رواية ممتعة للكاتبة فريدة أحمد

وفرت دمعه من عينه... زينه اټصدمت... قالها
وهوه بيبص پغضب ويمسح دمعته
دا اكتر إنسان أذاني ف العالم... انا هنتقم منه هفضل وراه لآخر نفس فيا.... لأن حاسس ان ذنب كل الاطفال دي ف رقبتي انا ودا ليه... لأن اللي قطعهم وباعهم حتت زي العربيه الخرده.... دا يبقي ابويا......
ف شركه المحمدي
راجل كبير واقف وحاطط إيده ع مكتبه بخيبه آمل.. بص لابنه حسن وقاله
بقا يا ربي الشركه اللي تعبت فيها سنين طويله انا وايويا يجي ابني ويدمرلي سمعتها بالشكل ده... ليه يا حسن بيعمل إيه صخر الراوي للعملا.... ليه بيأخد هوه كل الشغل لوحده... كل المشروعات الجديده اللي ف البلد عنده هوه ف شركته... ليه ياخويا هوه بيسحر لهم ولا ايه مش فاهم انا
حسن قعد ع كرسي قصاد ابوه وقاله بثقه وخبث
اصبر عليا بس يا ياسين بيه.... بكره هتشوف صخر ده انا هعمل لك فيه إيه... انا ها هدها ع دماغه مش هوه عمال بيقدم ف عروض جديده وبيجيب اكبر خبرا أجانب يوظفهم عنده... انا بقا هخلي سمعته تبقا زي الزفت قصاد البلد كلها
ها هتعمل ايه يعني يا فالح
هقولك .... اللي زي صخر دا لازم عشان تهزمه لازم تبقي اذكي واقوي منه ف السوق... هوه ف فتره بسيطه صحيح بقا من اكبر رجال الأعمال ف البلد.... لكن كل اللي محتاجه عشان ينزل سابع أرض تاني... هيه حاجه صغيره... رشوه بسيطه لحد تبعه ... ونضرب له مواد البنا لمشروع كبير.... والمشروع طبعآ هيقع ع دماغ صحابه... هنا صاحبك بقا سمعته هتبقي ف الحضيض ومحدش ها يشتغل معاه تاني حتي كل العملا هينهوا عقودهم معاه
ينهار اسود ع الحموريه اللي ف ابني... يابني ما تشغل مخك شويه.... اهوه غباءك ده هوه اللي مركب عيل زي صخر دا علينا ف سنين بسيطه... يعني انت يا ناصح ما سمعتش كام مره حاول ناس غيرنا يعملوا الحوار ده.... ومنفعش... الناس بتوعه مخلصين ليه يابني... وياما موظفين قابلوا ناس زي حضرتك واخدوا منهم مبالغ ياما وكانوا بيرحوا لصخر ويعترفوا ليه ع كل حاجه يقوم ايه... هوه يدي الموظف بتاعه مبلغ اكبر ... ك مكافأه... ويحبس اللي زيك اللي عايز يوقعه... يابني عشان تغلب صخر فعلآ لازم تكون اذكي منه.... بس مش بطريقتك دي لأ صخر ليه ډخله... وليه نقط ضعف... وهتظهر هتظهر... واخرته هتبقي ع ايدي انا بأذن الله... وافتكر كلامي ده كويس... انا هنبش وراه لحد ما اطلع كل المستخبي... ووقتها بس هعرف اضربه منين بس مش ضربه توقعه وتقومه تاني... لأ ضربه تقضي عليه وتدمره نهائي... فاهم يا حسن... ف مجالنا دا يابني لازم تفضل قوي ومسيطر يا إما... يجي عيل جديد زي صخر ده.. ويمحي اسمك وسمعتك من السوق كله فهمت ولا اعيد تاني
فهمت.... فهمت اوي... وياريت تسيب النبش ده ليا انا... دي لعبتي واوعدك يا ياسين بيه ان انا اللي هجيبلك الورقه اللي تدمره بيها ايا كانت هيه إيه
صخر كان شارد.... لأول مره ف حياته كلها يراجع حساباته
كان ف صراع مع نفسه كأن ف اتنين جواه بيتخانقوا
الأول
لو سمش مكنتش واقفه كان زماني اتدفنت تحت الطوب والرمل
التاني بعصبيه
الأول
لأ مش اول مره... بس اول مره اكون انا اللي ف الموقف ده.. وبرضو اول مره ألاقي حد يدافع عني ويحميني
التاني
بقولك إيه يا عم الحنين... بلا تدافع بلا تهاجم... انت عايز توصل لإيه بالظبط... احنا قلنا سكه  انك تروح تحقق ف اللي حصل وتعرف حصل ليه وازاي والإهمال ده جه من مين بالظبط فاهم.... امين..... ماټ الكلام يا عمنا
صخر فاق من الخڼاقه الحاميه دي.... ع رنه تلفونه اتنفض مكانه
كأنه كان نايم وحد فزعه... رد بشرود
مين
استاذ صخر انا امل من المستشفي
امل امل ف ايه... اختي جرالها حاجه اتكلمي
اختك دي جرالها وجرالها كتير اوي كمان
اييييييييييييه... جنه مالها حصل لها ايه
امل كانت بتتكلم بجديه... لكنها ضحكت اوي وقالت له
استاذ صخر مش هتصدق
ما تخلصي وتقولي اختي حصل لها ايييه
انا اسفه بس مش عارفه اقولك ع المفاجأة دي إزاي لازم تيجي وتسمع بنفسك
اسمع اسمع إيه بالظبط
تسمع اختك جنه هانم.... انسه جنه النهارده صدمت الكل... كانت بتتكلم وبتضحك... ناقص لها بس انها تقوم ترقص ع رجلها ودا هيحصل قريب اوي بإذن الله طول ماهي ف الحاله دي
انتي بتهزري صح.... جنه... جنه رجعت تتكلم... رجعت تضحك
أمل فضلت ترغي كعادتها.... لكن صخر التلفون وقع من إيده ع رجله
وهوه قاعد ع كرسي مكتبه... مكنش قادر يستوعب الكلام
فجأه رجعت ذكري اليوم