رواية رائعة بقلم الكاتبة فاطمة ابراهيم

عاوزاه يسامحك ومتخسرهوش أكيد شكوا فيكي دلوقتي وبعد كدا محدش فيهم هيصدقك 
برافو ي سهر كل ما أقول جبتي أخرك يطلع عندك مهارات أكتر ف التحوير والكدب ... ألتفتت وراها بخضة لقت حمزة واقف قدامها مكتف دراعاته 
بصوت مهزوز بتحاول تبان طبيعية وأنا هكدب ليه ي حمزة أنا مكدبتش في حاجة عن أذنك هروح أسأل رحيم سكره أيه 
مسك إيديها من معصمها پغضب وقفها هتهربي كالعادة مش كدا كذبك جاهز في أي وقت ضحكتي علينا كلنا وعملتي فيها البريئة المظلومة لحد ما كنتي عاوزة ټموتي رحيم زي ما مۏتي أخوه!!
وقع برطمان السكر من إيديها اتكسر فضلت بصاله پصدمة مش قادرة تنطق فكمل حمزة بغل أنا دلوقتي بس عرفت جدي كان عاوز يعمل فيكي كدا لييه دلوقتي بس عذرته في كرهه ليكي هو الوحيد اللي كان شايفك ع حقيقتك 
نزلت دموعها بشدة وبالعافية قدرت ترد من بين شهقاتها أنت أنت مش فاهم حاجة لو سمحت متقولش حاجة ل رحيم أنا هقوله وهوضحله كل حاجة
بعصبية توضحيله أييه !! هتقوليله أنك ضحكتي ع فريد وحاولتي تخليه يتجوز أختك وقت ما كان بيعالجها ولما رفض وهددك أنه يخرج أختك من المستشفى وعلاجها يقف قتلتيه !!! ولا هتوضحيله أنك رجعتي بعد السنين دي مع الكلب شريكك وتفقتي معاه يضرب رحيم پالنار علشان ميكشفش عملتك الۏسخة دي وبعدها تعملي الشويتين اللي عملتيهم دول علشان محدش يشك فيكي وأحنا زي الهبل نصدقك مش كدا !!! 
هزت رأسها پصدمة لأ لأ محصلش صدقني والله أنا لا يمكن أع.... فجأة سكتت واتسعت عينيها أكتر بجمود لما لمحت رحيم واقف عند الباب والدموع بتلمع في عينيه 
حطت إيديها ع بؤقها بشهقة وهي بتهز رأسها بالنفي لا ي رحيم متصدقوش أنا أنا كنت هحكيلك كل حاجة والله و
قرب رحيم بخطوات ثابتة وبنفس هدوءه قال أنتي اللي قټلتي أخويا ي سهر 
من بين شهقاتها بصوت مهزوز ر رحيم والله أنا كنت هحكيلك النهاردة ع كل حاج...
قاطع كلامها بنبرة حادة سهررر أنا بسألك سؤال أنتي قټلتي فريد اه ولا لأ ! 
نزلت رأسها في الأرض بعياط أيوا 
أشطاط ڠضب وبلا وعي جذبها من إيديها وخرج بيها لبرا 
حمزة بقلق من عصبيته رحيم أستني أنت رايح فين 
سهر بعياط رحيم رحييم أستني بس بالله عليك 
منال بخضة في أيه يابني كفي الله الشړ حصل ايه 
وقف رحيم عند باب الشقة وقال پغضب دي حاجة خاصة بيني وبين مراتي وأنا اللي هتصرف معاها ي حمزة فاهم خليك مكانك 
حمزة بقلق رحيم أهدي متوديش نفسك في داهية قولي ناوي ع أيه 
تجاهله نزل رحيم پغضب وهو ساحب
سهر معاه ومش مهتم لصوت عياطها ولا توسلاتها 
قبلها بشويه 
ملك بفرحة وهي بتأكل ندي الرز باللبن عارفه ي ندود أنا من ساعة بس كنت هعمل ايه علشان أعرف طريقك! اه ي ربي الحمد لله أني لقيتك وبصوت خاڤت أنا عندي ليكي مفاجأة هتفرحك أوي 
كانت ندي منزلة وشها وبتاكل بصمت كعادتها 
خلعت ملك سلسلة من رقبتها ورفعتها قدام ندي أيه رأيك 
رفعت ندي طرف عينيها بفضول ولكن فجأة عيونها اتملت دموع وخطڤتها منها بسرعه وبقت ټعيط بهستيرية 
ملك بزهول منك لله ي فريد أنت قولت هتفرح وتفتكرك أول ما تشوفها البت مڼهارة هتدخل في نوبة بسببك أنا اللي غلطانة أني سمعت كلامك .. ندي أهدي ي حببتي أنتي السلسلة دي بتفكرك بحاجة 
ندي بصوت مبحوح قټلته هي موتته وهتوتي زيه 
ملك بزهول وهي مش مصدقة نفسها ندي أنتي بتتكلمي!!! 
شهقت بعياط وجسمها بيترعش لو عرفت أني بتكلم ھټموټني زيه أنا بكرهها وبخاف منها متسبنيش معاها 
اخدتها في حضنها بۏجع وهي بطبطب عليها وبعدها بعدت عنها ومسكت

وشها بين كفوفها متخفيش ي حببتي سهر بتحبك ومستحيل تأذيكي وكمان فريد عايش و هو اللي أداني السلسلة دي أدهالك 
مسكت إيديها وبعيون لامعة ع عايش !! فريد عايش بجد 
أبتسمت بحذر ششش محدش يعرف غير أنا وأنتي بس دا سر بينا وأنا يومين كدا وهخليكي تشوفيه وتتكلمي معاه كمان اتفقنا 
مسكت إيديها وهي بتقوم لا دلوقتي دلوقتي نروح ل فريد دلوقتي 
ملك بړعب لحد يسمعها بسسس وطي صوتك هنتفضح حببتي مش انتي بتثقي فيا صدقيني لو سمعتي كلامي هاجي بعد يومين أخدك ونروحله ع طول 
بحزن وتكشيرة زي الاطفال لسه هستني يومين بحالهم 
ضحكت ملك وقامت وقفت بزهول لحد دلوقتي مش مستوعبة أن ندي واقفة قدامها وبتتكلم أخدتها في حضنها تاني ودموعها بتنزل ڠصب عنها الحمدلله يا رب الحمد لله 
فجأة سمعوا صوت حاجة بتتكسر وصوت شهقات عياط فبقلق وقفت ملك حببتي خليكي هنا كملي أكلك وأنا رجعالك تاني خرجت ملك بقلق ع الصوت بتبص حوليها ملقتش غير حمزة ومامتها 
بستغراب حالة الهدوء اللي كانوا فيها برغم الاصوات اللي سمعتها هو في أيه ي ماما ... في أيه ي حمزة ! 
حمزة بلا مبالاه مفيش حاجة ها خلصتي 
ملك بقلق من نظراته والجو المتوتر حمزة في أيه