رواية رائعة للكاتبة هالة الحسيني الفصل الاول الى الخامس

اتخرجت و دورت على شغل لاقيت شركتك ادامي و قدمت و اتقبلت و كله كان تمام ..لحد ما ابوك بدء لعبته و كان عايز يتجوزني و سيد بكل بساطة كان هيرميني ليه من غير ما يعمل حساب لأمي او للذكريات اللى بينا .. لكن انت جيت و دفعت اكتر و كسبت في النهاية ... انا بكره سيد ده اوي ..اوي 
كانت تقول كل هذا و هي تبكي لا تعلم لماذا حكت له لكن شعرت بالراحة عندما تكلمت معه ..كان ثائر ينظر لها بحزن و ضيق فهي تحملت كثيرا و لم يجد نفسه إلا و هو يأخذها في حضنه فتشهق و تبكي بحړقة اكبر في حضنه و يظل هو يهدائها ..مر الوقت و هما هكذا حتى ارتاحت بدور التي لم تشعر بتلك الراحة من قبل و كان ثائر ايضا يشعر بالراحة و هي بين احضانه لا يعلم لماذا لكن شعور رائع .. فاقت بدور و ابتعدت عنه و نظرت له و هو ايضا ...و فجاة وجدت بدور ثائر يضع يده على يدها و يقول ...
ثائر انا جانبك و محدش ھيأذيكي تاني انا صديقك المخلص
ابتسمت بدور و قالت شكرا ... انا هطلع انام تصبح على الخير 
ابعد يديه و قال و انتي من اهله 
فتقوم بدور و تتجه الى الداخل و هي تشعر بأن قلبها سوف يخرج من مكانه .. بينما تابعها ثائر بنظراته حتى اختفت فيبتسم ..لا يعلم لماذا يشعر بسعادة و راحة ..لكن كم يكون هذا الشعور رائع ...
و ما الاتي ايها الفهد و ايتها القطة ..هل سينتصر القلب و تعشقا بعضكما ام سم الافعى ستلدغكما و ينتهي الحب للابد
...نتابع 
...قبل موعد الحفل بيوم..
كانت بدور تجلس في الشرفة و تنظر للنجوم ..و شاردة ..و بينما هي هكذا دخل ثائر الشرفة و استغرب حالتها ...فجلس امامها و لن تنتبه له ..لذلك قال ...
ثائر بدور 
انتبهت بدور له و نظرت له و قالت ايه ده انت دخلت امتى
ثائر بجد ماخديش بالك مني
بدور الصراحة لا اصل كنت سرحانة 
ثائر هو ليه دايما بتبصي للنجوم ..دايما بلايقكي بتبصي للنجوم
ابتسمت بدور و قالت الانسان العادي يشوف النجوم جسد صلب ملهوش معنى في حياته و برغم جماله من بعيد إلا أن لو انت قربت منه هتتحرق .. النجوم دي ليها ميزة عجيبة ..من بعيد او الظاهر ليك يبان انها جميلة .. جميلة جدا لكن كل ما تقرب منها اكتر يزيد دافع الهروب لان يظهر لك انها ممكن تأذيك بنارها ..و دي ميزة هتبقى في شخصين الاول الخبيث اللى يظهر لك الحاجة الكويسة و الخير و هو في الاصل عايز يأذيك ام التاني فهو يبان جميل اوي من بعيد لكن لما تقرب منه تلاقيه تعبان و عاكس اللى احنا شايفينه من بعيد ..فهمتني
ظل ثائر ينظر لها متأمل اياها و قد اعجبه كلامها بشدة فأبتسم و قال عندك حق كلامك صح... انتي غريبة اوي على فكرة
بدور بتساؤل ليه
ثائر بتنهيد يعني خليط من بنت الحارة و فيلسوفة ..خليط من قوية و ضعيفة انت خليط من حاجات كتير
بدور بص يا ثائر .. انا اللى شوفته علمني ..علمني مضعفش ادام اي حد ..الفلسفة مش شرط نتعلمها الفلسفة لغة الناس احنا احيانا بنتكلم بطرق فلسفية و منطقية و احنا مش واخدين بالنا فهمتني 
ثائر و هو يهز راسه اها فهمتك 
بدور بس انت بردو غريب ..بتبقى قاسې فجاة و حنين فجاة و كاره فجاة و صديق فجاة ..يعني مش محدد نفسك يا ثائر 
ثائر انا شخصيا مش عارف ايه اللى بيحصل ..تعرفي يا بدور اول شوفتك فيها قولت ايه ..قولت انك مچنونة و غريبة .. و لما عشرتك الايام دي حاسس انك انسانة صادقة مش عارف ليه برتاح لما اكلمك ..برتاح اوي ..بحس انك جواكي طفلة صغيرة بتحاولي تخفيها بس بتظهريها لنفسك ..خاېفة تظهريها لحد ..صح
بدور انا اول مرة احكي لحد حكايتي او ابكي حد .. او اشكي لحد ..طول عمري بعيدة عن الكل يعني زي ما تقول مش عايزة اقرب من حد ..
ثائر حستها ..صحيح هو ليه مينفعش تأكلي غير كمية معينة و الكلام ده ..
بدور لان الهضم بتاعي صعب ممكن مشاكل كتير في معدتي علشان متعودة اخد دواء معين بعد الاكل و اكل كمية معينة ..
ثائر اممم طب ليه مقولتليش 
بدور عادي انا بس ملقتوش موضوع مهم
ثائر لا طبعا مهم 
نظرت له قليلا و قالت مش بقولك غريب 
نظر لها هو ايضا و ظلا ينظران لبعضهما و كلا منهما في عيونه كلام كثير لا يعلمها و لا يفهمها إلا العيون ...فاقت بدور من هذا الحديث و نظرت لساعتها و وجدت الساعة اوشكت على الثانية فتنظر لثائر و تقول..
بدور احم الوقت
اتأخر ..لازم ننام علشان الحفلة و التجهيزات و الكلام ده 
ثائر ماشي اسبقيني و انا هاجي وراكي ..