رواية للكاتبة دعاء خالد الحلقه السابعة و العشرون

بدرى للملاهى بقى 
نظرت له ندى و ابتسمت حاضر يا حبيبى 
و نامت ندى و استيقظا ففى الصباح الباكر  وتناولا افطارهما و ذهبا للملاهى و قضوا يوما سعيدا كالعاده و لكن لم يخلو من مشادات جاسر البسيطه و نظراته الناريه الموجهه لكل من ينظر لندى نظره عابره و عادا فى المساء للاوتيل وجلسا يتحدثوا فى غرفتهم قليلا حتى  ناما بملابسهم من فرط التعب و الارهاق من العاشره صباحا حتى العاشره مساءا  و استيقظت ندى فى السابعه صباحا و استغربت نومهم بملابس نزولهم 
ندى مبتسمه  جاسر حبيبى احنا نمنا بهدومنا ليه 
جاسر و هو يفتح عينه مبتسما اسالى نفسك يا قمر ياللى مسئوله انك متنمنيش كده و لا ايه  
ندى اسفه يا حبيبى 
جاسرو هو يقبل خدها  بهزر  معاكى يا بيبى 
و أخذ كلا منهما شاور و تناولا افطارهما أمام البسين و تحدثا فى عده مواضيع و بعد  مرور ساعتين و فى تمام العاشره 
جاسر  يلا يا بيبى نطلع نغير و نروح المركز بقى 
ندى حاضر يا حبيبى يلا 
و عادا فى المساء و ذهبا للعشاء فى فيلا والد جاسر حسب الاتفاق و عندما دخلا جرت رشا و تعلقت برقبه جاسر 
مازن ايه يا استاذه رشا مبنشوفش حاجه من الحب ده يعنى هو انا مش اخوكى و لا ايه . هو مفيش غير جاسر 
جاسر بابتسامه يا ساتر يارب على الحقد. صفى قلبك يا بنى 
مازن بابتسامه  لرشا  بتحبيه  على ايه انتى ناسيه بيعمل فيكى ايه 
رشا و هى تحتضن جاسر و تخرج لسانها لمازن  برده بحبه 
مازن بابتسامه ذات معنى ناس متجيش الا بالسك يا بتده بيمد ايده عليكى ينيمك فى السرير بالاسبوع 
جاسر شوف الغيره خلاص يا حبيبى قالتلك بتحبنى . مش كده يا روشا 
رشا اه طبعا 
ثم أحتضنت ندى فقد أفتقدتها  ثم ذهب و طبعت على خد مازن و هو جالس و قالت 
رشا   انتى حبيبى برده يا مازن 
مازن اه منا واخد بالى 
جاسر  خلاص ميبقاش قلبك أسود 
مازن   أوكى 
و تبادل الجميع السلامات و كان سلام والده جاسر على ندى تصحبه النظرات الناريه التى تحمل كل معانى الكراهيه 
والدة جاسر يلا العشاء جاهز 
كانت ندى تنوى القيام كالعاده و لكن 
جاسر لا احنا اتعشينا قبل ما نيجى 
والدة جاسر و قد شعرت بالصدمه ليه يا حبيبى 
جاسر بنبره سخريه بسيطه فهمها جميع من بالفيلا عدا ندى   معلش ظروف بقى أحنا جايين نقعد معاكو بس مش عايزين أكل و لا شرب 
ثم قام جاسر و مازن ووالدهم ليصلوا العشاء جماعه و رن هاتف رشا و قامت لترد عليه و تبقى شروق و ندى و مدام ثريا فمالت مدام ثريا على ندى و قالت  لو فاكره انك كده  اخدتى ابنى منى تبقى غلطانه اوى انتى هتندمى انك بتبعديه عنى و بكره تشوفى  
اندهشت ندى و صمتت تماما و كانت مدام ثريا تتحدث بصوت منخفض و لكن سمعتها شروق زوجه مازن و ارادت ان تنقذ ندى من الموقف 
شروق و تظاهرت انها لم تسمع شيئا تعالى يا دودى اوريكى فستان اشتريته امبارح و اخذتها و صعدت غرفتها هى و مازن 
و فى الغرفه 
ندى فين يا حبيبتى 
شروق مفيش فستان انا كنت بطلعك من الموقف
نظرت ندى ارضا و خجلت من شروق 
شروق انتى مكسوفه ليه ماهى كانت بتعمل معايا كده برده بس انا كنت بقول لمازن  و كان بيقولها و مع الوقت بطلت لكن لو انتى سكتى و مقولتيش لجاسر هتفضل كده معاكى طول العمر قولى يا حبيبتى مينفعش تقولك متفتكريش انك اخدتى ابنى منى و هتندمى و الكلام ده لازم تقولى لجاسر يا حبيبتى 
. بكت ندى و قد صعب عليها نفسها و لكنها لا تريد ان يحزن جاسر 
شروق انا قلتلك رايى انك تقولى لجاسر وانتى حره طبعا يا حبيبتى بس يلا ننزل علشان محدش يحس بحاجه 
 نزل  شروق و ندى للريسبشن  بعدما مسحت ندى تماما اثار بكائها 
جاسر احنا هنمشى بقى يلا يا دودى  
ندى حاضر يا حبيبى 
و فى السياره ارادت ندى ان تفتح اىموضوع حتى لا يلاحظ جاسر حزنها 
ندى حبيبى هو انت بټضرب 
جاسر و قد استغرب سؤالها ليه يا بيبى بتقولى كده 
ندى مازن هو اللى قال لرشا انك بتمد ايدك عليها تنيمها اسبوع فى السرير 
جاسر لا يا بيبى متشغليش بالك بكلام مازن 
ندى يعنى حصل 
جاسر يا حبيبتى انسى بقى 
ندى طب احكيلى 
جاسر دى كانت مره كده كان رقم بيعاكسها و كل مغيرلها رقمها يجيبه كان واضح انه يعرفها او حاجه و بياخد رقمها من حد من صحابها و قلتلها كذا مره مترديشو هى كانت مصممه ترد على اساس تحرجه و تهزقه فمتصلش بس النتيجه انه كان بيعند حذرتها متردش و برده كل مره ترد عصبتنى فمره فاتغبيت عليها بصراحه بس منمتش
اسبوع من الضړب يعنى ده كان على الخفيف كده 
ندى پخوف على الخفيف 
جاسر حبيبتى مټخافيش بس متغلطيش و اديكى شايفه اهو رشا متعلقه بيا و بتحبنى اكتر من مازن 
ندى اه اه ياحبيبى 
ووصلا على الاوتيل و أعطى جاسر مفاتيح السياره للعامل المختص كى يصف له السياره و صعدوا للسويت الخاص بهم  و دخلت ندى الحمام و فى هذا الوقت رن هاتف مازن برساله ففتحها و تغير لونه و هو يقرائها ووصل لقمه غضبه الكامن  الذى لم يكشف عنه جاسر من قبل .......
حب_من_نوع_آخر 
بقلمى دعاء خالد