رواية رائعة بقلم الكاتبة منة مجدي
اليوم
اما ملك فقد كانت تشعر بالقلق طوال اليوم
فاياد لم يهاتفها لكي يطمئنها
قررت ان تحضر الغداء لكي تشغل نفسها قليلا
ولكن مر الكثير من الوقت وهو لم يعد او حتي يهاتفها هاتفته كثيرا ولكن لا مجيب
ملك استرها ياستير ياتري في ايه
ايه اللي حصل
يارب يسرله اموره
ملك متعمليش من الحبة قبة اكيد مشغول في شغله ومش فاضيلك يعني انتي فاكرة ايه هيتصل بيكي يقولك اخبار يومه لا واضح انك بتحملي جامد اليومين دول
قررت ان تنتظره فالتقطت احدي روايتها وجلست تقراها علي الاريكه
ولكن داعب النوم عيناها فاستسلمت له بهدوء
فتذكر انه لم يهاتفها طوال اليوم اوحتي يعلمها بانه سيتاخر
شعر بالضيق من نفسه كثيرا مسح علي شعرها بهدوء
اياد ملك
ملك انا وصلت
فتحت ملك عيونها بهدوء
ملك باسمة اياد
حمد لله علي السلامه قلقتني عليك
اياد انا اسف والله بس من الصبح في اجتماعات
ملك هاه طمني عملت ايه مع العملاء
اياد الحمد لله وافقوا علي السعر اللي كنت حاطه
ملك الحمد لله
اياد البركه فيكي
ملك لا الفضل لربنا سبحانه وتعالي
اياد ونعم بالله
ملك هروح احضرلك العشا
اياد اه الله يكرمك لحسن جعان جدا
ذهبت الي المطبخ لتجهز الطعام
لكنها شعرت بالدوار
ملك عارفه انه مفيش طاقه هناكل اهو
بدل اياد ملابسه سريعا وخرج لمساعدتها
فكانت تناوله الاطباق لوضعها
ملك اقعد بقي خلاص انا هخرج اخر طبق
وبالفعل وضعت اخر طبق علي المائده
ولكن فجاءه بدا الدوار يزداد وشعرت بعدم وضوح في الرؤيه بدات الارض تميد تحتها شعر بها اياد فذهب اليها سريعا واسندها بقوة كيلا تسقط
ملك اه الحمد لله هما بس شويه ارهاق
هاكل وهبقي كويسه
اياد انتي اكلتي حاجه طول اليوم
ملك بارتباك هاه
اه طبعا
اياد مبتعرفيش تكدبي علي فكره ماكلتيش ليه
ملك لالا اكلت
اياد ملللك
ملك بخجل مهو بصراحه كنت قلقانه وانت متصلتش بيا
ولما اتاخرت قلقت اكتر ومعرفتش اكل
ملك بابتسامه يلا بقي مااحنا هناكل اهو
اياد يلا ياملك واخر مره تعمليها
ملك حاضر
جلسا سويا واخذ يقص عليها ما حدث بالتفصيل في الاجتماع وكيف كان رد فعل العملاء علي مكالمة احد الموظفين وكيف وافقوا سريعا علي السعر دون مناقشه
ملك الحمد لله والله فرحت جدا شفت بقي ايه فعل الصدقات
اياد فعلا عندك حق
ملك الحمد لله
اياد انا هدخل انام بقي تصبحي علي خير
ملك بابتسامه وانت من اهل الجنه
ذهب الي غرفته وهو يفكر في كل تصرفاتها
اياد يعني فضلتي صاحيه ومنمتيش وكمان مكلتيش
بس دايما بفكر في انجي وبتخيلها في كل وقت قلبي مش قابل حد غيرها ومش عارف اعمل ايه سامحيني ياملك مش بايدي
نفسي احبك والله وابطل افكر فيها بس مش عارف
ذهبت ملك الي غرفتها وهي تفكر ايضا
ولكنها كانت تفكر كيف ستحدثه بانها تريد ان تعود الي عملها
فقررت ان تحادثه فجرا
وبالفعل انتظرته بعد الصلاه
اياد خير ياملك محتاجه حاجه
ملك بصراحه جايه اكلمك في موضوع
لو تعبان او مش فاضي قولي عادي استني بكره
اياد لالا تعالي انا فاضي
جلست ملك وهي تشعر بالارتباك
وايضا القلق من رفضه
اياد في ايه يا ملك احكي علي طول متقلقيش
ملك انا كنت عاوزه استاذنك يعني اني انزل المستشفي انا بقالي كتييير جدا قاعده وفي حالات كتير متعطله
اياد باستغراب طيب ومنزلتيش ليه
ملك مهو اصل مينفعش انزل بدون اذنك
اياد بابتسامه رضا ماشي ياملك وانا موافق ولو احتاجتي حد يساعدك في شغل البيت قوليلي
ملك شكرا يا اياد لا مش هحتاج ان شاء الله انا بحب اعمل شغل البيت لوحدي
اياد تمام ياملك
ملك عن اذنك بقي هسيبك تنام
وبالفعل ذهبت لاعداد الافطار وترتيب المنزل
وارتدت ملابسها
وبعد وقت قصير استيقظ اياد فتناولا طعام الافطار سويا
وذهبا الي عملهمها
شعرت ملك بالفرحه العارمة اثر عودتها مرة اخري لمرضاها والمستشفي قابلتها زميلاتها بالترحاب الشديد
وبعد عده ساعات من العمل انتهت من عملها سريعا وعادت الي المنزل اعدت الغداء
وبعد وقت قليل عاد اياد فاستقبلته كعادتها
وظلا يتحدثان سويا في عده مواضيع بعدما قصت عليه كيف كان يومها في العمل
مضت الايام واخذ اياد في الاقتراب من ملك
وفهمها وفهم شخصيتها واعجب كثيرا بها وبتفكيرها
ولنكن اكثر دقه فقد اعجب بكل شئ فيها
ولكن مازال لم يعرف ايحبها ام لا
اما ملك فاتخذت الدعاء ملجاها الوحيد فكانت دائما ما تدعوا الله
