رواية كاملة بقلم مي نهال

الفصل الاول 
قاعدة قدام مرايتي بفستان أبيض سيمبل لفيت طرحتي وبصيت لنفسي جميلة عمري ما كنت وحشة في عيني عشان أبقى وحشة دلوقتي خلصت كلامي لنفسي ودموعي نزلت على وشي مسحت وشي وأنا بقول لنفسي كفاية عياط يا عروسة !! 
ضحكت وأنا حاسه بشرخ في قلبي انهاردة فرحي قاعدة لوحدي في أوضتي قدام مرايتي ومستنية أجلي وقفت وبعدت شوية وبصيت لنفسي تاني يمكن اقدر أشوف جمالي ولكن عبث كله في الهوا الثقة صفر تقريبا ولا مرة حسيت أن حلوة وأستحق حاجة أو خليني أقول محدش سبق وقالي أنت حلوة ولا حتى الشخص إلي عشت معاه سبع سنين جوزي !!

قعدت تاني واليأس أمتلكني فكرت أنهي حياتي ورجعت أستغفرت دا أمتحاني في الدنيا ههرب منه أروح فين لما اقف قدام ربي ويقولي أنا اختبرتك فكذا عملتي إيه اقوله إيه! معنديش أجابة ولا فأيدي حيلة نزلت راسي بين أيدي وأفتكرت الحوار إلي دار بيني وبين أبن عمي عمرو من ساعتين
يعني حرام عليك إنت أكيد مش بنأدم طبيعي 
مفيش حل تاني لازم تتجوزي تاني عشان أعرف أتجوزك يا سارة 
وإنت بطلقني للمرة التالتة مكنتش تعرف إنها أخر مرة 
لحظة شيطان يا سارة 
شيطان! وكل مرة كنت بتهني فيها كانت لحظة شيطان كل مرة كنت بتكسر قلبي فيها كانت لحظة شيطان!
مسحت دموعي وأنا بقولة پقهر
إنت الشيطان يا عمرو 
مش وقته يا سارة هنتعاتب بعدين لقيت حد يتجوزك كام يوم وتطلقي ونتجوز 
لقيت حد أزي مش فاهمة! 
في واحد قبل يتجوزك وكام يوم ويطلقك بمقابل مبلغ مادي 
إنت.. إنت هتبيعني! 
مش هبيعك أنا بحاول أحل إلي حصل 
إيه كمية البرود إلي عندك دي وكأنك بتتكلم على حاجة عادية أنا مستحيل أعمل كدا
قرب مني فجأة وظهر العادي بتاعة مسكني من شعري وقالي بصوت عالي
لاء بقولك إيه أنت تسكتي خالص وتسمعي إلي هقولك عليه شوية وهيجي واحد هتطلعي زي الشاطرة لسانك دا مش هينطق غير بموافقة وإلا هقطعولك أنت سامعة 
وأنا مش هعمل كدا لو عايز ټموتني موتني أنا بكرهك
وأنا إلي دايب في هواك أوي أنت بالنسبالي مصلحة يا سارة هتمي السن إلي في الوصية وتتنازلي عن كل حاجة ليا وبعدها غوري ميهنيش
مش هديك حاجة دا تعب بابا مش هديه لواحد زيك 
أومال هتعملي إيه يا جهلة هديري أنت الشغل سارة فوقي أنت مش بتعرفي تفكي الخط!! مفيش نقاش تاني تلبسي الفستان إلي هيجي مش عايز أسمع صوتك
خرج من الأوضة مسكت شعري وقعدت أعيط كالعادة مش مصډومة كل حاجة بتتعاد كلمت جهلة بتتكرر أكتر من انفاسي الضړب والأهانة مستمرين إلي زاد جوازي مقابل أو بيعي. هتقولوا معنديش كرامة هقولكم السقف إلي فوقي دا مفيش غيره سترني أنا سارة أربعة وعشرين سنة مفضلت مع أمي لحد ما تميت الستاشر سنة وبعدها توفت أمي إلي كانت لا تملك غير أوت يومها كانت ست بسيطة وكنا عايشين في الريف بابا كان مطلق ماما وهيا حامل فيا ولا سأل فيها عشنا سنين كتير أوي وسعات كانت بتنام جعانة عشان تأكلني كان نفسها أتعلم زي بقيت العيال في القرية بس مكنش معاها كان غصبن عنها ربنا يرحمها يارب
بابا جه خدني بعد مۏتها بأربع أيام كان مضطر بقى قعدت معاه في بيته كانت أول مرة أعمل حجات
كتير كانت أول مرة أشوف بيت بالكبر دا لبس جميل وفي بتاع بيتغسل بيه الشعر مش فاكرة اسمه ريحته حلوة أوي حبني وقعد يتكلم معايا كتير وإلي شفته إنه هو كمان
تعب في حياته أتمرمط عشان يوصل لهنا وعشان يحافظ عليا زي ما قالي جوزني لعمرو وأنا كنت تميت التمنتاشر كان طيب لحد ما بابا ماټ بعد جوزنا بست شهور وبعدها اتغير مية وتمنين درجة
التعامل الطباع كل حاجة أختلفت الباب خبط أتفزعت رفعت راسي لقيته بيقولي
أخرجي المأذون جه متنسيش قولتلك إيه
هزيت راسي وخرجت ما أنا هيحصلي إيه اكتر من إلي حصل الموضوع ما خدش وقت كبير ساعة وكان إلي أشتراني! بيقولي وهو بيمد إيديه
أمسكي مفتاح العربية هتلاقيها برة قدام الباب أفتحيها واقعدي لحد ما أجي
أخدت المفتاح وخرجت من الباب كنت حاسه وكأني طير خرج من القفص مع أن هدخل قفص تاني بس هبعد عنه وأخيرا طلعت جري ووقفت قدام العربية وبصيت على المفتاح وساعتها ظهرت أكبر علامة إستفهام على وشي أعمل إيه بيه دلوقتي للمرة المليون دموعي في جفوني قبل ما تتحرك لقيته جاي من بعيد نزلت عيني للأرض وقف جنبي وقالي
آسف مقولتلكيش الزرار دا تفتحي العربية وتقفلي بيه هدخل دقيقة وهاجي أفتحي العربية واقعدي وأقفلي عليك لحد ما أجي
هزيت راسي مصډومة يترى عمرو دفع كام عشان يتعامل معايا كدا عمرو ولا مرة قرر يعلمني حاجة حتى لما كنت بكلمة عن التعليم مكنش يرد عليا أو كان يقولي أنت جهلة مش هتعرفي حاولت أهدى وفتحت الباب زي مقالي ودخلت وقفلت سدنت راسي على الكرسي وأنا بفكر مصيري دلوقتي هيبقى إيه!
سرحت شوية لحد ما لقيته بيخبط على الإزاز جنبي معرفتش هو عايز إيه بعدين شاورلي على المفتاح جبته بأحراج من جنبي وفتحت لقيته فتحت الباب علامة إستفهام تانية ظهرت على وشي مش معقولة هيقعد على رجلي يعني!!
دخل جسمه من فوق لحد حزام الأمان وقالي بصوت هادي وابتسامة وكانت أول مرة أشوف ملامحة ثانية هو أسمه إيه!
بصي هتاخدية كدا وتحطية هنا ياله جربي 
مش هعرف 
لاء هتعرفي بصي هعملها تاني ياله 
حاضر
عملت زي ما قالي وفعلا عرفت تلقائي ابتسمت وهو رد الابتسامة وخرج من قدامي وركب الناحية التانيةفضلت ساكتة طول الطريق إلي مكنش طويل ولا قصير أخدني مكان البيوت فيه مترتبة جنب بعضها وفي شجر وصوت عصافير ونسمة هوا خلتني أتنفس بصوت مسموع وقف شوية وكأنة بيقولي استمتعي بالحظة انتبهت ليه شاور على البيت إلي المفروض ادخله مشيت وقفت جنبه وفضل بصصلي وأنا مستنياه يدخل عشان ادخل وراه وقف شوية لحد ما قولتله بنبرة حاولت تبقى هادية
مش.. هتدخل
مستني تدخلي أنت الأول 
بس أنا ولا مرة دخلت الأول! 
من انهاردة هتدخلي الأول يا سارة
لاحظ التوتر على وشي قالي بنبرة مرحه
وبعدين النساء أولا يا سارة
ابتسملي ببشاشة دخلت كنت متوترة جدا أنا هعيش أزي! هيحصل إيه! ضحكت بسخرية دا أنا حتى معرفهوش!! خيط أفكاري وقف لما لقيته بيقولي
مټخافيش يا سارة أنت دلوقتي في أمان 
إنت مين 
أنا الرائد يزيد المهدي جوزك 
اسمك رائد! 
نعم 
نعم إيه يعني إيه رائد! 
يعني ظابط يا سارة
شهقت ورجعت لورا وأنا بقوله
أنا والله ما عملت حاجة يا باشا
كان واقف بيراقب تعابير وشي بتعجب لحد ما قولتله كدا ضحك ضحكة عالية
وكان ليها نبرة مميزة جدا خلتني متنحة شوية في وشه ملامحة جميلة عنيه بني رموشه كثيفة شعرة كله طول واحد يقدر يرجعه بأيده بشرته قمحيه طولة مناسب حتى تنسيق جسمه مناسب سبحان من خلق وأبدع فوقت على حمحمته قولتله
آسفة 
طب بمناسبة آسفة يا سارة الكلمة دي بتستفزني جدا وخصوصا إنك مش عامله حاجة ولو عامله حاجة مش هبقى حابب اسمعها منك أنت بالذات
ليه!
سكت
شوية وقالي
كدا.. ممكن 
حاضر
دلوقتي يا