رواية للكاتبة دعاء خالد
طب و مصحتنيش ليه يا بيبى علشان متبقيش لوحدك
ندى ليه يا حبيبى هزعجك انا اصلا صليت و اكدت على الشنط و حاجتنا و حضرت الغداء على السفره يلا بقى علشان كده يدوب انت تصلى و نتغدى و ننزل صح يا بيبى
جاسر صح يا قلبى
ندى تمام يا حبيبى الاكل على السفره
جاسر ماشى يا حبيبتى هصلى و نازل
ندى بقولك ايه يا حبيبى
جاسر ايه يا دودى
ندى انت يعنى يا حبيبى كنت قايلى اقفل موبايلى و كده . هو ينفع افتحه علشان اكلم بابا و ماما او يعنى أكلمهم عادى من عندك مش فارقه معايا
جاسر بنظره حنان طبعا يا قلبى ينفع افتحيه و اتكلمى براحتك او اتتكلمى من عندى انا قلتلك اقفليه بس علشان كانت سالى هتتسلى علينا أنا عارف انتى و سالى ايه و هتاخدك منى
قبلها جاسر سريعا و قال حبيبتى
ندى عايزه اقولك على موضوع الموبايل من امبارح بس كنت خاېفه منك
جاسر لا يا بيبى متخفيش اللى عايزاه قوليه و انا هقولك اه او لا بمنتهى الهدوء يعنى متخفيش حتى لو الموضوع مش عاجبنى . ماشى يا قلبى
ندى حاضر يا حبيبى. طب هكلمهم على ما تصلى
جاسر ماشى حبيبتى بس متقفليش غير لما اخلص علشان اسلم عليهم
و فى المكالمه تحدثت ندى مع والدها ووالدتها و شقيقها ثم تحدثوا جميعا مع جاسر ووصوه على ندى مره آخرى و انتهت المكالمه
ندى لا يا حبيبى والله محكتش أى حاجه خالص
جاسر ماشى يا روح قلبى منا عارف . ييلا ناكل علشان نلحق
ندى يلا يا حبيبى
و تناولوا غدائهم و ارتدوا ملابسهم و أتجهوا للمطار ليتجهوا لأول وجهه لهم و هى داخل مصر و ها هم الآن فى طريقهم الى شرم الشيخ لقضاء الاسبوع الأول من شهر العسل
و على ناحيه آخرى كانت تجلس مدام ثريا والدة جاسر و هى غاضبه و مصره على إفساد فرحه ندى و ان تفسد الزيجه برمتها وأخذت تفكر و تفكر و تلوح الافكار بمخيلتها فتعجب بإحداهما و تطرد الآخرى . إلى ان ابتسمت فجأه بخبث و قد لاحت أمامها فكره خبيثه قد تفسد فرحة جاسر و ندى و تعكر صفوهم فقامت من مجلسها و اتجهت لهاتفها و أجرت اتصالا
يا ترى ايه الفكره اللى هتفسد فرحه جاسر و ندى و مدام ثريا هتتصل بمين و هتقول ايه
الى اللقاء ان شاء الله فى الحلقه القادمه الحلقه الخامسة و العشرون
حب_من_نوعآخر
بقلمى دعاء خالد الحلقه الخامسة و العشرون من روايه حب من نوع آخر
أنطلق جاسر و ندى ووصلوا المطار و أتجهوا الى شرم الشيخ ووصلوا للفندق
ندى و قد ألقت بنفسها على السرير ياااااااااااااه ھموت من التعب
جاسر و قد جلس على السرير و أنحنى بإتجاه ندى بعد الشړ عليكى يا دودى . تعبتى من ايه بس
جاسر بخيبه أمل امممم ماشى يا بيبى أنام انا كمان بقى
ندى ماشى يا حبيبى
و غط كلاهما فى نوم عميق
استيقظت ندى فى تمام الساعه السادسه صباحا و تفقدت السويت و انبهرت بجماله و بمجال ما يطل عليه الشاليه فيطل مباشره على البحر فلم يكن هناك احدا قط فلا تزال الساعه السادسه صباحا فلبست إسدالها و ادت الفريضه و وقفت من خلف الزجاج تستمع بالمنظر الرائع الخلاب امامها و فجاه شعرت بأيدى جاسر تحاوط خصرها
جاسر ايه حبيبتى سرحانه فى ايه كده
ندى و حبيبى ايه اللى صحاه بدرى كده
جاسر بابتسامه وحشتينى اوى بصراحه
ندى انت كمان يا حبيبى وحشتنى
جاسر و قد غمز لها لا بس انتى وحشتينى اوى يعنى واخده بالك
ندى بابتسامه لا مش واخده بالى
جاسر و قد حملها مثل الاطفال و اتجه للسرير طب تعالى أخليكى تاخدى بالك
ندى يا جاسر ..
جاسر بإبتسامه هو انتى كل مره لازم كلمه الاعتراض اللى مبيتخدش بيها دى اساسا . مبتزهقيش ههههه
ابتسمت ندى ثم سكتت شهرزاد عن الكلام
و على ناحيه آخرى و لكن فى اليوم السابق لذلك كانت تجرى والده جاسر اتصالا هاتفيا
مدام ثريا ألو
الطرف الاخر اهلا و سهلا يا هانم
مدام ثريا انت موجود دلوقتى
الطرف الآخر اه موجود طبعا
مدام ثريا طب انا جايلك دلوقتى . مع السلامه
الطرف الاخر مع ألف سلامه
استيقظت ندى فى العاشره صباحا و أخذت شاور و أرتدت فستانا باللون البرتقالى بدون حمالات و بنصف ظهر و يصل لاعلى الركبه قليلا و رفعت شعرها على شكل ذيل حصان و تركت غرتها تزين جبينها ووضعت البرفيوم وخرجت من الغرفه لباقى السويت و جلست تشاهد التلفاز
