رواية للكاتبة دعاء خالد

فى نوم عميق فى أحضان جاسر و تلاها جاسر ... أستيقظت ندى فى تمام العاشره صباحا و أخذت شاور وأدت الفريضه ثم  ارتدت فستانا قصيرا عارى الظهر باللون الابيض و تركت شهرها منسدلا على ظهرها و أطلقت العنان لغرتها تزيين جبهتتها ثم ذهبت لجاسر و أيقظته بهدوء 
ندى جاسر حبيبى 
فتح جاس عينه بهدوء
جاسر مبتسما صباح الخير يا بيبى 
ندى صباح النور يا حبيبى 
جاسر ايه اللى مصحيكى بدرى كده 
ندى احنا مش بدرى يا حبيبى الساعه 10 
جاسر مبتسما طب و ليه نصحى 10 !!
ندى مش انت وعدتنى تودينى الملاهى 
جاسر مين قال كده  
ندى انت يا حبيبى وعدتنى امبارح بس لو مش عايز خلاص
جاسر بابتسامه واسعه و ازعل حبيبة قلبى يعنى . لا يا بيبى طبعا هنروح انا بهزر معاكى . بس ايه الجمال ده كله بس و هم ان يحتضنها 
ابتعدت ندى للوراء قليلا مبتسمه الملاهى يا بيبى 
جاسر ضاحكا اهو ده اللى انا استفدته من الملاهى  . ماشى يلا 
و أخذ جاسر شاور و أدى فريضته و طلب الافطار لهما ثم ارتدا ملابسهما و غادرا الى الملاهى 
و فى السياره 
ندى جاسر 
جاسر ايه يا بيبى 
ندى هتدينى موبايلى 
جاسر و قد اخرجه من جيبه اه يا حبيبتى طبعا خديه 
ندى مبتسمه ميرسى 
جاسر متزعليش منى يا دودى ها 
ندى حبيبى انا مش بزعل منك 
جاسر ماشى يا دودى يلا علشان وصلنا اهو 
ندى مبتسمه اه يلا بسرعه بقى 
جاسر مبتسما يلا 
و صف جاسر سيارته و دخلا الملاهى و أستمتعت ندى كثيرا و استمتع جاسر لضحكاتها و لعبا جميع الالعاب و اشترى لها جاسر بالونات كثيره كالعاده . ثم عادا للاوتيل فى المساء فى قمه الارهاق 
ندى انا تعبت اوووووووووى
جاسر بابتسامه مش كنتى مش بتتعبى من الملاهى و ممكن تعيشى فيها 
ندى بابتسامه بس انهارده حسيتنى تعبت شويه 
جاسر عمتا و انا كمان . انا بقول ننام علشان نقوم بكره للمركز ان شاء الله 
ندى صح يا بيبى انا بقول كده برده
جاسر بابتسامه اه منا عارف 
و ذهبا فى نوم عميق و استيقظا فى اليوم التالى و تناولا أفطارهما و ذهبا للمركز و كالعاده اتجه جاسر لعمله و ندى فى مكتبه و تحدثت مع اهلها ثم هاتفت سالى فقد افتقدتها كثيرا و حكت لها سريعا ما حدث دون الخوض فى تفاصيل  نقل اسرار بيتها و لكن قصت عليها فقط ڠضب جاسر منها بسبب غلطه منها و خصامه لها الذى دام عده ايام ثم طلبها للطلاق و صفعه لها و دعت لها سالى ان ييسر الله  لها امورها و ان يهدى جاسر لها و أغلقا الهاتف و قرات ندى وردها اليومى بالمكتب ثم تفقدت كتب جاسر بالمكتب و قضت يومها فى عده أشياء حتى حان موعد رجوعهم للاوتيل و عادا سويا و تناولا غدائهما  و مر عشره أيام لم يذكر بهم شيئا جديدا و يعيش جاسر و ندى أجواء رائعه من الحب و لكن لا تخلو من مشادات جاسر البسيطه التى تعود فى الاساس لغيرته الشديده على ندى ..
ثم تحدث العامل الذى يعمل بالفيلا و أخير جاسر انه انتهى من عمله و يتثنى لهم الان العوده للفيلا 
جاسر بقولك يا بيبى عندى ليكى مفاجاه 
ندى ايه يا حبيبى   
جاسر هنرجع الفيلا ان شاء الله بكره 
قفزت ندى فرحا و جريت تجاه جاسر الله بجد بجد يا جاسر 
جاسر مبتسما اه يا بيبى بجد الراجل لسه مكلمنى دلوقتى و هنروح بكره ان شاء الله 
ندى ياااه أخيرا البيت وحشنى أوى
جاسر بيتنا يا حبيبتى قولى بيتنا وحشنى مش البيت 
ندى ربنا يخليك ليا يا حبيبى ايوه بيتنا وحشنى أوى 
أفترب منها جاسر و احتضنها  و غمز لها و قال  بس انتى بقى وحشانى أكتر بكتيرررررر  
ندى  يا جاسر ...
جاسر شششششششش شويه بقى انتى ايه اعتراض و خلاص ههههههه
ندى أصل ....
جاسر اصل ايه . فى  حاجه 
ندى لا يا بيبى مفيش 
جاسر مبتسما يبقى اسكتى بقى شويه 
و فى اليوم التالى اتجه جاسر و ندى الى فيلتهم و هما فى قمه السعاده و قضوا هذا اليوم فى أجواء رائعه 
و فى اليوم التالى  أستيقظت ندى و ارتدت فستانا يعلو الركبه من اللون التركواز و حضرت لجاسر الشاور و ذهبت لتوقظه 
ندى جاسر حبيبى . قوم يا بيبى علشان الشغل 
جاسر ماشى يا حبيبى قمت خلاص 
ندى طب هروح يا بيبى أحضرلك الفطار لحد ما تاخد الشاور 
جاسر بصوت يغلبه النوم ماشى يا حبيبى 
نزلت ندى للمطبخ و اعدت لجاسر الافطار الذى يحبه ثم شعرت بتاخره فصعدت لتناديه  و كانت صدمه لها عندما وجدته يغط فى نوم عميق و لم يقم من الاساس فاتجهت اليه 
ندى جاسر يا جااااسر انت نمت تانى 
فتح جاسر عينه ببطىء ايه يا بيبى 
ندى ايه ايه بس انا حضرتلك الفطار على ما تاخد شاور