رواية للكاتبة دعاء خالد

جاسر و الذى كانت استشعرته من قبل فغيرته الشديده زرعت به طبع الشك و توقف جاسر لشعوره ان ندى شعرت بهذا و ندمه على نبره الشك التى تحدث بها و لكنه طبع لا يستطيع تغيره بسهوله  و لكن قرر كلاهما تدارك الموقف تجنبا للمشاكل 
ندى ماشى يا حبيبى مفيش مشكله 
جاسر ماشى يا دودى معلش يا بيبى خضيتك اناهطلع أغير البدله علشان منتأخرش 
صعدت ندى معه و ساعدته ثم نزل الاثنان و ركبا السياره و قد قرر كلا منهما ان يتظاهر بعدم فهم ما حدث حتى يتغلب حبهم  على ما حدث 
كان الطريق مزدحم  بشده و الفيلا بعيده عن منزل أهل ندى فوصلوا فى تمام الثالثه و النصف و بمجرد دخولهم تم وضع الغداء حتى لا يبرد الطعام
والد ندى ناكل بقى الاول و بعدين نتكلم كل ده تاخير و احنا جعانين بقى 
جاسر بابتسامه الطريق و الله يا عمو 
والد ندى مش قلنا بابا بقى 
جاسر اه طبعا بابا . الطريق والله يا بابا و احنا كمان ميتين من الجوع  
والده ندى طب يلا الغداء جاهز 
و اجتمع الجميع على سفره الطعام ثم قاموا و جلسوا يتحدثوا ثم فجأه انطفىء النور 
جاسر بابتسامه  شكلنا وحش اوى ايه ده وشنا وحش لدرجه ان النور قطع 
والد ندى لا يا حبيبى متقولش كده 
و فى هذه اللحظه اشتعلت الاضواء مره أخرىو اذ بوالده ندى تخرج بتورته كبيره من المطبخ و محمد خلفها بالاطباق و المشروبات الغازيه 
اندهشت ندى و اتسعت ابتسامتها لالتفات أهلها لعيد ميلاد جاسر و لم يصدق جاسر ما راى فلم يكن يتخيل ان يحبه أهل زوجته هكذا بالرغم من حبه الشديد لهم 
محمد بابتسامته المعتاده يا عم وشكوا مش وحش و لا حاجه بس احنا قلنا  نعملك عيد ميلاد و كده على اساس اول عيد ميلاد ليك معانا . انا مكنتش موافق اصلا بس قلت يلا ساعتين و يعدوا بقى 
جاسر بابتسامه واسعه لا لا لا من ورا قلبك 
محمد طبعا يا معلم كل سنه و انت طيب ... و احتضنه و قدم له زجاجه برفيوم من نوع فاخر يفضله جاسر بالفعل 
جاسر و هديه كمان لا ده انت انهارده متغير خالص بقى
محمد يلا يا عم يوم و يعدى بقى هههه 
جاسر ليه يا بابا بس تعبتوا نفسكوا 
والد ندى عيب يا حبيبى يعنى مش هحتفل بعيد ميلاد ابنى 
جاسر ربنا يخلى حضرتك يا بابا بس حضرتك عرفت منين 
والد ندى منا فاكره من ساعة كتب الكتاب 
و قدم والد ندى ووالدتها هديتين ذو ازواق راقيه لجاسر 
محمد ضاحكا احنا قلنا محدش هيفتكرك فقلنا نعملك بقى 
جاسر لا يا باشا ندى حبيبتى عملتلى اجمد مفاجاه و عيد ميلاد . صح يادودى 
ندى اه طبعا يا حبيبى 
و ضحك الجميع و قضوا ليله رائعه و سعد بها الجميع و بالاخص جاسر بطريقه تفوق المعتاد ثم استاذن جاسر مساءا و رحل هو و ندى 
و فى المنزل وب عد ان غيروا ملابسهم 
جاسر كان حلو اوى اليوم انهارده مفاجاه حلوه اوى يا دودى بس ده كتير اوى عليا 
ندى مفيش حاجه يا بيبى كتيره عليك . بس انهى مفأجاه احلى 
جاسر ايه الاحراج ده يا بيبى انتى مفاجاتك تحفه و انا بمۏت فيكى اصلا بس انهم يفتكرونى  دى كبيره اوى برده 
ندى امممممم يعنى هما أحلى 
جاسر هما رائعين بصراحه و انتى أروع . كده تمام يا قمر 
ندى بابتسامه اممممم ماشى يا بيبى 
ثم سكتت ندى عده لحظات 
ندى جاسر ممكن أقولك حاجه 
جاسر قولى يا بيبى 
ندى مش انت وعدتنى لما نرجع الفيلا هنروح للدكتوره  
جاسر دكتوره ايه يا دودى  
ندى الدكتوره علشان لسه مفيش بيبى 
جاسر  حبيبتى انتى ليه عايزه تقلقى نفسك بدرى كده
ندى علشان خاطرى يا جاسر عايزه اروح 
جاسر طب يا حبيبى انا بس مش عايزك تقلقى  
ندى انا كده هبقى مرتاحه 
جاسر طب يا حبيبتى تحبى نروح امتى 
ندى بكره 
جاسر مبتسما طب يا بيبى بكره ان شاء الله نروح  
ثم نظر لها مبتسما الا بقولك ايه ما تيجى طب نجرب كده موضوع البيبى ده ههههههه 
ندى مبتسمه انت مش عندك شغل بكره  
جاسر يا شيخه لسه بدرى  تعالى بس هقولك 
و قضوا وقتا رائعا و استيقظت ندى فى الصباح و حضرت لجاسر الشاور و الافطار كما جرت العاده وودعدته على وعد منه بالذهاب للدكتوره فى المساء و اتى جاسر من عمله و تناول الغداء و ذهبوا للطبيبه 
و بعد ان كشفت الطبيبه على ندى سريعا و لم تقم باى تشخيص و طلبت بعض التحاليل على ان يأتوا بها لتقوم بتشخيص الحاله 
و فى المنزل  كانت ندى شارده 
جاسر  مالك يا بيبى 
ندى مش عارفه قلقانه لسه هستنى التحاليل 
جاسر انا مش عارف يا حبيبتى ايه القلق ده احنا يدوب بقالنا شهرين 
ندى طب ما فى ناس كتير بتكون