رواية ممتعة للكاتبة فريدة أحمد

من ٣١الي ٣٢
وماله... هجوزهم.... هيه وقفت جمبه اكتر مني ومن اخوه وابن خاله.... وبعدين مالها الخدامه ... مش بنت ناس ومتعلمه وشاطره... دا كفايه عندي عشان اقبلها مرات إبني... دي اللي هتطمن ع ابني وبيته معاها... وانا بعيد .... خلاص خلص الكلام با جماعه... وآسف ع الموقف المحرج ده... شرفتونا
الراجل زق بنته قصاده وخرجوا وهما شايطين من العيله دي كلها
ياسر قرب من بدر اللي الصدمه شلتها مكانها... مسك وشها بايده... مسح دمعتها
قالها بحنيه وابتسامه
انتي بنت حلال أكيد وامك دعيالك... عشان توقعي ابني ف حبك وتنزليه من برجه العالي وتخليه يغير طريقه تفكيره القديمه... وتخليه يحبك... ويقف قصاد الناس عشانك.... انتي تستهلي وانا برحب بيكي ف عيلتنا... انا عارف انك يتيمه ومالكيش اهل نطلبك منهم... ف اعتبري نفسك خطيبه ابني.... مؤقتا... واخر الأسبوع ده.. هتبقي سيده المنزل.... ايه رايك يا عروسه 

بدر مقدرتش تمسك نفسها قصاده... فضلت ټعيط.. الراجل حس بيها وخدها ف حضنه
أيمن ضحك... وشدها من حضن ابوه لحضنه... قال لابوه بضحك
اهيه كده... ما بتبطلش عياط ع كل حاجه.... انا عارفها ... حساسه أوي 
ياسر طبطب ع كتفه .... وقاله
ربنا يسعدك يابني... مش دي اللي انت اختارتها... وشايف راحتك معاها
ايوااا يابا
يبقي ع بركه الله... انت مسؤوليتك بقا من دلوقتي تشوف كل طلبتها... وتجيب لها جهاز العروسه .... انت دلوقتي كل حاجه ليها يا أيمن... وياريت ترجع شمس تاني... وحشتني أوي... انا بحمد ربنا انكم اخوات يا بدر... ياسلام بقاااا لو أيسر يتجوزها... ويعيش معاكوا هنا... بدعي من كل قلبي واللهي ان ربنا يهديه وينور له بصيرته
امين يارب
ياسر سابهم وراح ع مكتبه.... بدر بعدت عنه وبصت له اوي... رجعت خطوتين لورا وقالت له
ايمن... الجوازه دي مش هينفع تتم
ايييه... انتي اللي بتقولي كده
ايوااا انا.... ايمن بيه... انا مكنتش اقصد أاثر عليك... واخليك تغير رأيك ف سهر.... ايمن بيه انا وقفت جمبك عشان ... عشان دا واجبي... واجبي افضل جمبك.. واساعدك... واريحك لو تعبان... واجبي اشوفك سعيد... لكن ده مش معناه انك تتنازل وتتجوز خدامه
ايمن بص لها اوي وقالها بسخريه
واجبك ... ايه واجبك دي... ليه هوه انتي جنيه حارسه ... ولا تكوني امي وانا معرفش... انتي شايفه ان سعادتي واجب عليكي ... عشان بتحبيني يا بدر... انا عارف وشايف ده ف عنيكي.... انا هتجوزك ولو ڠصب عنك... انتي فاهمه.. ولا تحبي افهمك بطريقتي
بصت له مش فاهمه قصده... ضحك ع نظره البراءه ف عنيها.... شدها لحضنه
ورفع وشها وباسها برقه... وحنيه... بدر غمضت عينها... ونسيت العالم كله بين إيده
لكن افتكرت فجأه وأيمن بيبوسها.... شمس ... شمس واقفه مستنياها قصاد شقتها
بعدت عن ايمن بسرعه... وصړخت 
شمس.... شمس واقفه مستنياني ف شقتي يا ايمن... ممكن اروح لها وبعدين ابقي ارجع لك
لأ... هنروح لها ... ونرجع سوا كلنا... انا كمان غلطت ف حقها... ولازم اراضيها وارجعها لبيتها... هنا بيتها يا بدر
بدر ضحكت.... اترمت ف حضنه بقوه... كأنها بتتمسك بيه لآخر نفس فيها
ف الورشه أسطي إبراهيم صاحب الورشه... نده ع زيد
خد يا زيد
ايواا ياسطي جاي أهوه
خد العنوان ده.. وروح خد مقاسات باب الشقه وشباك الحمام...خد علي معاك هوه عارف الشارع ده... واد يا علي
علي ده طفل عنده حوالي ١٣١٤ سنه كده... قاله
ايواا ياسطي
روح مع اسطي زيد لشارع الهانجر الجديد... عند العماير الجديده
ايوا ياسطي عارف الشارع
العماره رقمها عندك يا زيد ف الورقه.. هتلاقيها عماره لسه بتتشطب.... ماشي..هتلاقي صاحبه الشقه هناك مستنياك اسمها حجه سعاد...... هاتوا المقاسات واحنا هنا هنصنع الباب والشباك وتروح تركبهم انت ماشي
زيد بلامبالاه ماشي ياسطي. يلااا يا علي
مشي زيد.. مع علي... وصلوا الشارع.. ولقوا العماره.... طلعوا ع شقه ف الدور الرابع....
العماره كانت فعلآ لسه بتتبني... زيد ما اهتمش...وصلوا الشقه... لقوا الباب مفتوح
علي قاله 
انا هتصل ع الاسطي اسأله.... بس مفيش شبكه هنا ليه كده
زيد ساب علي يتصل بالاسطي... 
دخل ونده
حجه سعاد.... يلي هنا.... يابشر... محدش هنا يظهر ان الاسطي كتب شقه غلط
غلط..... غلط مين يا روح أمك... دا انت اللي هيتعمل معاك الغلط
زيد اټصدم لما شاف أحمد... فهم انه وقع ف كمين... رجع برجله لورا
لقي صحاب أمير واقفين وف ايدهم شوم.. صړخ فيهم
انتوا... انتوا عايزين أيه
قرب منه احمد أخو أمير.... وقاله
شفت الدنيا صغيره ازاي يا زيد الكلب... انهارده بس اخويا هيرتاح ف تربته
زيد لقي الشوم نازل عليه من أحمد والشابين التانين.... فضلوا يضربوا فيه.....
علي سمع صوت اهااات زيد... دخل لكن پخوف وحذر.... شاف الموقف
استخبي ... خاف لحد فيهم يشوفه.... فضل يتصل... يتصل لكن الشبكه معدومه
الشباب رموا الشوم.... وقفوا زيد ع رجله... كان وشه كله ډم.. وورم من ضربهم
مكنش قادر يقف ع رجله... الشابين مسكوه من إيده يوقفوه ع رجله قصاد احمد... احمد
قاله وهوه بيطلع مطوه ... مطوه شبه اللي اخوه اټقتل بيها... قال لزيد بۏجع وحسره
ربنا بيقول... ولكم ف