الجزء الأخير من أسيرة عشقه بقلم شهد السيد

المنزل المرتب بتصاميمه والوانه المتناسقه والمبهجة وهو يتحدث بصوت مرتفع
_بس المدام ذوقها جامد برضوا لما اجي أجوز هخليها هى اللى تختار معايا ألوان البيت.
 _شوف بتعاملني معاملة الكلاب مع إنك بتعامل كلابك أحسن منى بس بحبك والله ومقدرش على زعلك منى فكها بقي يرضيك مراتك الغلبانه اللى تعبت أكتر.
كان يعلم أنها نقطة ضعفه لذلك أجاد إستخدامها جيدا وظهر تأثير حديثه على وجه حمزة الذي نظر نحوه وتسأل بنبرة قلقه 
_هى مبتاخدش العلاج.!
ضم علي شفتيه بأسف يحرك رأسه بالنفي يجيبه بحزن حقيقي 

_من يوم ما انت مشيت وهى مبتعملش حاجه غير العياط حتى العلاج رفضاه طول ما انت مش موجود حاولت اكلمك كتير ودورت عليك أكتر بس مكنتش عارف اوصلك هى اللى بعتتني ليك هنا كان آخر أمل ليها إني الاقيك فى شقة إسكندرية والحمدلله إني لقيتك.
مرر حمزة يده على وجهة ببعض العڼف مرورا بخصلات شعره هو أراد فقط الإبتعاد ليتعافى ليس لتسوء حالتها أكثر.!
ربت علي على ذراعه برفق يحدثه بهدوء 
_كلنا عارفين انت بالنسبة لشذي أي وانت أكتر واحد عارف مش متعودين منك تختفي وتسيبنا لوحدينا يابوب الاقي مين يراقبني فى الكاميرات ويقولي شايفك ياحيوان.!!
أنهي حديثه بمزاح طفيف محاولا التهوين عليه تعمد ألا يذكر ياسمين بأي شكل حتى ينجح بأقناعه بالعودة معه
زفر بتروى وألتفت يدلف للغرفه الرئيسية يخرج ملابسه استعدادا للعودة عازما على بعض الأشياء الذي سينفذها ليخرج بأقل الخسائر من تلك الزيجة التي حدثت.
_يافضحتي ما تختشي ياعمو مش كدا أنا علي آه بس راجل اوي.!
نطق بها علي الذي لحق به ووجد حمزة نزع التيشيرت المنزلي الخاص به وهم بأرتداء القميص إنحني علي متفاديا التيشيرت الذي كان على وشك الإصتدام بوجه وسارع بإغلاق باب الغرفة علي حمزة يتفحص باقي المنزل لأول مره يرى ذلك المنزل من الداخل لأن لا أحد كان يأتي هنا سوى حمزة وشذي فقط.
التقط إحدى ثمار الفاكهة يأكلها وقد لاحت على وجهة أبتسامة صغيرة عندما تذكر ما فعله قبل ثلاثة سنوات من الآن تصنع حمزة وجود أمر هام بالعمل يستدعي السفر لأسوان وتولى على ظاهريا توصيل الثلاث اشقاء للمدرسة لكن فعليا أخذهم لقضاء اليوم بمحافظة الأسكندرية ومعه والده ووالدته مستغلا عدم وجود حمزة الشاذلي وإذا به يتفاجئ بدخول حمزة وشذي للمطعم المتواجدين به.!!
_بتضحك لمين يالا.!
قالها حمزة عندما أنتهي من تبديل ملابسة واخذ متعلقاته وخرج يبحث عن ذلك المعتوه الذي أتي إليه أعتدل علي بوقفته يحرك رأسه بالنفي يجيبه
_افتكرت حاجه كدا يلا عشان منتأخرش.
_____ 
رفعت يدها تمسح تلك الدمعه التي أنسابت من أعينها وهى تطالع أثاث الغرفة بشرود لا تدرك أين الصواب واين الخطأ وماذا فعل هو وماذا حصدت هى حصدت اللوم وكلام قاسې عن عدم مسؤليتها وأخر ساخر عن أنها كانت مثل أبنتها فى الماضي تعترف بذلك لكن بعد تقدمها بالعمر أدركت اخطائها وكانت تتمني ان لا تكرر أبنتها أفعالها..
flash bak... 
هتفت شذي وهى تخرج ملابس نضيفة من غرفة الملابس
_ مش شايف إنك بتشد علي ياسين وأحمد شوية رغم أنهم دايما بيداروا علي غلط ياسمين ومع أول غلط ليهم تيجي عليهم.
فتح باب المرحاض يأخذ الملابس منها قائل
_هما ولاد لازم يتشد عليهم.
عقدت يدها بأستنكار قائلة
_تشد علي الولاد وتدلع البنت تخليها دايما شايفة إنها مش غلط.
وقف يصفف خصلاته الذي غزاها الشيب قائل
_دلعي ليها عشان وحيدة ولا عندها صحاب ولا أخوات بنات وبعدين ما انت كنت دلوعة هشام ولا نسيتي.
ضحكت ببعض الأستهزا قائلة
_منستش ولا حاجه بس دلع بابا ليا كان بحدود كان بيعرف أصغر تفاصيل يومي نوع السندوتش اللي اكلته وهو مش معايا انما ياسمين أنا معرفش عنها أي شئ دايما ف اوضتها تلفونها مش بينزل من علي ودنها واجي أمسك تلفونها من غير قصد أصلا ابقي بشك فيها مجرد ماحد من اخواتها بيقولها كلمة مش علي هواها بتقلب الدنيا وتخليك تعاقبهم رغم أنهم أي شئ هيعملوا هيكون ف مصلحتها دي معظم كلامي مش بتسمعه بسبب دلعك ليها مش شايف برضوا ده إنه دلع بايخ وسخيف.
الټفت قائل بهدوء شديد وثقة تامه
_لا مش شايف ده شايف أن أي بنت ف سنها بتكون كده وبعدين ياسمين استحالة تعمل حاجة غلط.
سخرت شذي بنفسها قائلة
_اللي ف عادة عمرة مهيبطلها دايما شايف نفسه مبيغلطش أبدا.
the end..
أستفاقت على صوت منخفض ظهر به التردد خشية من عدم القبول الذي ستتلقاه 
_ماما.
أدارت شذي رأسها للخلف وأعتدلت رغما عن ألمها الجسدي تطالع تلك الواقفه تفرك يديها بقلق وتوتر التمعت أعين ياسمين بدموع التحسر وهى لاتجد إجابة كانت شذي هى طوق النجاة الوحيد لها من أفكارها السوداويه لكن الطوق قد ټحطم.
التفتت ياسمين لمغادرة الغرفة ليوقفها صوت شذي الذي خرج سريعا ملهوفا وقد تغلب عليها قلبها 
_تعالي متمشيش.
صدرت شهقة مكتومه