلت ملاذ المطبخ لتشرب وإذا بها تجد ميار تقف وتقوم بتحضير كوب قهوة فظنت أنها تحضره لنفسها .. تجاهلتها وفتحت الثلاجة لتخرج زجاجة المياه وتسكب في الكوب لتشربه كله حتى سمعته تسأل بلؤم  
_ زين موجود في مكتبه ياملاذ
التفتت لها بجسدها كاملا وحدجتها باستحقار قائلة بقرف  
_ آه موجود خير
اكلمت ميار بنفس نبرتها المستفزة قاصدة إثارة غيرتها  
_ أصل أنا شوفته جاي من بدري من الشغل ومطلعش من Büro المكتب وقاعد بيشتغل فقولت أعمله فنجان قهوة
اشتلعت نيران الغيرة وتأججت حتى كادت أن تصل إلى السقف فاقتربت منها وهي تحاول تمالك أعصابها المتغاظة وهتفت جازة على أسنانها بقوة  
_ زين مش بيشرب القهوة ولو شربها مبيشربهاش غير من إيدي فأنا من رأي ياتكبيها ياتشربيها لأنه مش هيشربه 
_ بس أنا واثقة إنها هتعجبه !
قالتها بثقة تامة ودلال أنوثي مستفز ففقدت ملاذ السيطرة على نفسها الملتهبة وجذبتها من ذراعها پعنف هاتفة في تحذير مخيف  
_ بقولك إيه يابت إنتي تبعدي عن زين بالذوق احسلك بدل ما والله العظيم اخليكي ټندمي على اليوم اللي شوفتيني فيه فاهمة ولا لا
تطلعت إليها ميار بنظرات شيطانية غير مكترثة بتحذيرها المباشر لها ثم دفعتها بعيدا عنها وامسكت بكوب القهوة