رواية ممتعة للكاتبة فريدة أحمد

عمري سنين ف السجن ... برضو مكنتش فهمت ولا استوعبت... اخر مصايبي . اني قټلت بنت... بنت بريئه بس وربنا ما كنت ف وعيي... وربنا كنت شارب... انا اسف اوي ومفيش آسف ف الدنيا هيرجع اللي راح... انا بحبك يا جنه مش عارف ليه حبيتك...... انا اللي زيي ما يستهلش يحب ولا يتحب... انا ما فهمتش ولا استوعبت كل جرايمي ف حق ناس كتير غير لما حبيتك ....حبيتك من كل قلبي .... وانا اسف تاني
زيد قام وقف وخرج يجري من اوضتها كان بيعيط بحرقه وندم بجد
خرج وسابها وهوه متأكد انه خرب كل حاجه... بس حس وقتها انه خلاص مبقاش
فارق معاه حاجه ف الدنيا.. خلاص الدنيا بالنسبه له اسودت فجأه لما اكتشف
انه فعلا بيحب جنه... حبها من اول نظره.. من اول لحظه... من اول كلمه منه ليها
رجع زيد للوقت الحاضر... كان بيبص لسعادتها وهيه بتتكلم مع الناس والمړضي والدكاتره
وفهم انها وافقت عليه.. وهتتغاضي عن جرايمه كلها.. كان سعيد وحزين
فرحان ومهموم... محتار وشارد... مش عارف يقولها ع اخر حقيقه غفلها
ولا يكبر دماغه ويتجوزها وبرضو يكمل خطته مع شمس
زينه كانت قاعده ع مكتبها بره....كانت حزينه مكتئبه...لكنها
سألت نفسها
مالك يا زينه زعلانه كده ليه...عشان أيسر ط وانتي مالك بمشاكله مع اهله...ماهوه اكيد متأكد من كلامه وإلا عمره ما كان ظلم ابوه....بس برضو دا ما يخصكيش يعني...وانتي مالك بيه وبمشاكله مع اهله...بصي بقا انتي ركزي ف شغلك بس ومالكيش دعوه بمشاكله الشخصيه ماشي وفكك بقا
زينه ظنت انها اقتنعت بكلامها وانها هتخرج أيسر ومشاكله من دماغها
قامت دخلت له بدفتر صغير ف ايدها بتسجل فيه مواعيد القضايا وخلافه من مواعيده
لقته قاعد شارد.....حكت عشان تلفت انتباهه لوجودها...بص لها وابتسم بضعف قالها
تعالي يا زينه ف حد بره ولا حاجه
لأ بس استاذ حسني اتصل عايز يجي لحضرتك...وكمان........
زينه قالت له ع كل مواعيده النهارده وفكرته بجلسه بكره بدري
زينه كانت بتبص له وهيه بتكلمه لكنها شايفه انه باصص لها ومش مركز ف كلامها
اتخنقت...حست انها مسؤله عنه ...رمت الملف ادامه پعنف ع المكتب
أيسر اتخض...بص لها بدهشه....مدت ايدها ع المكتب وبصت له اوي وقالت
ط ممكن اعرف دلوقتي ايه اللي مضايقك....فين عقلك...شكلك مش معايا خالص...هتقولي موضوع ابوك تاني...ماشي حقك تتجنن بس الحوار ده من سنين...ايه اللي جد دلوقتي يا أستاذ ايسر....ف ايه يعني حضرتك عرفت حاجه جديده يعني
أيسر بص لها شويه...نفخ ف ضيق ومد إيده بتلفونه ليها
مسكت التلفون..وبصت فيه لقت رساله من أيمن اخوه ع الواتس...نصها
أيسر انا هعمل عيد ميلاد لابونا انا عارف انك مقاطعه عشان اوهام ف دماغك بس عشان خاطري لو ليا خاطر عندك....ممكن تيجي انا عاملها مفأجاه ليه....انا مش عايز منك غير انك تحضر بس...ممكن يا أيسر تيجي.... وجودك هيعني ليا انا كتير لو سمحت فكر ورد عليا وانا واثق انك هتعمل خاطر لأخوك الكبير
زينه بصت له شافت حزن الدنيا مالي عينه قالت له بتردد
ط...ط ليه ما تروحش ... مش عشان عيد ميلاده لأ عشان اخوك...وبعدين ما حضرتك بتروح هناك عادي ايه الجديد يعني
أيسر بحزن
بروح السرايا لما يكون هوه مسافر وهوه ع طول مسافر بس مش عشان الشغل اللي ايمن مقتنع بيه لأ عشان ده
خد ومنها التلفون....وشغل فيديو عمر صاحبه بعته ليه ناولها التلفون بصت ع الفيديو
وصړخت من الصدمه
الفيديو فيه
چثه بنت عمرها ما يكملش٧ سنين...مرميه ف صندوق زباله والنمل والصراصير مالين جسمها ...مشهد كام راجل من الحكومه بيطلعوها من الصندوق وبيغطوا جسمها العريان لكن الكاميرات صورت بطنها المتخيطه بمهاره جراحيه....اختلف المشهد وظهرت ست لابسه خمار وعماله ټعيط بحرقه وهيه بتكلم مذيع وتحكيله عن بنتها دي 
زينه مقدرتش تكمل الفيديو...دموعها نزلت ع خدها من المنظر اللي يقطع القلب
حطت التلفون ولفت تمسح وشها رجعت لأيسر وهيه بتشهق وتأخد نفسها
معناه ايه الفيديو ده يا إيسر...ابوك هوه اللي عمل فيها كده
فيها وف غيرها كتير
وانت ازاي ساكت ع كده وحرام عليكوا ابوك دا ليه مش بشړ جنس ملته ايه دا دا لو كافر مش هيعمل ف طفله كده
العيله دي لقوها مرميه ف مدينه النهضه السلام جمب معسكر الجيش....ف صندوق الزباله اللي شفتيه ده...الناس لحقوها من بق الكلاب كانوا اتجمعوا ع الصندوق...بس ولاد الحلال لحقوها....فهمتي انا هتجنن من ايه يا زينه....نفسي أاقتله بإيدي...بس الدنيا كلها هتغلطني هبقولوا فين دليلك ...انه هوه رئيس العصابه
زينه حست ان أيسر مستعد يرتكب جنايه تدمر مستقبله بجد
فكرت وقالت له بسرعه
أيسر ط ما يمكن انت غلطان فعلا قصدي ايه دليلك ع ان والدك هوه اللي ورا خطڤ وقتل الاطفال زي دي وغيرها
أيسر دب بإيده پعنف ع المكتب...زينه اتنفضت مكانها قام وقف وصړخ فيها
اومال انا بتهمه بالباطل...انتي هتقلدي أيمن....ابويا هوه المچرم اللي ورا كل عمليات الخطڤ اللي ف البلد
ط اهدي اهدي بس...انا قصدي لما تقف قصاد ربنا هتقوله ايه لما يسألك ظلمت ابوك ليه...أيسر ظلم الناس