رواية ممتعة للكاتبة فريدة أحمد

وحماتها وزينه كانوا قاعدين جوه
ندت عليهم وقفوا وسألوه مستغرببن
ايه يا زين... ف ايه يابني
ماما ألحقيني.... خليه يسبني
ابوه
ف ايه يا زين ما تتكلم
زين برق لأمه وأبوه... وقال لهم بعصبيه
بقولكم ايه... محدش يتدخل... مراتي وانا حر فيها... هيه عايشه الدور ع ميتين امي ليه.... قولتلها ترجع معايا بالذوق...
لسه بيتكلم قطع كلامه خبط ع الباب..... فتح پغضب... لكنه اټصدم بعيله الفرماوي كلها
واقفه ع الباب... استغرب وشد لهم الباب ع آخره فتحه.... جه ابوه وقال لياسر
أهلا وسهلا... اتفضلوا...
ابو زين فاكرهم من ساعه عزا زيد.... لكنه ما يعرفش ياسر... مكنش ف مصر ساعه العزا
دخلوا وقدم الراجل نفسه.... دخلت شمس قمر ما تعرفهاش... ولا بدر حكت لها عنها
بدر خدت قمر ف حضنها... زين اضطر يسبها عشان تسلم .... شمس بصت لقمر پصدمه
قالت لها بقلق
ايه اللي ف وشك ده يا قمر... مين عمل فيكي كده
قمر بصت لها بأستغراب.... لكن بدر خدتهم الاتنين من ايدهم وقالت لزين وأهله
ممكن اتكلم مع اخواتي ف اوضتك يا زين
هز رأسه موافق... قمر قالت لها بذهول
اخواتي... اخواتك مين... مين دي
دخلت بدر اوضه زين باخواتها... وحكت لقمر ع حكايه شمس الغريبه.... ونهايتها
الجميله مع صخر... قمر جريت حضنت اختها ... بدر بعدتهم عن بعض... عشان تكمل حكايه قمر لشمس. 
بره ياسر صدم الكل... وخصوصا زينه... لم طلب ايدها من أهلها
صخر كان اتصل ع زيد... جاب مراته وجم بسرعه... أيسر وقف قصاد زينه وقالها
زينه انتي موافقه عليا... انا عارف ان الكلمه هنا كلمه ابوكي واخواتك الرجاله.... بس انا يهمني اسمع رأيك
زينه ابتسمت... وشها أحمر بطريقه خلت الكل يضحك عليها.... قعدت جمب امها من كسوفها
ياسر ضحك وقال
ع بركه الله... نقرأ الفاتحه دلوقتي.. ونحدد معاد الفرح بس اعملوا حسابكم الفرح هيكون 
ياسر شاف ارتباك الراجل.... قعد معاه وحكي له.. إن بدايته كانت بسيطه ... وانه زيه كان راجل بسيط
ع اد حاله.. وربنا كرمه... حكي له نبذه عن حياته... اتبسط منصور اوي من ياسر ومن العيله كلها
بليل قمر كانت ف اوضه زين.... قاعده ع طرف السرير متأهبه
مستنيا دخوله ف اي لحظه.... بس هيه جاهزه تتخانق معاه... مش هتبقي ضعيفه تاني
مش هتسمح لأي حد يقل منها تاني حتي لو بتحبه وھتموت عليه.... أخيرا.. انتهي صبرها
زين دخل... بس كان باين عليه تعب شديد... كأنه خارج من حرب
قمر هديت لما شافته كده... حست انه تعبان... خاڤت عليه كانت عايزه تقوم تجري عليه
زي ما كانت بتعمل... بس هوه ما طمرش فيه... قرب منها قامت وقفت... بعدت عنه
جري مسك ايدها قالها
هتهربي مني ع فين.. هتدخلي الدولاب يعني
عايز مني ايه
عايزك
كداب
وربنا عايزك
انت عايز ابنك وبس
لأ... انا عايز ام ابني... وابني عايزكم مع بعض عايز عيلتي يا قمر
ليه دنيا مش كفايه عليك... مش دي اللي قلت هتعمل المستحيل عشانها.... مش دي اللي خيرتك بيني وبينها واخترتها.. عايزني انا وابني ليه... خلاص يا زين انا مش موافقه يكون لي دره.... لو عايزني صحيح سبها
انا سبتها من بدري اوي... دي اتخلت عني... هيه السبب اللي خلاني اعرف قيمتك... واقدر اد ايه وجودك مهم ف حياتي.... هيه اللي خلتني افوق واشوف الحقيقه... وهيه اني بحبك
ايييييييه... انت كداب يا زين... انت مش بتحبني
بحبك
انت بتعايرني بوشي... انت بتضربني... بتشتمني ع كل حاجه
انا بحبك.... فاهمه معني الكلمه يا قمر... يعني انا خلاص هعيش اللي باقي من عمري عشانك... لو ضربتك لو زعلتك لو عملت اي حاجه ضايقتك مني... مش هتهوني عليا ... مش هقدر اغمض عيني وانتي زعلانه مني مش هعرف أكل لقمه من غيرك.... انا بحلم بيكي ليل ونهار... وانا صاحي و وانا نايم... بدعي ربنا ف كل لحظه انك ترجعي لي.... عايزك تنسي كل اللي فات.... عايزك ترجعي لحضني يا قمر... بعدك عني تعبني اوي... انا اكتشفت اني عرفت الراحه معاكي وع ايديكي انتي وبس.... اوعدك يا قمر اني مش هعايرك تاني... هحاول ما ازعلكيش ابدا... هعملك كل اللي انتي عايزاه.... بس ... بس وافقي ترجعي لي
بصت له مش مصدقه.... لكن صدق كلامه خارج من عينه... دموعها نزلت... قالت له عشان تتأكد اكتر
ولو رفضت ارجع لك... هتعمل إيه
هحبسك هنا... هكتفك.... مش هخليكي تخرجي من هنا قبل ما تسامحيني... مش هتبعدي عني تاني يا قمر.... لو المۏت خدك مني ھموت وراكي.. مش هسيب اي حد او اي حاجه تحرمني منك ولا هسمح ابدا اننا نفترق تاني.... بس انا عارف النظره دي كويس انتي اصلآ مسمحاني... انتي عايزه تترمي ف حضني... تعالي مكابره ليه.... بتعاندي ليه يا قمر
بقيت قمر دلوقتى... مش انا عتمه برضو.... ولا نسيت
انتي عتمتي وقمري ونور عيوني... انا بحبك يا بت... ومش عايز