رواية رائعة بقلم الكاتبة منى الغوالي
اشترينا لبس كتير جدا للبيت وللخروج يعني كفاية كده ونروح بقى.
سليم مستسلما لرغبتها مشفقا على إجهادها الواضح خلاص هنروح بس احنا ماجيبناش ولا شوز تعالي نقعد في المطعم اللي هناك ده ترتاحي ونأكل لقمة ونجيبهم ونروح.
سلمى تلجلج صوتها واهتزت نبرته لا مش هينفع ملوش لازمة المطعم نجيبهم علطول ونروح.
تفحصها سليم بصمت وهو يلعن حماسته التي أنسته ظروفه وهو يجزم بداخله أن سبب توترها هو حرجها من أن تدخل المطعم برفقته على كرسيه المتحرك.
سليم حانقا وقد تبدلت ملامحه فجأة براحتك يلا نروح.
سلمى معتذرة وهي تؤنب نفسها فقد فهمت ما وصل اليه وهي لم تقصده ابدا أنت أتضايقت أنت جعان للدرجة دي أنا أسفة يالا ندخل.
سلمى مترجية عشان خاطري يا سليم ما تحسسنيش بالذنب والله ڠصب عني مش قصدي.
سليم بتهكم متيقنا من حدسه هو أيه بالظبط اللي ڠصب عنك وما تقصدهوش.
سلمى خجلة ومترددة خۏفي يا سليم خۏفي وأكيد مقصدش أنكد عليك في عز أنت ما بتفرحني حقك عليا تعالى ندخل بقى.
نظر لها بذهول وهو لا يعي ما تقصده ولكنه تحرك تلقائيا باتجاه المطعم ېقتله الفضول لمعرفة ما تعنيه تبعته بصمت حتى دخلا المطعم فاشارت هي بارتباك لمكان قصي فوافقها حامدا لله بسره فحتى لو كان خجلها منه هو سبب اختيارها لتك المائدة فهو راض فأخر ما يتمناه الأن أن يجلس معها محاطا بعديد من الأشخاص جلسا بصمت ولاحظ ازدياد توترها بقدوم النادل فتكفل هو بطلب الطعام لكليهما وظل يتفحصها صامتا حتى حضر الطعام وبدأا بتناوله فسألها ببساطة دون النظر اليها كنتي خاېفة من أيه بقى يا سلمى
سليم متعجبا ليه يعني
سلمى ترددت الكلمات بحلقها ولكنها قررت الافصاح عما بداخلها خاصتا مع تزاحم الذكريات السيئة أنا معرفش دكتور سيف قالك أيه بالظبط عن حياتي بس أنا أتعذبت كتير أكتر مما تتخيل أنا وعيت لاقيت نفسي في بيت عمتي تحت رحمة سعد جوزها اللي كان بيحاسبني على النفس يوميا كنت بأسمع كلام زي السم عن أني عالة وهم وأنه ذنبه أيه يربي بنت غيره اخدت
نفسا عميقا وزفرته على مهل واكملت ولما دخلت أعدادي عرفت من خناقهم أن مش دي الحقيقة وأن هو اللي سرق فلوسي وأن هو اللي عايش في خيري مش العكس ولأول مرة في حياتي أرد على أهاناته وأقوله عن الحقيقة اللي عرفتها كسر لي دراعي.
سلمى بمرارة سبع غرز في دماغها عشان حاولت تلحقني ومن يومها اتعلمت الدرس أي كلمة معناها الضړب ليا وليها أو السچن ليها والشارع ليا ومن ساعتها بطلت أقول غير حاضر أو حتى أهز رأسي من غير ما أنطق خالص.
سليم متأثرا معقول في حد بالشړ ده.
سلمى مټألمة للذكرى وكل ما كنت باكبر شره كان بيكبر كان حابسنا ومبهدلنا وبيفرج الناس علينا كل ليلة وهو راجع يطوح بقيت انطوائية جدا وخصوصا وهو مانعني من الخروج نهائي حتى المدرسة كنت تقريبا باروح على الامتحانات عشان البنات ميشفوش علامات الضړب على وشي وأول ما أخدت الثانوية قرر أنه يجوزني صالح الله يرحمه صحيح هو كان أنسان محترم وطيب بس برضه حبسني في البيت خاېف حد يشوفنا سوا ومراته تعرف أنه أتجوز ولما حملت في سليم بقى ما ينفعش أخرج أساسا وبعد طلاقي كنت بخاف أقابل سعد ويعرف أني أطلقت وياخدني تاني عنده شعرت بالمرارة تجتاحها والعبرة ټخنقها فخنقتها بمحجريها ويوم ما خرجت كان على مستشفى المجانين فطبيعي أني أخاف من الخروج والناس لأن عمري ما أتعودت على ده.
سلمى بأسى المشكلة دي أتطورت أكتر من كده كمان بس ربنا يكرمه دكتور سيف وقف جنبي وشجعني لحد ما تماسكت شوية.
سليم مهتما أزاي يعني
سلمى مټألمة لما صالح الله يرحمه ماټ وسعد اټجنن لما عرف أني كنت مطلقة كل الفترة دي ومخبية لاقيت نفسي لأول مرة بتشجع وبرد عليه لأ وطردته من البيت كمان خۏفي على سليم أنه يبقى تحت رحمة سعد قوى قلبي وقتها أني أقف له رغم أني كنت بتنفض من جوايا ممكن اتشجعت أكتر لأني بقى لي بيت وفلوس أو أني خلاص حاجة بسيطة وابقى راشدة بس كنت فرحانة قوي أني قدرت أدافع عن حق سليم وأني كده أستحق ابقى أمه.
سلمى وهي تمسح دمعة قهر فلتت منها ده اللي كنت فاكراه وقتها لكن بعد وقت قليل ندمت على اليوم اللي فتحت فيه بوقي وفكرت أعترض سعد خد سليم من جنبي وتمردت تلك العبرات رغما عنها وهطلت متحديتا اياها فما مرت به كان افوى منها وقال أنه بقى يقدر يمنعني من حضانته ورؤيته للابد أنا جاني حالة هياج وحاولت اقتله وكمان اتهجمت على كل اللي حاول يهديني من الجيران وهو طبعا انتهزها فرصة ورماني في مستشفى المجانين بعد ما فوقت هو طبعا منع عمتي تستلمني وأنا بقيت سلبية وجبانة أكتر من الأول بكتير وبقيت باخاڤ أدافع عن نفسي وبقيت مستسلمة لأي ظلم.
سلمي وهي تمسح تلكم المتمردات لكن شقهات تعاندها ولا تفارقها دكتور سيف قالي أني حصلي حاجة أسمها رد فعل عكسي أصل سعد قالي وقتها أنه خد سليم وحرمني منه عشان أتجرأت وعارضته فعقلي الباطن صور لي أن تمردي هو اللي ضيع سليم وأن الأستسلام زي زمان هو اللي ممكن يرجعه وفعلا بقيت سلبية بشكل رهيب حتى الرفض الداخلي للي بيحصلي اختفى وقتها دكتور سيف لاحظ حالتي وأن في ناس من المرضى والممرضات بيتنمروا عليا وقتها هو كان عرف قصتي كلها من عمتي في الكام مرة اللي جات فيهم من ورا جوزها وعمل لي جلسات تعديل سلوك وصللي فيها أن اللي حصللي ظلم وأن الظلم بيزول بمواجهته مش بالاستسلام ليه وفعلا علمني ادافع عن نفسي وكمان قربني من كام ممرضة محترمة وخلاهم يصاحبوني ويخلوني أساعدهم وده طبعا أداني ثقة بالنفس بس لأني فضلت برضه في المستشفى من غير اختلاط بحد فضلت جوايا رهبة من الأماكن العامة والغرب عشان كده حتى الخضار بجيبه من الماركت ومبفكرش أبدا أدخل سوق وحتى هناك بأكون متوترة جدا وأنا قدام الكاشير.
سليم مندهشا بجد أن مش مصدق! اللي يشوف تصرفاتك لا يمكن يتصور اللي بتقوليه ده خصوصا النهارده وأنت بتردي على اللي أسمه ناصر ده وكمان ساندتيني بقوة ودعمتيني جدا وأنت بتضغطي على كتفي.
سلمى
ضاحكة بعفوية من بين متمرداتها ومصاحبة بقايا شقهاتها ساندتك كويس أنك فسرتها كده أصلك متعرفش اللي فيها.
سليم اقسم على ان جنيته اوصلته لاقسى درجات الحيرة وهو أيه اللي فيها يا سلمى
سلمى هدئت صحكتها وباقي انفعالاتها أنا كنت بستخبى وراك وبتحامى بيك يا سليم زمان لم كنت بطق من اللي سعد بيعمله ومقدرش أرد عليه كنت بسكت وأدخل أوضتي واقف ورا الباب أو الحيطة وأبرطم بكل اللي نفسي أقوله ولما الكائن اللي أسمه ناصر ده أستفزني بكلامه لاقيت نفسي بقف وراك وأرد باللي بنفسي.
سليم ضاحكا ده على اعتبار أني الحيطة يا سلمى.
سلمى مندفعة لا والله أنا مقصدش أشتمك ده أنا قصد..
سليم مقاطعا وهو يبتسم بحزن متأثرا لخۏفها منه لو دي شتيمة يبقى دي أحلى شتيمة اتشتمتها في حياتي وكنت فعلا أتمنى أبقى حيطة تتسندي عليها اخفض بصره إلى طبقه متلاعبا بشوكته متهربا من نظراتها بس للأسف يا سلمى أنا حيطة مايلة لاعمرك تقدري تتسندي عليا ولا أقدر أضلل عليكي.
سلمى مستنكرتا كلامه وباثتا الثقة في نفسه متقولش كده يا سليم واكدت على حروف كلماتها لتأكيد معناها وعلى فكرة أنت فعلا اللي حامتني وسندتني ولا أنت فاكر أن اللي أسمها دعاء لطفت الجو وعدتها علشان أنا برد هي لمت الموضوع عشان خاېفة على الفلوس اللى هتاخدها منك تطير يعني سكتتلي برضه بسببك أنت يا سليم.
ابتسم سليم وهو يكاد يطير فرحا لكلماتها بأنه أستطاع حمايتها حتى لو بماله فعلى الأقل هو يملك شئ يعينه على حياته وحماية زوجته فبعض من هم بمثل ظروفه الصحية لا يملكون المال للانفاق على أسرهم أو حمايتهم بل أن بعض الأصحاء أيضا يستأجرون من يأمن لهم أسرهم وممتلكاتهم فلما حرم على نفسه نعمة الأهل وأوهم نفسه بأنه غير جدير بها ولما أستسلم لليأس وجحد نعم الله عليه.
سليم بابتسامة مضطربة طيب ليه وافقتي أننا نتجوز ومخفتيش مني وأنا غريب لا وكنتي عاملة فيها أسد ومصممة تنامي معايا في نفس الأوضة.. يتبع
سليم بابتسامة مضطربة طيب ليه وافقتي أننا نتجوز ومخفتيش مني وأنا غريب لا وكنتي عاملة فيها أسد ومصممة تنامي معايا في نفس الأوضة.
تضخب وجه سلمى خجلا أنت لسه شايلها لي في قلبك قلت لك لما وافقت كنت فاكرة الموضوع عادي وكنت مصممة عشان المفروض أكون قريبة دايما عشان لو أحتاجت أي حاجة في أي وقت لمعت نظرة تشع حماسا منها للحظة وبعدين أنا فكرة أني ممكن أخرج وأقابل سليم كانت أكبر من أي مخاۏف عندي لتضطرب تلك اللمعة بعينيها باللحظة التي تليها وتتردد الكلمات على لسانها ده طبعا غير أني باثق برأي دكتور سيف وكنت باطمن نفسي بأنك حتى لو طلعت..زي سعد..فأنا هابعد عن أيدك..على قد ما أقدر.
سليم بحدقتين متسعتين تكادان تخرجان من محجريهما وافقتي عليا عشان مشلۏل يا سلمى وأني لو طلعت مؤذي هتعرفي تجري من غير ما أقدر أمسكك
سلمى بتلعثم وقد بدأت يديها بالارتجاف والله أنا مكنتش أعرف أنك محترم وطيب قوي كده ظهرت الدموع بعينيها وتغرر صوتها ببحته ومقصدش طبعا أتكلم عن أصابتك بس أنا كنت خاېفة..
أنب سليم نفسه كثيرا فهو قد ضغط عليها كثيرا وهي باحت بأكثر من استطاعتها وهاهو يأنبها على صراحتها معه وصدقها بتفكيرها فأمسك بيديها مهدئا هششش هششش أهدي يا سلمى أنا مش زعلان منك أنت عندك حق أنت مريتي بظروف صعبة وطبيعي أنك متثقيش في أي حد بسهولة وأنت مكنتيش تعرفيني خالص بس.. واكمل مشجعا ومتمنيا أنت دلوقتي بتثقي في صح
هزت رأسها ايجابا بقوة وشعر هو بتوقف ارتجاف كفيها بين يديه فابتسم لها بحنان وهو لا يصدق ما علمه فعجزه الذي ظن أنه سيكون العائق أمام أرتباطه بأي فتاة مناسبة كان هو الدافع الوحيد لتلك الفاتنة لتوافق على الأرتباط به تألم قلبه لما عانته تلك الجنية الرقيقة وتسائل بداخله هل كانت حالتها هي دافع سيف لاختيارها هي تحديدا له كان قد أخبره من قبل أن كلا منهم سيكون سندا للاخر فهل كان هذا ما يقصده أن يقوي هو هشاشتها النفسية بينما تساعده هي حركيا فيكمل كلا منهما الأخر وهل ستقبل هي بهذا التكامل ام أن دوره لديها محدد الصلاحية بوصولها لولدها واسترجاعه توتر عند وصول أفكاره لتلك النقطة فقرر عدم الأستسلام لتوتره وأفكاره السلبية ومشاعر الأنانية بداخله هي لا تستحق منه ذلك فيكفيها ما عانته طوال حياتها لذا فقد عاهد نفسه على مساندتها حتى لو كان ثمن ذلك بعدها عنه وقرر الأخذ بنصيحة سيف والكف عن تعذيب نفسه بالتفكير بمستقبل هو بيد أرحم الراحمين لن يدع قلقه من الأيام القادمة يفسد عليه أيامه المميزة معها الأن سيتمتع بصحبتها وما بيده اليوم حتى لو علم أنه قد لا يكون بيده غدا.
انتهت جولتهم لشراء الأحذية في جو يسوده المرح وسط دعابات سليم الذي تخلى لأول مرة منذ اصابته عن رداء الجمود.
سلمى بضحكة رقيقة مش قادرة يا سليم حرام عليك مكنش باين عليك أنك كده أنت جننت الراجل.
سليم ضاحكا ملئ فيه هما علطول الستات كده مش بيعجبهم حاجة نضحككم تقولوا مش طبيعين نكشر تقولوا نكديين بس بصراحة أنا كنت قاصد أجننه فعلا حسيته رخم وموترك وبيضغط عليكي عشان تشتري حاجات مش مقتنعة بيها لما لاقكي بتتحرجي فقلت أظبطه.
سلمى وقد هدئت ضحكتها لتصبح ابتسامة مشرقة فعلا هو كان موترني الأول بس صعب عليا بعدين ده أنت وديته المخزن ولا مية مرة.
سليم بابتسامة موازية لابتسامتها عشان يعرف يوترك كويس متهيألي احنا كده جيبنا كل اللي محتاجينه
سلمى بابتسامة اللي محتاجينه ده أنت جيبت جزم وهدوم لعيلة بحالها لي لوحدي .
سليم بسعادة غامرة لسعادتها وقضاء احتياجاتهم وخروجهم فهذه المرة الاولى التي يخرج بها منذ اصابته ويحتك بالعالم الخارجي فكم كان قلقا من هذه الخطوة التي جعلتها جنيته كرحلة يستكشف بها الدنيا الجديدة بشكلها الجديد من منظوره مبروك عليكي أكلم سيف يجي يأخدنا بقى.
نطقت سلمى بسرعة لا اوقفت كرسيه ودارت حوله حتى اصبحت بمواجهته ونظرت اليه بتردد خاڤت أنا بصراحة عايزة أخد رأيك بحاجة.
سليم باهتمام قولي يا سلمى.
سلمى بخفوت أنا حابة أننا نعتمد على نفسنا على قد ما نقدر ومنطلبش أي مساعدة من حد الا لو فعلا حاجة مش هينفع نعملها بنفسنا طبعا أنا عارفة قد أيه دكتور سيف حد محترم بس مثلا أنا شوفت على النت أعلان أن شركة كريم اللي بتوصل الناس بعربيات ملاكي دي عاملة خدمة جديدة بعربيات شيك قوي للكراسي المتحركة محركة يدها تصف ما تقوله العربية ضخمة وفيها رافعة بتدخل الكرسي باللي فوقيه جوه خلفية العربية وقدام كراسي عادية عشان اللي بيركبوا معه والكرسي بيتثبت باحزمة امان جوه العربية فليه نطلب من دكتور سيف يسيب اللي وراه ويجي يوصلنااحنا ننزل الأبليكيشن ونطلب عربية ونتحرك بحريتنا من غير ما نعطل حد ولا نتحرج.
سرح سليم بها للحظات يحاول ان يستوعب كم المفاجأت التي ستفاجأه بها ويقسم بأنها لو اخذت فرصتها بالحياة لكانت نالت منها اعلى الدرجات المرموقة فنظر لعينيها مسبلا اهدابه بمشاكسة النت عامل معاكي شغل جامد أنتي بس هي فعلا فكرة ممتازة وكده الواحد ميحسش أنه متقل على سيف ومأثر على شغله وخصوصا أننا هنتحرك كتير الفترة اللي جاية واحنا بننقل للشقة الجديدة خلاص أطلبيهم وخلينا نروح ظهرت غصة بحلقه ونظرة الم بعينيه عندما تذكر شقته وعودته اليها بس مين هيساعدني وينادي الشباب عشان يطلعوني.
_ نظرت اليه سلمى مترددة لا تعلم مدى تقبله للفكرة فحاولت ان تمهد للامر ماهو أنا كمان كنت عايزة أكلمك في الموضوع ده أنت لسه بتقول اننا هنتحرك كتير الفترة اللي جاية واحنا بننقل للشقة الجديدة فاكيد مش هينفع أن كل يوم نفضل طلعين نازلين بالطريقة دي.
سليم بادلها نظرتها بتحد رافض أنت عايزة تسيبيني في البيت وتجهزي الشقة لوحدك
ذعرت سلمى لفكرته فاقتربت وامسكت بذراعه لا طبعا مش هاقدر يا سليم لا هاقدر اتعامل مع عمال ولا هاقدر أروح لوحدي عند الست دي وابنها المنحط.
سليم مشفقا عليها واضعا يده فوق يدها التي تمسك ذراعه طيب أهدي أنا مش باقولك تعملي كده أنا فهمت من كلامك على طلوع السلم أنك أنت بتقترحي ده وحتى لو كان كده مكنتش هاوافق لأن مش أنا الراجل اللي يوقف مراته وسط العمال وبعدين مش عايزك تقلقي من حد ولو اللي أسمه ناصر ده فكر يتعرضلك أنا أقدر أوقفه عند حده كويس بس برضه أنا مش عارف هنعمل أيه في طلوع ونزول السلم كل يوم.
سلمى وقد هدأت بعض الشئ افلتت ذراعه و امسكت بيده لتصبح كلتا يديهما متشابكتين هو أنا عندي فكرة موتراني أنا شخصيا بس تقريبا مفيش حل غيرها ومش عارفة أنت هتوافق ولا أيه.
سليم مترقبا أيه الفكرة دي
سلمى بتردد احنا ننزل في أي فندق
