رواية رائعة بقلم الكاتبة منة مجدي
مكناش هنجبرك علي حاجه
انجي منا اتوترت ومعرفتش اعمل اي حاجه معرفتش اتصرف
سامحوني انا عارفه اني كنت وحشه اوي معاكوا وضايقتكوا كلكوا حقكوا عليا
ملك احنا قولنا خلاص بقي وهنفتح صفحه جديدة
الكل ايوة ننسي اللي فات
شعر الجميع بالسعادة لاجتماعهم مرة اخري ولكن سعادتهم كانت اكبر لندم انجي علي ما فات
وانشغل الجميع بالتحضيرات لها
اما اياد فتاب لله واخذ يستغفره كثيرا عما فعل وطلب منه العفو والرحمة وان يتقبل توبته ويسامحه وتعلم درس مهم في هذا الوقت
تعلم ان ابواب الفتن من السهل واليسير لاي شخص الوقوع فيها ولهذا حذرنا رسول الله صلي الله وسلم واخبرنا انه من السهل الوقوع فيها ولا يجب علينا ان نظن اننا اقوياء ولن نقع فيها ونقرر ان نفتح هذا المدخل ظنا منا اننا سنقدر لاننا سنقع بها وسنندم اشد ندم
عن النواس بن سمعان رضي الله عنه قال عليه الصلاة والسلام
ضړب الله مثلا صراطا مستقيما وعلى جنبتي الصراط سوران فيهما أبواب مفتحة
وعلى الأبواب ستور مرخاة
وعلى باب الصراط داع يقول يا أيها الناس ادخلوا الصراط جميعا ولا تعوجوا
فإذا أراد الإنسان أن يفتح شيئا من تلك الأبواب
قال ويحك لا تفتحه فإنك إن تفتحه تلجه . فالصراط الإسلام والسوران حدود الله والأبواب المفتحة محارم الله وذلك الداعي على رأس الصراط كتاب الله والداعي من فوق
الصراط واعظ الله في قلب كل مسلم.
فتاكد وقتها ان الهروب من الفتن ليس ضعفا او جبنا ولكنه القوة في معناها فان لم نفعل ذلك نقع في تلك الفتن والذنوب فهذا هو الانسان خلق هلوعا لذلك لا يجب ان نغامر حقا حبيبي يارسول الله لا ينطق عن الهوي
وبعد عده ايام اقيمت حفل عقد قران منار وفريد
كانت بسيطه للغاية حضرها المقربون و الاصحاب
اياد احنا حجزنالكوا كهديه مننا اسبوع في فندق في مطروح
وبعد انتهاء الحفل
ملك شكلهم كان مبسوط جدا
اياد فعلا
ملك ربنا يسعدهم يارب
اياد اللهم امين
اياد بابتسامه ماكرة ياتري بيعملوا ايه دلوقتي
ملك ببراءه اكيد ناموا اليوم كان مرهق اوي عليهم
غمز لها وابتسم
اياد طب مش يلا ننام بقي احنا كمان ولا ايه
ملك اياد الله بقي
اياد انتي مكسوفه مني ولا ايه دا انا برضوا في مقام جوزك
ضحكت بخجل
حملها اياد
ملك اياد !!!!!!
اياد هيييه استعنا علي الشقي بالله
واسدل الستار وصمتت شهرذاد عن الكلام المباح
في غرفة انجي
انجي بهمس العمليه تتم بعد اسبوع هيبقي في حفله خطوبه
تخطفهم هما الاتنين وهما مروحين مش عاوزة حد يحس باي حاجه
يسري متقلقيش ياهانم
قفلت انجي
انجي والله ونهايتك قربت ياملك وانت كمان يااياد كان نفسي اشوف شكلك وانت مذلول ومكسور علشان ياحرام يسيبوا مراتك
نفسي اشوف شكلك وانت سامع صريخها واستنجادها بيك وانت ياعيني مش قادر تعملها حاجه ولا هتقدر هتشوفها وهي بتتكسر قدامك ومش هتعرف تعملها حاجه والله لانتقم واخد حقي منكوا
خلدت للنوم وهي تحلم بهذا اليوم
في صباح اليوم التالي
استيقظت ملك علي رنين هاتفها
اميرة خلاص ياملك مبقاش في اميرة نسيتيني صح
ملك مرمر وحشتيني والله
اميرة هو دا اللي باخدوا منك كلام وخلاص
ملك والله بجد وحشتيني كنت مشغولة جدا والله
ايه رايك تعدي عليا النهاردة اياد هيتاخر في الشغل
تعالي نقعد سوا
اميرة ماشي ياختي مسافة السكة
ملك تمام يا حبيبتي مستنياكي
اغلقت اميرة الهاتف
ناهد ايه يا ميرو بتكلمي مين
اميرة دي ملك يا نانا
ناهد والله وحشتني جدا ايه اخبارها
اميرة الحمد لله يا نانا دلوقتي الامور بقت احسن بينها وبين اياد
وواضح انه بيحبها جدا
ناهد الحمد لله
اميرة هي اصلا تستاهل والله كل حاجه حلوة
ناهد عقبالك انتي كمان يا ميرو عاوزة اتطمن عليكي يا بنتي
اميرة لسه بدري يا نانا
ثم اشارت علي قلبها
اميرة لسه دا مدقش لما يدق هتلاقيني جيت وقولتلك علي طول ومش بعيد انا اللي اروح اخطبه
ناهد مباخدش منك غير كلام
اميرة شوفتي هتعطليني وتاخريني علي ملك هروحلها شوية ايه رايك تيجي معايا
ناهد لا ياحبيبتي روحي انتي وانا هزور امينة جارتنا
اميرة انا ابتديت اشك في امينه دي وشكلها هتطلع امين في الاخر
ناهد اتلمي يا بت انتي
اميرة ماشي يا حجه هروح انا وارجع اشوف موضوع امينه دا
وبالفعل ذهبت اميرة لمنزل ملك جلسا
