رواية ممتعة للكاتبة فريدة أحمد
بتمسح تلاجه الجبنه زي العاده جه عمر زميلها وقالها
بدر سيبي اللي ف ايدك وقومي كلمي ايمن بيه المدير عايزك ف المكتب
بدر قلبها انقبض بصت تلقائي ع مكتب المدير قامت وهيه خاېفه هزت رأسها لعمر ومشيت ع مكتبه
قالها تدخل دخلت ووقفت قصاده بصت له لقته بيبص لها پغضب وعصبيه قالها بقرف
انتي إيه اللي جابك تشتغلي عندي هنا يا ااقول مدام ولا انسه مع اني شاكك ف موضوع انسه دي
اسمعي انا فكرت كتير اني اطردك من هنا من بعد ما عرفت انك شغاله عندي بس انا ما بحبش ااقطع عيش حد انا هسيبك تشتغلي هنا بس لو فاكره انك هتصطادي زباين من هنا يبقي تسلمي عهدتك وتغوري من هنا دلوقتي اهوه
عينها دمعت ڠصب عنها ما فكرتش حتي انها تدافع عن نفسها قصاده
ازاي هتقدر تكمل شغل عنده وهوه شايف انها بنت ساقطھ رخيصه مدورة بيتها للدعاره مع اخواتها
مسحت دموعها بكبرياء وحطت الفوطه من ايدها ع المكتب وطلعت التاج نيم كارت بلاستيك عليه اسم العامل
دي كل عهدتي يا فندم هدخل اغير هدومي واسلمها وأمشي ووعد مني مش هتشوف وشي تاني
أيمن بص لها مستغرب قالها پصدمه
بدر صړخت فيه پغضب
بس بس كفايه كفايه حرام عليك حسبي الله ونعم الوكيل ف كل اللي ظلمنا انا وقمر احنا ما عملناش حاجه ابدا دي دي شمس منها لله هيه اللي عملت كده هيه اللي طول عمرها بتبص لفوق وكارهه انها اتولدت فقيره واهي اخرتها ضاعت للأبد لكن وسخت سمعتنا انا وقمر واتبهدلنا ف الأقسام بسببها انا يا ايمن بيه انسه وهعيش انسه وھموت انسه مفيش مخلوق لمس شعره مني ولا ف حد هيلمسني ابدا انا زي ما ربنا خلقني طاهره هرجع له طاهره ودا مش عشان انا عملت حاجه وخاېفه منها لأ دا لسبب خاص يخصني واللي مصدقني متشكره له واللي مش مصدق يتحرق بجاز انا ماشيه من هنا عشان مش قادره أصدق ان حضرتك صدقت عليا الكلام ده بس انت معذور ما الناس قالوا عليا انا وقمر كتير منهم لله كلهم عن اذنك يا ايمن بيه
جت تخرج ايمن مسك ايدها بصت له مستغربه قالها بأصرار
يعني كل اللي اتقال عليكي ده افتراه من الناس يعني انتي شريفه يا بدر قوليها وانا هصدقك بس عايز اسمعها صريحه منك
ايوااااا وربنا انا أشرف من اي حقيره اتكلمت عليا لو مش مصدقني خدني اكشف عليا يا ايمن بيه
لأ طبعا مش للدرجة دي هوه انا ابوكي ولا اخوكي انا صدقتك خلاص يا بدر خدي عهدتك وارجعي شغلك وانسي ان الحوار دا تم من أساسه ماشي وانا آسف يا ستي اني صدقت الكلام الزباله دا عنك ماشي
ماشي يا ايمن بيه عن أذنك
بدر خدت الحاجه من ع المكتب وخرجت من غير ما تبص له
ايمن استغرب من نفسه أوي وسأل نفسه
انا ليه صدقتها ع طول كده ولا يمكن انا اصلآ مكنتش مصدق الكلام دا عليها من الأول ولا ايه عاما خلاص اهيه شغاله وانا هأجي هنا كتير مخصوص عشان اراقبها ولو شفت منها اي تصرف معجبنيش همشيها ع طول
صخر اتضايق لما السكرتير قاله ان شمس بره وعايزه تقابله
زم شفايفه بضيق وقاله
خليها تدخل بس ابقي ادخل علينا بعد شويه وقولي ان ف اجتماع ضروري ولازم احضره
السكرتير بص له مستغرب لكنه هز رأسه وخرج
خبطت شمس ودخلت صخر كان بيخرج الميزانيه اللي عاملها لها شمس قالت له
صباح الخير يا صخربيه
بص لها ورد بجفاء
صباح الخير اتفضلي اقعدي انا خلصت لك الميزانيه وهيه دلوقتي جاهزه اتفضلي
ردت عليه بنفس الجفاء
ممتاز اوي يعني نقدر نبتدي امتي
ف اي وقت يا انسه
شمس اتعمدت تضايقه وتتجاهله قامت وقفت ومسكت الميزانيه ف ايدها
وقالت له بجفاء
متشكره يا صخر بيه هتصل بحضرتك عشان نمضي معاك عقد رسمي انا و ايمن
شكرا اوي
شمس ما استنتش رده سابته وخرجت
صخر بص عليها پصدمه... عشان قامت مشيت كده ع طول
من غير ما ترغي معاه
لكنه استغرب برضو من لبسها اللي اتغير فجاه
كانت لابساه قميص وبنطلون محترمين
ودا عكس اللي ظهرت بيه اول مره صخر هز راسه بتعجب لكن رجع
