رواية رائعة بقلم سهام العدل

انتقامه عن حبنا واللي بينا. ليه سيبتني وقتها بدل ماتاخدني في حضنك وتقولي اطمني أنا جمبك بس أقولك حاجة الحمد لله ان القصة انتهت لحد كده  واظن انت يوم ماتجوزتني كنت عارف ان النهاية هي الفراق.
آدم بس دلوقتي حاجات كتير اختلفت ياميار كل حاجة اتغيرت
قاطعته ميار بهدوء مصطنع مفيش اتغيرت غير ابنك اللي في بطني ووعد مني اول مايخرج علي الدنيا هيكون لك كامل الحق في انك تشوفه واي حقوق تانية مش هعارض فيها.
آدم ياااااه  ايه البرود اللي بتتكلمي به ده جبتي القسۏة دي منين.
ميار من اللي شوفته معاك واللي شوفته في حياتي ميار خلاص راحت ومن هنا وجاي فيه ميار جديدة مفيش حد له تأثير عليها ولا علي حياتها.
آدم وانا بحبك في كل حالاتك وهستحملك لحد ماتتخطي الفترة دي  بس أعطيني الفرصة ياميار.
ميار مبقاش ينفع ياآدم أنا حياتي كلها اټدمرت ومش مستعدة حاليا لاي حاجه ولازم كنت تعرف انك انت اللي بدأت والاڼتقام نهاية دمار.
آدم أفهم من كده إن مفيش أمل
ميار أيوة خلاص كل شيء انتهي
آدم پقهر وخذلان علي العموم ياميار انا سندك ووقت ماهتحتاجيني هتلاقيني وزي ماقولتلك الشقة بتاعتك ولو احتجتي اي حاجة انا موجود.
ميار شكرا ياآدم أنا هعيش هنا مع بابا.
آدم خلي بالك من نفسك. ثم الټفت وتركها وخرج.
خرج أبوها من الغرفة عندما سمع صوت الباب يغلق ليه كده يابنتي الرجل شكله بيحبك وشاريكي
ميار بيأس مبقتش صالحة لاي حاجه يابابا مش عارفة ليه النهادرة شريط حياتي كله اتجسد أدام عيني ومبقتش فاكرة حاجة غير السواد اللي فيها
عاصم اليأس من الشيطان يابنتي  ادخلي اتوضي وصلي وربك مدبر الأمور.
أيتن يعني إيه ياماما آدم هيرجع من غير ميار
نوال شوفي ياأيتن أخوكي راجع أعصابه تعبانة مش هنفتح معاه تحقيق وسين وجيم.
أيتن لا ياماما فيه غموض في جواز ميار من آدم  واما سألت حضرتك قبل كده وانتي قولتيلي مشغلش بالي بس خلاص ميار بقت جزء مننا إزاي آدم ينفصل عنها بالسهولة دي
مهاب فعلا ياطنط فيه تناقض مابين حب آدم لميار وعلاقتهم اللي دايما في مهب الريح بمعني ليه حياتهم مش مستقرة واظن انا شفت ده من يوم جوازهم.
نوال بحزم أظن دي حياته وهو حر فيها طلعوا نفسكوا من حياته ومتتعبوش آدم بأسئلتكم.
أيتن طب وميار واللي في بطنها وازاي هنتواصل معاها
نوال اللي في بطنها ابننا واحنا مش هنسيبها وفي اقرب وقت هتتواصلي معاها ان شاءالله انا داخلة اوضتي عن إذنك يامهابالبيت بيتك
مهاب اتفضلي ياطنط انا قاعد شوية ونازل.
دخلت نوال غرفتها وضغطت علي رقم آدم
نوال أيوة ياآدم أظن إنك هديت وأقدر أتكلم معاك.
آدم ۏجع قلبي مش هيهدي ياأمي خلاص كل حاجة راحت.
نوال مفيش حاجة راحت ياآدم اسمعني كويس انت غلطت انا روحتلها في وقت زي ده أخوها غار وارتحنا من وجوده علي الدنيا بس هو في الأول والآخر أخوها وجودك في وقت زي ده هتفتكروا شماتة وكمان تفتكر انك محبتش ترجعها الا اما ماټ اخوها واكيد فهمت انه لو كان فضل عايش مكنتش رجعتلها واكيد الشيء ده ۏجعها.
آدم بس انا مكنتش اعرف غير وانا تحت البيت من جيرانها انا كنت رايح لها
نوال ياحبيبي بس هي متعرفش كده وحتي لو كنت قولت كده مكنتش صدقت شيء طبيعي لو انا مكانها كنت هفكر نفس تفكيرها عشان كده اعذرها
آدم وأنا مين يعذرني أنا حاسس اني انتهيت ووثيقة طلاقنا هتكون نهاية حياتي.
نوال اوعي تسمع كلامها وتطلقها انت تحجز وتيجي من غير ماتطلق ولا تقولها عشان متركبش دماغها وتصمم علي طلاقها وكام شهر كده وابقي انزل لها يمكن تكون حنت وراقت.
آدم اقتراحك كويس حتي يفضل جوايا الأمل إنها ملكي إن شاء الله يومين واكون عندك.
نوال توصل بالسلامة ياحبيبي
بعد عدة أسابيع تخرج ميار من الحمام وهي تتسند علي الحائط لتتمالك نفسها بعد نوبة القيء التي تتملكها كل يوم
عاصم ينهي صلاته ويهرول ليسندها ايه يابنتي انتي هتفضلي كده كتير هو الترجيع ده ملوش نهاية
ميار بإعياء اادكتور يابابا قال فترة وهتعدي
عاصم طب تعالي ارتاحي عايزة اتكلم معاكي
عاصم أنا يابنتي سويت معاشي وطلع لي مبلغ كويس علي قرشين كنت عاينهم للزمن وعندي قيراطين أرض بعت لولاد عمك يشوفولها مشتري.
ميار طب يابابا ربنا يزيدك بس حضرتك بتبيع الارض ليه
عاصم انا يابنتي نويت اطلع عمرة رمضان واقعد هناك للحج
ميار بفرحة بجد يابابا ربنا يتقبل منك. بس الفلوس اللي طلعت من المعاش علي اللي انت محوشه يكفوا ملوش لزوم بيع الأرض.
عاصم أهو ده اللي انا عايزك فيه اللي هيتبقي من الفلوس علي الأرض وده حقك.. انا دلوقتي مليش غيرك.
ميار ايه يابابا الكلام ده ربنا يعطيك