رواية كاملة بقلم نجمة براقة

بغرفتها تسمع ما يقول وادريس وسماح ينظرون اليه بسخط
مؤيد ايوة يابوي
عمار ينزل لمستواه قولت ايه لجدك 
مؤيد ينظر لجده ليمسك عمار وجهه ويديره إليه 
عمار انا اهنه كلمني قولت ايه لجدك 
مؤيد يوطئ رأسه مقولتش حآجه
ادريس يتقدم نحوه قول متخافش مش هيقدر يهفك وانا اهنه 
عمار اهو قالك قول يلا
مؤيد ينظر لنوره لتأشر لها بجفنها
مؤيد قولت اني شوفتك وانت امعتحب خالتي اهنه وهنه قالها وهو يشير لفمه وخده لينظر إليه عمار پصدمه وكذلك غاده وبراق لتبتسم نوره ثم تعود غرفتها
عمار انت امعتقول إيه يا مؤيد شوفتنا مېته امعنعمل اكده
مؤيد شوفتكم كتير قالها لتخرج دره من غرفتها تبكي وتتقدم نحو مؤيد
دره انا خالتك حبيبتك يا مؤيد كيه تقول عليه اكده 
مؤيد يشرد وهو ينظر لها ولا يتحدث ليشد ذراعه عمار پغضب
عمار تعاله اهنه قالها ليمسك به ادريس ويبعده عنه
ادريس متمدش يدك عليه اهو قالك ودلوك مقدمكش غير حلين تنين تجوزها او تغور من اهنه
دره تعود لغرفتها وهي تبكي لتذهب خلفها غاده
عمار يابوي الكلام ده محصلش والله ما حصل وانا معملهاش ينظر لمؤيد مؤيد حبيبي قولهم انك امعتكدب 
ادريس عيل صغير زي اكده هيعرف الحديت ده كيه دا حتي التلفزيون منعينه منه كنا قولنا شاف فيلم ولا حآجه
براق طول بالك يابوي انت عارف عمار زين وعارف انه ميعملهاش تلاقي مؤيد بس امعيحكي وخلاص
ادريس طلعت معرفش حآجه وطلعت معرفش اربي اسمممع هي كلمه واحده لا تجوزها لا تغور من اهنه
عمار پقهر بقا اكده يابوي تصدق فيه حآجه زي دي وانتي يامه معرفاش عمار ولدك يغلط غلط زي ده ولا له
سماح دي غلطتي انا اللي مكنتش مديه خوانه وامعقول عمار عاقل وامعيعتبر دره زي اخته الصغيره وكنت اسيبكم علي راحتكم بس طلعت غلطانه ومصونتش امانة اختي للمره التانيه
عمار الله يسامحك يامه الله يسامحكم كلكم قالها وذهب ليتبعه براق للخارج
براق استنا يا عمار رايح فين بس
عمار يدمع ويتحدث پقهر كيه ميصدقونيش وكيه ولدي يقول عليه اكده انا وخالته اللى ربته وهي عيله صغيره
براق يمكن حلم ولا حآجه امعتحصل
عمار طيب هو امعيحلم وهما مش عارفين ولدهم وربايته انا سيبلهم كل حآجه بما فيهم ولدي اللي اتهمني زور 
براق مينفعش ياخوي طول بالك وهنلاقيلها حل ونعرف مؤيد قال اكده ليه
عمار ده قالها وعينه في عيني يا براق
براق ماشي بس بردك نفهم السبب وانت متمشيش وتسيب الجو متكهرب اكده وتسيب الحزينة اللي جوه دي
عمار وانا اقول في ايه خلاها تعمل اكده الله يسامحك يا مؤيد انا طول عمري اعاملها زي اختي الصغيره وهو يجي يقول اكده علينا
براق معلهش عيل ومش فاهم معنى كلامه
بقلم نجمه براقه
غرفة دره
كانت تجلس على سريرها تبكي وغاده تربت على كتفها
غاده اهدى حبيبتي كده غلط عليكي
دره پبكاء معقول مؤيد يقول عليه اكده طيب ده انا اللي ربيته وسهرت معاه مع اني كنت عيله 
غاده عيل ومش فاهم حآجه ويمكن شاف فيلم ف قال زي ما شاف
دره تهز يدها بالنفي وهي تبكي له مؤيد مش امعيشوف أفلام مفيش غير افلام كرتون علي الاب توب وانا امعسمعهم قبل ما يشوفهم ومتاكده ان الكلام ده معداش عليه قبل اكده تهدء قليلآ مفيش غيرها هي اللي ملت راسه
غاده هي مين 
دره نوره
غاده شوفي انا معرفكش كويس بس انا حاسه انك مش وش كده لكن نوره هتعمل كده ليه
دره عملتها و واجهتني بنفسها قبل شويه
غاده بجد طيب وهي هتستفاد إيه
دره لو عرفتي عرفيني انا معرفش هي كرهاني اكده ليه 
غاده تفكر للحظات طيب شوفي يا دره لو انتي متاكده من كلامك ده هقولك طريقة تكشفيها بيها وتبرائي نفسك قدامهم
دره تنظر لها طريقة ايه دي
غاده هقولك بس اهدي وروحي اغسلي وشك وتعالي
بغرفة نوره
مؤيد يبكي ابوي زعل مني قوي ومش هيكلمني تانى
نوره هيكلمك ياحبيبي بس انت كان لازم تعمل اكده علشان يتجوزو ويجيبولك اخ اصغير زي زملاتك اللي في المدرسه
مؤيد ايوة بس هما زعلو مني قوي
نوره بكره يرضو ويبطلو زعل انا عمري كدبت عليك في حآجه
مؤيد له
نوره طيب امال زعلان ليه عاد ولا انت مش عاوز اخ صغير
مؤيد عاوز 
نوره طيب يبقا تخليك علي الحديت اللي قولته ولو حد سالك تانى تقوله نفس الكلام
مؤيد طيب
نوره بإبتسامه جدع ياحبيبي قالتها لتحدث نفسها اكده اكده هو مهيرضاش يتجوزها وتغور من البيت عاد
غرفة ادريس
سماح قولك هيوافق يتجوزها ولا هيسيب البيت
ادريس معارفش بشوقه عاد
سماح والله لغيت دلوك ما مصدقه اللي سمعته عمار يعمل اكده
ادريس وميعملش ليه بقالو عشر سنين مرته مېته وهو راجل بردك بس احنا قولناله بدل المره الف اتجوز وهو مراضيش
سماح علي قولك طيب ولو اختار يمشي هنعمل امعاها هي إيه
ادريس معارفش بس ان شاءلله يوافق يتجوزها ويستر عليها دي مهما كانت يتيمه وامانه عندينا
سماح علي قولك ربنا يسترنا ويحمينا من جيل الأيام دي هما اذا كان عرفو طريق النت وحاطين وشهم في تلفوناتهم طول اليوم هنستنا منهم إيه دا حتي الجلبيه بتاعت ابهاتنا وجدودنا اتخلو عنها وبقو بمنطلوناتهم زي بتوع مصر
ادريس بس احنا مقصرناش في تربيتهم علشان يعملو اكده وهي عمرنا ما قولنا انها غريبه من وقت ما جت كسوتها ولقمتها وتعليمها كله كملته زيها زيهم ف ليه يعملو اكده وهما لو قالو نتجوزو كان حد حاشهم
سماح له والله ما كان حد هيمانع بس معرفش عملو اكده ليه
بقلم نجمه براقه
كان يجلس بالمكتب لتدخل عنده ف يرفع وجهه وينظر إليها ليبتسم دون ادراك ثم ينهض
صفوان اهلا وسهلا اقدر اساعدك كيه
نهله تنظر بداخل المكتب ثم تتطلع به وتتابع انا انا نهله بت الحج عبدالله وهو باعتني للحج ادريس علشان اديله بقيت حسابه هو فين لو سمحت
صفوان اه ابوي مبقاش يجي كتير وانا واخواتي مستلمين الشغل اتفضلي قولي اللي عندك
نهله ابوي بعافيه شويه ومكنش قادر يجي يديلوه الفلوس الباقيه ولما لقا نفسه مطول في التعب بعتني انا بس وصاني اديهم للحج ادريس ابنفسه
صفوان مش مشكله تقدري تخليهم امعاكي وانا هقوله يمر عليه يطمن ويتحاسبو
نهله ماشي اللي تشوفه ااا وحاجه كمان لو سمحت
صفوان اتفضلي
نهله كنا محتاجين حمولة بطيخ وفاكهه المحل قرب يفضا وبسبب تعب ابوي مقدرناش نجيب
بضاعة بس في مشكله صغيره
صفوان مشكله إيه 
نهله هندفع نص التمن دلوك ولما الحال يمشي ندفعلكم الباقي
صفوان خدي اللي محتجاه وادفعي بعدين
نهله له انا هدفع النص مع وصول الحموله علي طول
صفوان ماشي زي ما تحبي قوليلي الكميه المطلوبة والأصناف ومكان التسليم وانا هوصلهم 
لغيت عندك
نهله تمام اتفضل دول الأصناف والكميه المطلوبة قالتها واعطته ورقه
صفوان ههههه مجهزه كل حآجه اهه
نهله انا امعكتب المطلوب اول بأول علشان مننساش حآجه
صفوان وانتي امعتشتغلي في المحل
يعني
نهله ايوه انا شغاله وامساعد ابوي
صفوان بإبتسامه زين تأمري يا اسم الكريمة إيه
نهله حضرتك نسيت اسمي نهله بت الحج عبدالله
صفوان اهلا وسهلا ماشي انا هجهزلك الطلبيه واجبهالك لغيت عندك بس اديني العنوان علشان انا مش عارفه
نهله بعد شارعين من اهنه هتدخل اول يمين في رابع يمين بردك 
صفوان ههههه لا مفهمتش بردك قوليلي عنوان 
نهله ماشي