رواية ممتعة للكاتبة فريدة أحمد

صاحبه
اسامه قاله
ايه يابني مالك اهدي انت نايم هنا ع السلم لييه
زيد بص له وقاله 
ميسي اناواقع ف مصېبه كبيره ....فاكر واحنا ف السجن انت قولتلي ايه.... قولتلي اعتبرني اخوك لو عايز اي حاجه بعد ما تخرج من هنا ابقي تعالي لي... صح وانا واقع ف مشكله اهلي طردوني.... اتبروا مني يا صاحبي.... و مش لاقي مكان اعيش فيه.... ساعدني يا ميسي وهيبقي ليك عندي واحده 
اسامه طبطب عليه وقاله
انا عارف احساسك دا كويس.... انا كمان اهلي واخواتي اتبروا مني ....مفيش غير امي هيه اللي فاتحا لي.... بابها تعالي وهشغلك معايا ف المستشفي
زيد مستشفي ايه هشتغل فيها ايه يعني
ميسي هتشتغل معايا ف النضافه يا زيد
زيد برق اوي وقاله
نضافه انا ع اخر الزمن اشتغل بتاع زباله 
ميسي بص له اوي وصړخ فيه
اومال فاكر نفسك هتشتغل ايه وحياه امك ....ياض احنا اللي زينا رد السجون محدش بيرضا يشغلهم عنده.... احنا ف نظر الناس زباله المجتمع ......هنعمل ايه يعني نرجع للسكه الزباله الشمال عشان نعيش .....ولا نشقي ونعيش بنضافه ....اسمع يا زيد انت لو عايز تعيش بما يرضي الله تعالي اشتغل معايا .....وهلاقيلك حته تبات فيها.... لو مش عايز تعيش بضمير وتشتغل زي الناس.... انت من سكه وانا من سكه وكفايه اوي الۏساخه اللي عشنا فيها ودخلنا بسببها السجن.... وضاعت سنين من حياتنا هدر... هااا قولت ايه 
زيد بص له وفهم من كلامه ان الشغلانه دي مش هتحتاج اوراق ولا فيش وتشبيه
ف اضطر يوافق عشان ما يتشردش ف الشارع 
الحلقه السابعه...........
شمس. حاولت تنام  لكن تفكيرها ف صخر  طير  النوم من عينيها
مش  قادره تنسي  نظره  الإعجاب اللي  بصتها  ليه  وهوه  بيختار  موقع  المول
وبيحدد  لها  كل  المطلوب  كان  باين  عليه  الثقه وهوه  بيتكلم
اتفقت معاه  انها  هتروح له  الشركه  عشان  يتكلموا  ف اللي  هيتم  بعد  موافقة ايمن ع التخطيط
فضلت  تتقلب  عشان تنام  لكن  صخر  شاغل  تفكيرها  بتسأل نفسها
هوه  ليه  اتغير   وياتري  خطتها  هتنجح ولا لأ  من  الواضح أن صخر  مش  معجب  بيها  ولا  بيحب  يقضي  الوقت  معاها
والدليل  انه  خلص  كلامه  بسرعه ف الموقع  وطلب  منها  انهم يرجعوا  عشان  مواعيده
شمس  حاولت  تشيله  من  دماغها  عشان  تقدر  تنام  وتستعد لمواجهته  بكره 
عدت الليالي  صعبه  ع  زينه   كانت  مستنيا  زيد يرجع  عشان  تشوف  هيعملوا  ايه ف البنت  اللي شوه وشها
لكنه  مارجعش من  تلت  ايام 
كانت  قاعده ف اوضتها  زعلانه   من  آخر مره اتكلمت مع  أهلها  بالأسلوب الفظ
ما  اتكلمتش  معاهم  تاني  كانت  بتقعد  لوحدها  طول الوقت ف اوضتها
امها  خبطت عليها... دخلت 
ايه يا بنتي  هتفضلي  حابسه نفسك كده كتير يا  زينه  
ماما  لو  سمحتي انا  مش قادره  اتكلم مع حد ف حاجه  سبوني  براحتي
يا بنتي  انت  بتعاقبي نفسك ع غلطه اخوكي  ليه بس
هنا  دخل  زين  وابوها  وقفت  وقالت  لهم بتصميم
انتوا  عايشين الحياه  عادي  كده  ازاي  وف انسانه  مستقبلها  اتدمر  بسببنا 
الاب قالها 
يا بنتي  واحنا  هنعمل ايه بس ف اخوكي  منه  لله  قبل  كده  قتل  شاب  صغير  ودلوقتي شوه  بنت مالهاش ذنب  واحنا  برضو  مالناش  ذنب  يا  زينه  هنعمل  ايه بس يا حبيبتي 
لأ نعمل  ونعمل  كتير  زيد  قتل  أمير ف خڼاقه  وأمير  كان  بتاع مخډرات  فاشل  زيه   لكن  قمر  دي  ذنبها  ايه يا بابا  مستقبلها  يتدمر  بسببه
زين  نفد  صبره  قالها  بعصبيه 
يعني من  الآخر عايزانا  نعمل  ايه  اخوكي  غلط  وهرب  وانا  قلبت  الدنيا  عليه  المفروض  نعمل  ايه  عشان نكفر عن  غلطته ف حق  البنت  يعني
زينه  بصت  له  والحزن  مالي  عنيها  قالتله بحزن 
يعني  لو ف ايدك  تصلح  غلطه  تؤامك  هتصلحها
ازاي  يعني ما تتكلمي ع طول 
تتجوزها
الكل  اتخرس  بعد كلمه  زينه  أمها  صړخت  فيها 
انتي  اټجننتي  و زين  ليه  يتجوز  واحده  مشوهه  ان شاء الله  لما  يبقي يرجع  البيه  التاني  نبقي  نلبسه  ليها  لكن  زين  ما  أذنبش  عشان  يتجوزها
زينه  بصت  لأمها  بحزن  كبير  وقالت  لها 
لو  كنت  انا  اللي  واحد  مؤذي  شۏهني كنتي  هتقولي  نفس  الكلام ع اخوه برضو   يا  ماما  دي  مستحيل واحد  يرضي  بيها  وانا  شايفه  ان ااقل حاجه  نعملها  عشانها  اننا  نسترها  انا  مش  بقول  لزين  كده  عشان  هوه  أذنب  لأ  انا  عايزاه  يساعد  البنت  دي  لما  تبقي  مراته  هيهون  عليها  مصيبتها   ولما  يقابل  واحده  ويحبها  يبقي  يتجوزها  برضو  ما  ده  حقه  وشرع  ربنا   يعني  نروح  كلنا  نطلب  ايدها  وزين  هيتقدم  لها  ع انه  هوه  اللي  شوهها  هنقول  انه  كان  شارب  وماكنش  ف  وعيه   وجه  يصلح  غلطته  ويتجوزها  وتعيش  معانا  هنا ف اوضته   ويوم  ما  يحب  يتجوز  واحده  هوه اللي  يختارها  يبقي  يسيب  قمر  عايشه معانا  ويروح  يأخد شقه  ويفرشها  مع  عروسته  ويعيش  حياته  وقتها  هنبقي ريحنا  ضميرنا قصاد  ربنا   ولا  انتوا  شايفين  كلامي  غلط 
بدر  كانت