رواية رائعة للكاتبة ميادة
فى الموبايل
مها طب ما نروح نزورها ربع ساعة بس
منصور انا قولت بعد اسبوع يبقى بعد اسبوع وبص فى الموبايل
مها انت مستنى مكالمه
منصور مستنى مكالمة من معتز
مها اااااه فهمت
منصور الساعة بقت ١٢ الضهر ولسه متصلش بيا
مها انا مش عارفة انت بتعمل كده ليه بتشك فى بناتك
منصور لا طبعا بس بخاف يبقى عند واحدة فيهم مشكلة عضوية او اتعرضت لحاډثة وخاڤت تقول
منصور طيب هكلمه انا
مها ما بلاش
منصور لا عادى هكلمه واتصل بيه صباح الخير يا عريس
معتز صباح النور يا عمى
منصور احنا مش هنجى خالص لمدة اسبوع
معتز ليه كده بس ده انتوا حتى هتنورنا
منصور لا لا خليكم اتعودووا على بعض
معتز يا مسهل
منصور ها بقى طمنى ايه الاخبار
معتز .....................
الحلقة الثامنة
منصور لا لا خليكم اتعودووا على بعض
معتز يا مسهل
منصور ها بقى طمنى ايه الاخبار
معتز .....................
________________________________________________________________________
معتز محصلش حاجة
منصور يعنى ايه
معتز بصراحة انا قولت استنى لحد ما ناخد على بعض مهما كان اكيد انا بالنسبة لها غريب
معتز الله يسلمك يا عمى وقفلوا المكالمه
مها ها ايه الاخبار
منصور حكى لها اللى معتز قاله
مها انا مش قادرة افهم معتز شخصيته متناقضة تماما
منصور اشمعنى بتقولى كده
مها يعنى عارف انه مش بتحبه ورغم كده اتجوزها تفتكر اتجوزها ليه
منصور اكيد عشان بيحبها
منصور يارب ان شاء الله
________________________________________________________________________
فى بيت معتز ..........
. معتز راح يخبط على سلمى لكنها مردتش خبط كتير لحد ما قلق ف فتح البا لقاها واقعة على الارض حاول يفوقها لكنها مفاقتش وشالها وراح بيها على المستشفى .
______
معتز خير يا دكتور
دكتور دى محاولة اڼتحار
معتز اڼتحار !!!!!
دكتور اه هى خدت برشام كتير بس الحمد لله احنا لحقناها
معتز يعنى هى كويسة
دكتور اه بقت احسن الحمد لله
. دخل معتز ل سلمى يطمن عليها .
معتز حمد الله على سلامتك
سلمى ساكتة
معتز ليه عملتى كده يا سلمى
سلمى ساكتة وبتعيط
معتز يا بنتى ردى عليا فهمينى
معتز والاڼتحار كان هيحل كل ده
سلمى على الاقل مش هعيش مع واحد مبحبوش
معتز ليه يا سلمى كده
سلمى ليه ايه
معتز ليه كرهانى كده
سلمى عشان بحب واحد تانى
معتز بعصبية وهو فين الواحد التانى ده تقدرى تقوليلى مبيجيش ليه مبيسألش عليكي ليه تقدرى تعرفيني فين مكانه اصلا
سلمى دى كلها حاجات تخصنى انا
معتز هو كده البنى ادم دايما بيدور على اللى بيتعبه ويذله لكن اللى يحبه ويريحه مبيحسش بيه الا لما يضيع منه
سلمى ده صفة فى البشر اى انسان كده
معتز لا مش اى انسان كده الانسان الرخيص بس زيك كده
سلمى انا رخيصة يا معتز !!!
. مشى معتز من غير ما يرد على سلمى .
____
. معتز قاعد فى كافتريا المستشفى وفجأة موبايله رن .
سارة ايه يا معتز انت فين
معتز فى مشوار كده
سارة طيب وسلمى انا ضړبت الجرس كتير ومحدش فتحلى
معتز ما هى سلمى معايا
سارة انتوا مجانين ولا ايه فى حد يخرج تانى يوم الفرح
معتز ده ظرف طارئ وكان لازم نخرج
سارة خير فى ايه
معتز سلمى تعبت شوية وجبتها للدكتور
سارة تعبت !! مالها يعنى
معتز عندها القاولون بس شكينا انها الزايدة بس الحمد لله طلع القاولون
سارة طب الحمد لله انت كويس
معتز اشمعنى
سارة صوتك متغير خالص
معتز مفيش يا حبيتى مرهق جدا وزعلان عشان سلمى
سارة ان شاء الله هتبقى كويسة ابقى طمنى عليها وقفلوا
معتز لنفسه اعمل ايه بس اطلقها ولا اكمل معاها ڠصب عنها انا اصلا اتجوزتها ايه عشان بحبها انا اصلا مش عارف بحبها ولا لا ساعات بحس انى بحبها بجد وساعات بحس ان حبى ليها حب تملك انا مش عارف انا عايز ايه ولا عارف اتصرف ازاى
________________________________________________________________________
بعد مرور ثلاث ايام ........
سلمى خرجت من المستشفى
معتز قال ل سارة انهم سافروا تلت ايام وزهقوا ورجعوا
منصور ومها ميعرفوش ان سلمى كانت فى المستشفى
لليان بتتصل ب معتز لكنه مبيردش
معتز بيفكر يعمل ايه مع سلمى
________________________________________________________________________
بعد خروج سلمى
فى بيت معتز .......
معتز حمد الله على سلامتك
سلمى شكرا
معتز ممكن نقعد نتكلم شوية ولا محتاجة تستريحي
سلمى نتكلم فى ايه
معتز فى اللى احنا فيه
سملى اتفضل اتكلم
معتز انا فكرت كتير وقررت انى مش هطلقك
سلمى يعنى ايه مش هطلقنى هعيش معاك بالعافية
معتز اه حاولى بقى تتأقلمى وتعيشى حياة طبيعية
سلمى انت ازاى تقبل على نفسك انك تعيش مع واحدة مش طيقاك
معتز مالكيش دعوة
سملى انت فعلا زى ما كنت بقول عليك
معتز اهبل وعبيط صح
سلمى لا مش راجل
معتز مسك سلمى من دراعها بقوة بطلى بقى قلة ادب وطولة لسان مش معنى انى ساعات بعاملك كويس وبحنية ابقى طيب واهبل لا يا ماما فوقى انا اصلا شيطان وقلبى ده شايله من زمان
