رواية رائعة بقلم إسراء عبداللطيف

اللحظه و صلت زينا لتجد كلا من أدهم و نور بالحديقه فأبتسمت و توجهت ناحيتهم قائله 
_ أذيك يا أدهم عامل أيه النهارده !
أبتسم أدهم قائلا 
_ أنا الحمد لله تمام حضرتك مين !
_ أنا أبقي دكتوره زينا بنت الحاج علي الكبيره
أبتسم أدهم و مد يده ناحيتها ليصافحها قائلا لها 
_ تشرفت ب معرفة حضرتك و شكرا على مساعدتك

أبتسمت زينا و نظرت إلي أدهم ب أعجاب قائله
_ على أيه ده واجبي طبعا 
_ طيب عن أذنكوا أنا 
تركهم أدهم و رحل و لكن و هو داخل تفاجئ ب حجاره صغيره ألقت عليه من الخلف ف ألمته كثيرا و نظر خلفه ليجد نور واقفه تضحك مكانها ف ڠضب ب شده و توجه للداخل 
نادت نور ب صوت مرتفع وصل إلى أذنيه 
_ ماشي يا أدهم ياعم المعقد !
نظرت زينا ناحية نور ب ڠضب قائله 
_ عيب كده يا نور بلاش تصرفات العيال دي !
أشاحت نور بيدها و أتجهت لتجلس قائله 
_ ياستي سيبك منه ده إنسان شكله كئيب أوي و مش بيحب الهزار فقولت أفرفشه أنا بطريقتي 
نفخت زينا ب ضيق قائله 
_ و النبي بلاش طريقتك دي لتطفشي الواد ده حتي شكله طيب خالص و زوء أوي و رومانسي جدا حاجه جميله كده شايفه الرجاله جاتنا نيله في حظنا الهباب 
رفعت نور أحدى حاجبيها متمتمه ب خفوت 
_ كل ده شافته فى المكتئب ده !
ثم تابعت ب صوت مسموع 
_ سيبك من زفت يابنتي و الله معتز غلبان و بيحبك 
_ بس و حياتك سيبك منه ده أنا و هو خناقات على طول 
عقدت نور حاجبيها في تساؤل 
_ ليه أيه اللي حصل بينكوا تاني !
_ أنا هحكيلك 
بعد فتره وصل الحاج علي إلي المنزل ليجد نور جالسه برفقة زينا في الحديقه فتوجه ناحيتهم قائلا ب وجهه البشوش 
_ أزيك يا نور أخبارك أيه يا زينا !
_ الحمد لله 
قالتها نور ب ڠضب وهي تحرك أدوات الرسم خاصتها ب عصبيه بينما أبتسمت زينا قائله 
_ الحمد لله بخير يا بابا 
نظر الحاج علي ناحية نور ليسأل مستفهما
_ مالك يا بنتي في أيه !!
_ روح اسأل الكائن المعقد اللى جبته ده
قالتها نور قبل أن تتجه إلى داخل المنزل
نظر الحاج علي ناحية زينا مستفهما فضحكت زينا و رفعت كتفيها قائله 
_ بنتك كالعاده مش طايقه حد و خناقات علي طول ف ماجتش على أدهم اللي هيفلت من جنانها !
_ أنت هتقوليلي يلا ربنا يهديها 
_ يارب يا بابا المهم أنا جيت أطمن عليكوا و ماشيه دلوقت 
_ ما تقعدي يا بنتي أتغدي معانا !
_ معلش يا بابا يوم تاني أبقي أجي أنا و معتز 
_ طيب يا بنتي اللي يرحك 
_ مع السلامه أنا 
_ سلام يابنتي و
ربنا يسعدك 
غادرت زينا بينما توجه الحاج علي صوب الغرفه المتواجد بها أدهم و طرق الباب طرقات خفيفه حتي سمع صوته يأذن له بالدخول ف دخل 
_ ها عامل أيه دلوقت يابنى !!
قالها الحاج علي و هو يجلس علي المقعد المتواجد بجانب الفراش 
_ الحمد لله 
نظر له الحاج علي طويلا قبل أن يقول 
_ يابني لو عايز تقولي علي حاجه مضايقاك قول أعتبرني زى والدك عينيك فيها حزن كبير أحكي و أعتبره في بير !!
حاول أدهم أن يخفي هذا و توتر قائلا لتغيير مجرى الحديث 
_ لا أبدا يا حاج انا انا بس كنت عايز يعني 
_ يابني قول من غير تردد 
_ بستسمحك لو أقدر أفضل عندك هنا كمان يومين و هديك اللى أنت عايزه و متشكر جدا للى عملته معايا 
نظر الحاج علي ب عتاب إلي أدهم قبل أن يقول
_ تديني اللى أنا عايزه !
عيب يابني اللى أنت بتقوله ده أعتبرني زي والدك و زي ما قولتلك لو عايز تقولي حاجه قول لأني حاسس إن جواك كلام كتير !
أحتضن أدهم الحاج على ب قوه حتي كادت أن ټخونه عبراته و تسقط و لكن قاوم سقوطها قائلا ب حزن دون وعى 
_ ربنا يكتر من أمثالك يا حاج و صدقني أنت لا تقارن بوالدي حضرتك أنضف بكتير !
شعر به الحاج علي و لكنه أبتعد عنه دون أن يعلق علي جملته و وقف و جذب أدهم من ذراعه قائلا 
_ أنا هسيبك تيجي و تحكيلي بنفسك لما تستريحلي لكن دلوقت تقوم بقي علشان نتغدي تلاقي العفريته الصغيره حضرت الأكل اه بالحق هى عملت معاك أيه !
_ هي رغايه أوي الصراحه هههههه 
_ ههههه عارف عارف بس أعذرها يابني هى دى طبيعتها بتحب تتكلم كتير و فضولية جدا و ده بيسببلها مشاكل كتير علشان لسانها الطويل 
قالها الحاج علي و هو يضحك 
ضحك أدهم معلقا
 

 

ب سخريه 
_ أيوه طبعا ما أنا خدت بالى 
نزل كلا من الحاج علي و أدهم للطابق السفلي لتناول الغداء 
جلس الحاج علي على رأس الطاوله بينما جلست نور علي يمينه و أدهم علي يساره أمام نور 
رفع أدهم وجهه و نظر إلى نور ف وجدها تأكل ب عصبيه ف علق ب سخريه ل يثير ڠضبها 
_ براحه علي الطبق شويه بدل ما يتكسر !
نظرت له هى ب ڠضب شديد قائله 
_ ما يتكسر هو طبقنا و لا طبقك ده أيه أصله ده يا معقد !
_ طيب يا رغايه 
قالها أدهم ب ڠضب و هو يعاود النظر إلى طبقه 
_ بس خلاص يا ولاد بلاش خناق أحنا بناكل برضو و الأكل ليه أحترامه 
قالها الحاج علي بجديه ثم نظر إلى نور وتابع حديثه ب هدوء 
_ قوليلي بقي يا نور هتنزلي تفتحي المحل أمتي !
_ ممكن من بكره إن شاء الله يا بابا 
وجه الحاج علي حديثه إلى أدهم قائلا 
_ على فكره يا ابنى نور عندها محل زهور وكمان بتعرض فيه لوحاتها لو حابب تنزل معاها تغير جو 
تكلم أدهم معلقا بلا أهتمام و هو يتابع تناول طعامه 
_ طيب كويس أهو أحسن برضو من القعده في البيت مع إنها حاجه تافهه بس تنفع برضو و بالنسبة لأني أغير جو بلاش أنا محتاج هدوء مش راديو شغال مش بيفصل 
رفعت نور الملعقه لتلقيها علي أدهم قائله ب ڠضب 
_ أنت عايز درس في ال
_ نور عيب كده 
كانت هذه جملة الحاج علي التي قالها ب ڠضب و هو ينظر إلي نور و كانت نظراته كافيه أن تجعل نور تعيد المعلقه مكانها قائله ب ڠضب مكمون 
_ أنا مش ھموت علشان تيجي معايا و علي فكره أنا بقيلي سنه و أتخرج و ده مشروعي و هو مش حاجه تاف
رفع أدهم يده أمام وجهها مقاطعا 
_ انا ماسألتكيش عن مستقبلك العظيم !
أشتد الڠضب على نور ف لم تتمالك أعصابها و ضغطت ب قوه ب قدمها علي قدم أدهم أسفل الطاوله 
_ آآآآه 
صړخ بها أدهم و هو يتألم و يقف مكانه و ينظر إلى قدمه 
صاح الحاج علي ب خضه 
_ مالك يا بني حصلك أيه !
_ لا بس تلاقي الأكل سخن يا بابا و هو من طفاسته بياكل بسرعه 
قالتها نور و هي تضحك وتعاود تناول طعامها
الحاج علي ب عتاب 
_ عيب كده يا نور ما يصحش !
تملك الڠضب أدهم تركهم متجها لغرفته 
في أحد البارات ب القاهره 
كانت تجلس نهله برفقة مجموعه من الأصدقاء
_ ما تفكك يا نهلة من أدهم و تعالي معايا و أنا هظبتك ما أنا معجب برضو
قالها أحد الاصدقاء و هو جالس بجانب نهله و يضع يداه على كتفيها و يغمز لها 
_ رامز فكك مني قولتلك أنا و أنت Just friends okay 
قالتها نهله ب ڠضب و رحلت بعدها 
أمسك رامز الكأس الموضوع أمامه و أرتشفه مرة واحده و ب ڠضب ضغط علي الكأس حتي تهشم بين يداه و أصيبت يداه ب الچروح و لكنه لم يعبأ بها ثم قال ب ڠضب مكتوم و هو يصر علي أسنانه ب صوت هامس 
_ ماشي يا نهله مسيرك توقعي أنا هفضل وراكى لحد ما أكسر عيلة الشناوى و أذلها و بكده أكون خدت حقى منهم
كانت نور ب الحديقه تتحدث ب الهاتف مع صديقتها المقربه مها قائله 
_ يا مها بقولك ده واحد كئيب بابا جابه لقحه عندنا ههههههه 
_ ههههههه أنت فصلتينى ضحك يا نور و الله يخربيتك دا أنت بهدلتى الواد ههههه
_ أصل هو طالما قاعد عندنا يبقي يمشي على نظامى أنا لا بحب الكئابه و لا التعقيد و هفضل وراه لحد ما يبطل نكد على نفسه و علينا هههههه
_ يا بنتى أنت بتذلى الواد ب القعده معاكوا و لا أيه سيبيه براحته هو أكيد مش جنبك دلوقت صح !
_ لأ أهو ملقح فوق على طول فى الأوضه مش بيخرج اها صح أما أروح أغلس عليه شويه 
_ نور سيبيه في حاله بدل ما يقول عليك رخمه و بارده 
_ لأ طبعا أنا حره فى تصرفاتى يلا سلام أنا 
أنهت نور المكالمه مع مها و توجهت إلى أعلى حيث الغرفه التى يمكث بها أدهم 
كان في غرفته يتحرك ب عصبيه ذهابا و ايابا غاضب من تصرفات تلك العنيده و لكن مهلا فهو لديه ما يغضبه أكثر 
ثم وضع كفيه علي وجهه ب عصبيه قائلا لنفسه 
_ أنا طول عمري إنسان وحش و عملت حاجات غلط
و لسه بعمل و هفضل أعمل ناس كتير أتأذت بسببي أنا جبان جبان
أخرهم دينا اللى حبتنى بجد