رواية رائعة بقلم الكاتبة وداد

ذلك الاحساس الذي يحثه على الإقتراب
من السيارة القادمة لرؤية الحالة التي بداخلها
تسمر بمكانه فور رؤيته لذلك الرجل المستلقي على النقالة و زوجته ممسكة يده رافضة الإبتعاد عنه رغم محاولات الممرضين بجعلها تترك يده .....
لم يكن يتوقع أن رجل بقوته سيكون بمثل ذلك الضعف المرسوم على محياه ..... لطالما أطلق عليه اسم الصخر فهو يتميز بقوة لم يعهده بأحد ..... رجل حكيم قوي صارم لأبعد الحدود الجميع يهابه و يحترمه .... لم يشتك يوم من اي مرض أو حتى أصيب بتوعك بسيط .......
لمح الممرضين يهرولون به نحو غرفة الاسعافات فالأن أدرك لما كانت سيارة الإسعاف تكاد تطير من فرط السرعة ..... فشخصية مثله يجب أن يفعل من أجله المستحيل لإنقاذه ...... توجه وسيم على الفور ليستعلم عن مرضه و يقف مع زوجته بمحنتها فطالما كانت كريمة و حنونة معه. ......

وسيم مخاطبا تلك المرأة و اخيرا تركت يد زوجها ليقم الأطباء بعملهم سلام عليكم يا. مدام ابتهال
رفعت ابتهال رأسها ثم مسحت دموعها التي أبت أن تتوقف على رفيق دربها عليكم السلام يا وسيم
وسيم خير ماله الأستاذ رأفت
ابتهال بحزن مش عارفة ماله كنا بتكلم عادي فجأة وقع مني مش عارفة ايه اللي حصله .... ثم عادت للبكاء مجددا
وسيم اهدي طيب و أكيد ده سببه الارهاق مش أكثر
ابتهال يا رب .... أنا مش لو جراله حاجة لاسمحالله أنا ممكن أموت. من غيره ....
وسيم استهدي بالله و ان شاء الله. خلي ايمانك بربنا قوي و ادعيله ربنا يقومه بالسلامة و يكون مجرد ارهاق
ابتهال يااااارب قومه بالسلامة. د أنا مليش غيره
ثم انتبهت فجأة و أنت بتعمل ايه هنا 
وسيم بتنهيدة نديل تعبانة شوي
ابتهال يا حبيبتي مالها بس
وسيم جالها اڼهيار عصبي
ابتهال ااايه اڼهيار عصبي من ايه .... د أنا شفتها من يومين كانت زي الفل أي نعم باين عليها زعلانه بس توصل للاڼهيار ازاي
وسيم الموضوع يطول شرحه خلينا نطمن على استاذي و بعدين أحكيلك
ابتهال بتفهم ماشي
ظلا كلاهما ينتظران خروج الطبيب ليطمئنهما على حالته ..... طال انتظارهما كثيرا فدب القلق الي قلبهما فهذا التأخير لا يبشر بخير
ابتهال بقلق و ألم يعتصر قلبها هما اتأخروا كده ليه ... أنا قلبي مش مطمن
وسيم محاولا تهدئتها رغم القلق الذي يسكنه اهدي يا مدام و ان شاء الله خير .... دلوقتي يطمنونا عليه
ابتهال أنا مش قادرة أصبر أكثر من كده ..... لازم أدخله و أشوفهم بيعملوا ايه كل ده ...... و لو جوزي جراله حاجة يجي يقولولي بلاش يسيبوني في القلق ده حرام عليهم والله انا معدتش قادرة أستحمل
وسيم طيب خليكي هنا و انا هروح أشوف أي ممرضة او ممرض يدخلوا يشوفوا ايه الوضع جوا
ابتهال برجاء ارجوك روح و متتأخرش عليا لو سمحت
وسيم حاضر ثواني و جي
ما كاد وسيم يخطو خطوات إلا و فتح ذلك الباب الذييرقد خلفه المحامي الشهير رأفت حسن .... غير مساره و ذهب اليه ليسأله عن حال أستاذ
وسيم طمني يا دكتور الاستاذ رأفت كويس ....
الطبيب دلوقتي نقدر نقول انه كويس تجاوز مرحلة الخطړ .....
وسيم هو عنده ايه يا دكتور 
الطبيب الحقيقة قلبه تعبان عنده انسداد في شريان و لازم نعمله عملية بأقرب وقت حتى نتفاد أي مضاعفات جانبية زي اللي حصلت النهارده ....
وسيم تمام يا دكتور امتى تقدر تعمله العملية
الطبيب في غضون أسبوعين
وسيم ان شاء الله نقدر نشوفه يا دكتور
الطبيب دلوقتي هننقله لأوضة مجهزة عشان حالته متترجعش و بعدين تقدروا تشوفوه
وسيم شكرا لحضرتك
الدكتور الشكر لله يا بني ده واجبي و حمدلله على سلامته
وسيم الله يسلمك
ذهب كل منهما في طريق في حين ذهب وسيم لطمئنة السيدة ابتهال
... وسيم أنا كنت مع الدكتور المعالج
ابتهال بلهفة ها و قالك ايه
وسيم بتردد الحقيقة ...
ابتهال تحثه على الكلام هااااقول على طول
وسيم هو لازم يتعمله عملية. لأنه عنده انسداد بالقلب ....
ابتهال ااااييه
وسيم يا مدام ابتهال مش كده
المفروض تكوني قوية اكثر من كده عشان هو محتاجلم اوي الفترة الجاية و انتي عارفة انه لا مؤاخذة دماغه ناشفة. احتمال يرفض يعمل العملية فدورك انك تقنعيه بكده
ابتهال و هي تمحي اثر دموعها معاك حق
وسيم احنا هنستنى شوية ماينقلوه لأوضة تانية مناسبة لوضعه الصحي عشان لأن حالته متسمحش يخلوه في أوضة عادية لازم الأوضة تكون مجهزة
ابتهال ماشي و بجد أنا متشكرة أوي و مش هنسى وقتك معايا طول حياتي
و انت في عز محنتك
وسيم متقوليش كده .... أستاذ رأفت زي أبويا بالضبط أنا معتبركم أهلي ..و مستحيل أشوفكم في وضع زي ده و أقعد أتفرج ......
ابتهال ده عشمي فيك