رواية كاملة بقلم سلوى عليبة

لم تفعل هذا
بعد مرور أقل من ساعة دق جرس الباب وقامت حنين بفتحه فوجدت ياسين وياسمين وطفلتهم الرضيعة لمار. كانت وجوههم سوداء من عتمة حزنهم . نظرت إليهم وبدون أى كلام فتحت لهم الطريق وأشارت بيدها ليدخلوا.
اتجه الجميع للصالون حتى لا يستمتع الأطفال إليهمو وجد ياسين والدته بالداخل وآثار للدموع بعيناها فرق قلبه لها وذهبت إليها  إليها بضعف ولم أقل شيئا غير إلقاء السلام وجلست بمقعد منفصل عنهم . 
دخلت حنين وقبل أن تتحدث رن جرس الباب مرة أخرى فذهبت لكى تفتح لتجد والدها ووالدتها أمامها. 
سألها والدها بعدم فهم فيه إيه ياحنين إبه اللى حصل عشان تجيبينا بالطريقة دى .

زفرت بقوة وقالت اتفضلوا جوه وانتوا هتفهموا .
دخلوا الى نفس الحجرة ليجدوا أهل علي رحمة الله عليه هناك. 
وقفت حنين فى الوسط وقالت دون مقدمات فيه حاجة حابه أعرفهلكم كلكم وعشان كده جمعتكم عشان معيدش كلامى مرتين. 
نظرت لياسين وقالت بإمتنان ياسين غالي علي قووى وهو عارف كده كويس ومن غلاوته عندى وعند علي الله يرحمه سمينا إبننا على إسمه ولو لفيت الدنيا مش هلاقي حد يراعي ولادي بعد أبوهم الله يرحمه زيه.
شهقت ياسمين لإعتقادها أن تلك مقدمة لقرار حنين بالقبول بالزواج أما ياسين فكان وكأن على رأسه الطير وينظر لحنين مرة ولياسمين مرات .
نظرت حنين لوجه والدتها ووالدها فوجدت الفرحة مرسومة عليهم .
أخذت نفس طويييل وقالت بصدق وهى تمسك يد ياسمين الباردة كقطع الثلج فى يناير وتنظر بعيناها بس مش أنا اللى أهد بيت مبني على الحب بيت لقيت فيه أخت وأخ منين ما أحتاجهم الاقيهم قصادي . .وقفت وأخذت حنين بين  وهما الاتنثان يبكيان 

الفصل الثالث ...
كنت أنت درعا حاميا ضد تيارات الأهل والأقارب فأين أجدك من جديد ....
تجلس على مقعدها الهزاز بشرفتها المليئة بالنباتات وكأنها حديقة غناء.تتذكر نظرات أبيها القاټلة لها وكلامه الذى مثل السمۏم وهو يصفها أنها لا تعيره أدنى إحترام كونها رفضت دون الرجوع إليه . وكيف وقفت أمامه وهو تشرح وجهة نظرها والتى بالتأكيد لم ترق له من الأساس . 

زفرت بشدة وهى لاتعلم كيف يظن الجميع أنها ستضحى بحياة غيرها من أجل نفسها هى . 
رن هاتفها فوجدتها أختها حفصة . حدثتها الوقت طويل وهى تطمئن عن احوالها وأحوال اولادها وبالطبع تطرق الحديث لرفض الأب لما فعلته والقليل من اللوم ولكن على إستحياء لحنين حتى سألتها حنين مباشرة: حفصة لو جوزك جه فى يوم وقالك انه هيتجوز هيكون ايه شعورك ؟
صمتت حفصة ولم تجب ،فأكملت حنين وقالت : صعبه صح ،يبقى ياريت تحطوا نفسكوا فى نفس الموقف عشان تقدروا تحكموا صح . 
أنهت المكالمة وهى تفكر فى كيفية المعيشة بعد علي رحمة الله عليه ،وكيف ستربي أبناءها بنفس المستوى ولا تظلمهم .فالنقود التى ستأخذها كمعاش كل شهر قليلة بالنسبة لمصروفاتهم الشهرية والتزماتهم الكثيرة. والمكافأة التى أخذتها من الشركة التى كان يعمل بها بالخارج كتعويض لأنه توفى بحاډث أثناء عمله قد وضعتها كوديعة لكى تكون درع أمان لأبنائها مستقبلا. 
زفرت بهدوء وهى تفكر بشئ  ما ولكن لاتعلم هل سيوافق عليه الجميع أم لا. ورغم ذلك فهى قررت أن تستخير الله أولا وبعدها ستقرر ماذا تفعل. 
مضت الأيام وكل يوم يمر تشعر بإفتقادها الشديد لعلي حتى لو عن طريق مكالمة هاتفية. فوجوده كان يمنع عنها الكثير والكثير.فهى تشعر بتغيير نظرة البعض لها ،حتى جيرانها هناك من بدأ يتلاشى التعامل معها وبالطبع خوفا على أزواجهم وكأنها ستقوم بخطفهم . بدأت فى التأقلم على الوضع قليلًا خاصة أنها تصب جام إهتمامها على أطفالها وفقط . ولكن رغم ذلك هناك من أشباه الرجال من يعتقد أنها بكونها أرملة فستوافق على أى شئ وأى حديث وكأنها أصبحت مستباحة . تقف أمامهم نعم وتصدهم بكلامها الشديد ورغم هذا يظل داخلها مکسورة من تلك النظارات الغريبة .
إتصلت على ياسين وأبلغته أنها ستأتي لزيارتهم بنهاية الأسبوع وستمضي معهم يومان لكى تطمئن على والدة زوجها . 
ذهبت فى الوقت المحدد وبعد الترحيب بها وبأطفالها الغاليين . جلسوا جميعا معا بحجرة والدة علي خاصة أنها تمر بوعكة صحية . 
بدأت حنين بالحديث بهدوء وقالت: أنا عايزه أخد رأيكم فى حاجة. 
سألها ياسين بإهتمام: حاجة إيه دى ياحنين .
نظرت إليه ثم لوالدته وقالت: فيه محل عندنا فى العمارة معروض للبيع ،هو بمبلغ كبير شوية بس كنت بفكر أشتريه .
تحدثت هويدا والدة زوجها بخفوت وقالت: طب ايه يابنتى ما فلوسك متشاله فى البنك أضمنلك حتى. 
تدخلت ياسمين وقالت : بس تصدقى كده أحسن ياماما ،الفلوس فى البنك قيمتها بتقل لكن العقارات كل يوم بتزيد وخاصة ان العمارة لسه جديدة وفى حته حلوة .وبكده حنين ممكن تأجره وتستفاد بفلوس الإيجار . 
أكد ياسين على كلامها وقال : فعلا تفكير صح جدااا .
أجلت حنين صوتها وقالت: بس أنا كنت عايزه أفتحه مشروع .وانا الحمد لله صليت إستخاره قبل ما أكلمكم فى الموضوع ده والحمد لله مرتاحه وعايزه أفتحه النهاردة قبل بكرة . 
سألها ياسين بإستفسار: هتفتحيه إيه يعنى ياحنين؟
أجابته بحماس:  محل حلويات .انت عارف أنى شاطرة جداا فى المطبخ وخاصة الحلويات ،فأنا هفتحه وهعمله للحلويات البيتي ونشوف لو مشي كان بها ولو ممشيش مفيهاش خساره هأجره ويدخلى دخل كل شهر من إيجاره إيه رأيكم .
إستحسن الجميع فكرتها حتى أن ياسين وعدها أنه هو من سينهى إجراءات الشراء والتسجيل وكل شيء وقد كان . أصبح حلمها حقيقة أمامها .وذلك رغم معارضة أبيها خاصة بعد ذلك الحوار العقيم الذى دار بينهما .ذهبت بعقلها 
قبل أسبوعين من الآن كانت حنين فى زيارة لعائلتها عندما دخل عليها والدها وقال بشئ من الهدوء الحذر:  بقولك ايه ياحنين فيه موضوع عايز أكلمك فيه .
حثته على الكلام فقال: انت عارفه  أكرم جارنا .
نظرت حنين إيه وقالت : أيوه ماله. 
إجابها والدها: أصله طلق مراته من كام شهر وكان يعنى طلب منى انه يتجوزك .

الفصل الرابع
آسفة أرفض الزواج 
سلوى عليبه
وقفت حنين پغضب وقالت أولا د غير أن المبدأ مرفوض من الأساس بس إزااى يابابا دانت أكتر واحد عارف أكرم .دى مراته ياما اشتكت منه ومن طول إيده .
أجابها بإرتباك يابنتى ضل راجل ولا ضل حيطه وأنا مش هعيشلك العمر كله وانت لسه صغيره .وكمان لو عليه هو عارف انه لو قربلك احنا ممكن ناكله. 
نظرت لوالدها بخيبة أمل وقالتيعنى واحد باع مراته وولاده عايز تقنعنى انه هيشترينى أنا وولادى . 
نظر إليها وقال بتردد لا ماهو ولادك هيفضلوا معانا هنا . 
صړخت حنين وقالت نعععم وده ليه إن شاء الله .ماتردى ياماما ولا أنت قاعده مستمعه من أول الحوار وخلاص. 
ثم نظرت لوالدها وقالت يعنى باختصار عايزين تيتموا ولادى أب وأم وكل ده عشان ضل راجل . 
وقفت بقوة أمامهم وقالت أسفه يابابا أنا عندى ضل حيطه ومعايا ولادى أحسن مليووون مرة من ضل راجل حتى لو كان وزيروكمان من غير ولادي
وياريت متفتحوش الموضوع ده تانى معايا . أنا ماشية . 
وقفت والدتها وقالت بحزن يابنتى الكلام أخد وعطا إقعدى بس واستهدى بالله أبوكى خاېف عليك ياحبيبتى . 
إبتسمت حنين بسخرية وقالت أمال لو كنت مشيلاكم همي كنتوا عملتوا ايه
أنا ماشيه رايحه بيتى وسط ولادى .وااه أنا أسفه أنا رافضة الجواز سلام .
عادت حنين من تلك الذكرى المريرة وهى تعلم انه لا يدعمها فى قراراتها غير أختها حفصة وزوجها عبد الله حتى أخيها حسان فقد أخذته الدنيا بعيدا ولم يعد يهتم . 
دخلت غرفة ابنائها إطمأنت عليهم ثم اتجهت لغرفتها حتى تستريح لتبدأ غدا أولى أيام عملها بمحل الحلويات بعد أن انتهوا من تجهيزه بالكامل وأصبح رائعا أسمته حلويات ياسين وفريدة تيمنا بأولادها.
أتى الصباح بروح متفائلة وقلب ينبض بالحياة من أجل غد مليئ بالتفاؤل من أجل أبنائها. 
استيقظت بنشاط غير عادي أنهت مهامها الإعتيادي بالمنزل ثم أخدت أطفالها لمدرستهم ثم رجعت على المحل لكى تبدأ بنشاط أول يوم بالعمل. 
بدأت فى وضع كل شئ بمكانه فهى ظلت تعمل طوال الليل لكى تنهي العديد والعديد من الحلويات المنزلية متقنة الصنع . 
رن هاتفها وكانت ياسمين زوجة ياسين فردت عليها بسرعة وهى تقول بقى كده ياندله لسه مجيتيش لغاية دلوقت والافتتاح بتاع المحل الساعة 6 ودلوقتي خلاص قربنا من واحدة الضهر. 
................
أجابتها حنين بحب خلاص يا حبيبتى أنا مستنياكي عذرك عندك انت وأستاذ ياسين بس لما أشوفة يعنى لازم يبقى عنده اجتماع النهاردة . يلا سلام مستنياكم متتأخروش. 
أنهت المكالمة ثم وجدت من يدخل عليها بباقة ورد كبيرة فكان زوج أختها عبدالله وأختها حفصة .شكرتهم بقوة  أختها بشدة ثم بدأوا بالمساعدة . إستأذنت حنين منهم حتى تحضر أطفالها من مدرستهم .
وصلت إلى المدرسة فوجدتهم برفقة معلمة الروضة الخاصة