رواية رائعة بقلم أسماء الاباصيري من الحادي عشر الي الخامس عشر

..... نكمل كلامنا بعدين ارتاحي دلوقتى .... عن اذنك
ثم خرجت وتركتها وحيدة مازالت تحاول ايجاد معنى كلامها الاخير
سهام ازيك يا روقة .... وحشانى والله
رقيات بلوم يااااااه سهام عاش من شافك يا استاذة ....... لسة فاكرة تسألي
سهام حقك والله بس اعمل ايه ما انتي عارفة الشغل و تعبه غير اللي فى البيت عندي ... ابويا قاعدلى على الواحدة و مش بيردى يخليني اروح لحد غير آيات
رقيات بحنان الله يكون فى عونك و يخليلك والدك ... ده بيعمل كده من خوفه عليكي
سهام بتنهيدة عارفة والله .... المهم قوليلي هي آيات عدت عليكي امبارح ولا النهاردة 
رقيات بدهشة لا ... بتسألي ليه 
سهام بقلق لا ده كده الموضوع مقلق بجد .... آيات مش باينة ... بقالها يومين مجتش الشغل ... جيت اشوفها النهاردة فى شقتها محدش فتح
رقيات بسم الله الرحمن الرحيم ...... استهدي بالله و ان شاء الله خير .... طب حاولتى تتصلي بيها 
همت سهام بالرد لكن قاطع حديثها دخول احدهم الى المتجر والذي لم يكن سوى آسر
آسر السلام عليكم .... صباح الخير
حدقت كلا من سهام و رقيات بآسر بدهشة من هيئته المزرية و المتعبة فلقد ظهر عيه افتقاده للنوم و تعبه و قلقه الواضحان .... همهة صدرت من كلتاهما ردا للتحية
آسر ازي حضرتك يا مدام رقيات ..... ثم اكمل بلهفة .... متعرفيش آيات فين شوفتيها اخر مرة امتى 
رقيات پخوف لا اله الا الله هو انت كمان بتدور عليها
آسر بتعجب انا كمان
تحركت رقيات بنظرها نحو سهام ليفعل هو المثل .... لحظات حتى تعرف هو عليها و تذكر رؤيتها سابقا برفقة آيات ليهتف بسرعة
آسر انتي .... انتي صاحبتها مش كده 
سهام بتوتر ايوة .... حضرتك استاذ آسر سبق و اتقابلنا فى شقة آيات
توجه نحوها و دون تفكير امسكها من مرفقها ليهتف بها
آسر ايوة ايوة انتي صاحبتها .... تعرفي فين آيات 
شهام پخوف لا يا افندم انا جيت اسأل عليها لانها بقالها يومين مجتش الشغل بس ملقيتهاش فى شقتها
رقيات بړعب هتكون راحت فين بس دي يا حبة عيني ملهاش حد
سهام انا خاېفة بس يكون لا قدر الله جرالها حاجة فى الشقة ومحدش حس بيها
رقيات پخوف بعد الشړ ... لا اذا كان كده يبقى لازم نشوف لنا حد يفتح الشقة ....... ارجوك يا ابني اتصرف
قاطع حديثهم هذا رنين هاتف سهام لتتأفف و تجيب
سهام ايوة يا مستر مازن ..... اسفة على التأخير بس كنت بشوف آيات فين و بطمن عليها ...... لا ملقيتهاش ..... بس يا افندم ...... لا اقصد ........ طيب طيب مسافة السكة يا افندم مع السلامة
رقيات بلهفة ها يا بنتي فى جديد 
سهام پغضب لا يا روقة ده مديري قالب الدنيا عشان اتأخرت شوية ... بقاله يومين على اعصابه عشان مستر طائف مش باين هو كمان
التقطتت اذناه اخر ما تفوهت به سهام ليهتف فجأة
آسر طائف مش موجود هو كمان 
زوت ما بين حاجبيها متسائلة عن سبب سؤال آسر ذاك و كأنه على معرفة سابقة بطائف
اومأت بهدوء لتشتعل بعيناه النيران قبل ان يستأذن سريعا مغادرا المتجر
سهام هو ماله ده كمان 
رقيات معرفش يا بنتي ... انا قلقانة على آيات ليكون حصلها حاجة بعد الشړ ..... استر يااارب
بشركة العمري للاستيراد و التصدير
جلبة و ضوضاء استحوذت على انتباه مازن بمكتبه و الذي وصله اصوات مزعجة جعلته يتأفف متجها للخارج ليرى ما يحدث فيجد افراد الامن يحاولون منع احدهم من اقټحام مكتب طائف والذي لم يكن سوى آسر
مازن بصوت عال وتهكم آسر الرفاعي بنفسه مشرفنا ..... خير ان شاء الله ايه سبب تشريفك لينا بالزيارة دي
اشار للأمن بالسماح له بالتقدم للداخل فأنسحبو جميعا تاركين كلا من آسر و مازن يقفان كلا منهم ندا للآخر
آسر بإندفاع و صړاخ فين طائف يا مازن .... وديتو آيات فين 
مازن بدهشة أفندم .... طب طائف و فهمناها ..... مالك ومال آيات بقى
آسر تخصني ..... آيات تخصني يا مازن ... كله الا هي
مازن مش فاهم
آسر مش لازم تفهم .... قولي وديتو آيات فين و الموضوع هيخلص
مازن يعني ايه مش شغلي ايه عايزها عشان تخلص عليها بجد المرة دي ... اطمن طائف هيقوم بالمهمة دي نيابة عنك
وبلمح البصر كان آسر يمسك بتلابيب مازن يهتف بشراسة
آسر هقتله وراها ..... هقتله لو لمس شعرة واحدة منها انت فاهم ..... المرة دي مش هسامح فيها ...... رقبته هتكون قصاد مۏتها ... وصله كلامي ده و فهمه اني مش بهزر .... ساااااااااامع
ثم القى بمازن ارضا و خرج فى حين كان مازن بعالم آخر يحاول استيعاب تصرف آسر و عصبيته المفرطة اتجاه اذية آيات ... فما علاقته بها و لما