رواية كاملة بقلم أية حمام

دكتورة آية فيه واحدة برا عايزة تقابل حضرتك بس مش حالة. 
طب دخليها يا نيڤين.
السلام عليكم. 
وعليكم السلام إتفضلي. 
أنا عارفة إنك متعرفينيش لكن أنا عارفاك بس دورت عليك لحد ما قدرت أوصل لك. 
مش فاهمة. 
الأول البقاء لله ف مامتك. 
ونعم بالله بس أنا إتوترت مين حضرتك 
أنا عارفة إن ال هقوله صعب.. بس لازم تسامحيني وتساعدي أخوك. 

أخويا!! 
أخويا مين يا ست أنا معنديش أخوات أنا كنت وحيدة بابا وماما الله يرحمهم. 
ليك أخ من باباك. 
بتقولي إيه دا إزاي يعني!! 
آية ممكن تهدي أنا والله كنت خاېفة جدا من اليوم دا بس لازم تسمعيني. 
أنا مش هسمع حد ولو سمحت كفاية كدا وأنا مش هقدر أطردك لكن هاخد شنطتي وأسيب لحضرتك العيادة كلها.
أخدت حاجتي ونزلت بسرعة وأنا مش مصدقة حاسة إني في حلم أكيد الست دي كدابة بس هي نبرتها صادقة وملامحها بتقول إنها مش كدابة!
روحت علطول ودخلت لخالتو صحيتها
إيه يا آية إتأخرتي ليه 
خالتو أنا عايزة أسألك حاجة. 
خير يا حبيبتي 
.. 
آية روحتي فين 
ها 
هو أنت إتعشيتي 
أنت مصحياني علشان كدا!! 
قولي بقا يا كاميليا أطلب لك أكل معايا 
إمشي يا بت إطلعي برا بدل ما أقوم لك بالشبشب.
كنت هسألها لو تعرف هل بابا كان متجوز غير ماما ولا لاء بس إتراجعت في آخر لحظة معرفش ليه عملت كدا بس عايزة أتأكد الأول خرجت من أوضة خالتو ودخلت غيرت هدومي ونمت صحيت تاني يوم لقيت ماسدج من رقم غريب كانت هي بتاعت إمبارح عايزة تقابلني فكرت وبعت لها نتقابل نزلت وروحت لها الكافيه ال قالت عليه لقيتها هناك
أنا مقدرة وعارفة إنك مش مصدقاني بس أنا مش بكذب عليك. 
اتفضلي إحكي ال عندك. 
من حوالي 15سنة قابلت باباك كنت محتاجة شغل علشان هربانة من أهلي كانوا عايزين يجوزوني لابن عمي جيت هنا وجيت شركة باباك وشغلني سكيرتيرة وعلشان كنت محتاجة فلوس ف كنت بشتغل أوي ف هو أعجب بيا كانت الفترة دي فيه خلاف بين باباك ومامتك علشان كان عايز يسافر بيكم لكنها كانت رفضت ف عرض عليا يتجوزني وأنا وافقت لإن وقتها عرفت إن أهلي وصلوا لمكاني فاتجوزته وسافرت معاه عشنا سوا 5سنين بعدين قرر ينزل مصر علشانك بس إتخانق هو ومامتك واتطلقوا لكن خبوا عليك علشان متتأثريش ورجع لنا تاني كنت وقتها خلفت عمر كان عنده 3سنين بعدها بسنتين باباك تعب لحد ما اتوفى بس قبل ما ېموت كان مأسس شركة صغيرة وكان كاتبها لعمر علشان مكنش حد منكم يعرف بموضوع جوازنا وهو خاف عليه وفي نفس الوقت ميظلمش حد منكم ومن فترة عرفت إن والدتك إتوفت وأنت بقيت عايشة مع خالتك وأنا قررت أنزل مصر وأدور عليك... 
كفاية أنا همشي.
أخدت حاجتي ومشيت أنا مصډومة عارفة إن جت فترة طويلة بابا بعد عننا لكن أمي فهمتني أنه مسافر لشغل حتى لما كان بييجي مؤخرا كنت بلاحظ توتر العلاقة بينهم لكن مكنتش بركز أوي لكن متخيلتش إنهم يخبوا عليا طلاقهم مسحت دموعي وروحت البيت
كنت فين يا آية على الصبح كدا 
كاتبة لك نوت يا خالتو على التلاجة إن عندي مشوار مهم. 
مشوار إيه ال يشقلب حالك كدا 
هو بابا وماما كانوا متطلقين يا خالتو 
مين قال لك الكلام دا 
من فضلك جاوبي. 
طب إهدي. 
أنا هادية بس بالله جاوبي. 
أيوا بس خبوا عليك لحد ما تكملي دراستك علشان متتأثريش لكنه ماټ وبعدها أمك راحت هي كمان لل خلقها الله يرحمهم. 
كان إيه سبب طلاقهم 
معرفش. 
خالتو. 
هقول لك بس مش دلوقتي. 
علشان كان متجوز عليها 
أنت عرفتي منين!! 
هو دا السبب 
اها عرفت ولما نزل
مصر