رواية طفلتي بقلم نور

يانور فى ايه
سامية اصل نور بتحب اوضتها تكون ببلكونة
زينب الاوضة اللى فيها بلكونة ملك قاعدة فيها
صالح مفيش مشكلة ملك تجى هنا ونور تروح هناك
لتنزل نور للاسفل حتى ينتهوا من تبديل الغرفة لتنام من التعب على الاريكة لينظر ناصر عليها كما هى بريئه رغم عنادها وعصبيتها ليمد يديه ليبعد شعرها عن وجهها بحنان لتشعر بيديه ولكن التعب والنوم يغلبوها لتكمل نومها 
لتنزل سامية لها
سامية نونو ..حبيبتى...يانونو
نور بصوت منخفض يادادة سيبنى
سامية ياحبيبتى اطلعى نامى فاوضتك انا حضرتهالك
نور بتذمر حاضر
لتنزل ملك پغضب يعنى ايه ده ان شاء الله
وتين بتزعق ليه ياست الحسن
ملك ممكن افهم ايه ده هو انا ماليش لأزمة فالبيت ولا ايه
وتين ولا ليكى حتى جزمة
ملك يعنى تطردونى من اوضتى عشان خاطر السفيرة عزيزة
نور پغضب وعصبيه متكلمى كويس يابتاع انتى
ملك وهى تقترب منها بتاع ايه ياروح امك ده انا ستك يابت
نور وهى تبعد سامية ست مين ياروح خالتك
سامية وهى تمسك نور خلاص يانور
نور لا استنى يادادة دى فاكرنى جايه من امريكا قطه مغمضة مش هرد عليها
لينزل ادم من الاعلى وتخرج زينب من المطبخ
زينب ايه بأولاد مالكم
ملك پبكاء مصطنع تعالى ياتيتا شوفى ست نور بتكلمنى ازاى
سامية حصل خير
نور لا محصلش خير وانا قاعدة اهو لما اشوف اخرتها
يقف ناصر بصمت يشاهد فهو يريد ان يعلم اكثر عن حفيدته
ملك متتكلمى كويس يابت بطل ماجى اجيبك من شعرك
لتقف نور پغضب شديد تجيبى مين من شعرها ياروح خالتك انتى والله لاجيبك انا من شعرك
وتذهب تجاهها لتجد يد تحاصر خصرها لتنظر لترى ادم
نور بضيق ده ايه اليوم اللى مش معدى على خير ده
يدخل صالح وشريف القصر ابراهيم مجتمعين وصوتها عالى ..ليصدم الجميع حين تخلع حذاءها وټضرب بيه ادم
ادم پغضب انتى اتجننتى يابت
نور پغضب لو ايدك الحلوة دى لمستنى تانى هقطعهالك ياحيلتها
صالح هو في ايه
وتين متزعليش يانور
لتدفعها نور وهى تصعد هى ناقصكى انتى كمان
لتسمع جملة ملك التى أوقفتها
ملك عيلة متربتبتش
لتلف لها
نور انتى قولتى ايه
زينب حصل خير عندى المرة دى يانور
لتصعد نور وهى ټضرب السلم بقدمها
وتين دى هنتعامل معاها ازاى
ناصر محدش فيكوا ليه دعوة بيها ..تعالى يادادة
وياخذها ويدخل لمكتبه
وتين كله بسببك ياوش الفقر انتى
ملك ما براحة ياست وتين ده انا مرات لاخوكى يعنى
شريف مالكيش دعوة باخوها واتقى شرى
ليصعد لغرفته
_________________
ناصر هى نور مالها بقا
سامية مالهاش دى طبيعتها
ناصر يعنى هى شرسة كده على طول
سامية لما بنعملها اللى عايزة لا
ناصر وايه اللى هى عايزه
سامية تخرج وتتفسح وتسهر ومحدش يقولها اعملى ده ومتعمليش ده
ناصر بس ده مينفعش
سامية هى عارفة بس بتعاند اللى حولها
ناصر ليه
سامية معرفش هى پتكره الدنيا والناس بتنام وقت مالناس بتصحى وتصحى وقت لما الناس تنام
ناصر واضحة انك مدلعها
سامية مش انا بس نور عصبية وبتطرد فاليوم اكثر من خمس خادمات
ناصر ماشى روحي انتى وانا هتصرف
لتخرج وتدخل المطبخ لتجهز طعام لطفلتها المتمردة 
ياتى وقت العشاء ويجلس الجميع على السفرة
ناصر هى مش هتفطر
زينب سامية طلعت تصحبها
ناصر بتحذير مش عايز خناق
لتنزل سامية بها وهى شبه نائمة وترتدى بيجامة قطن روز وعليها كرتون وشعرها مصفف على شكل ضفيرة تسحب سامية لها الكرسي الموجود بجوار جدها ومن الجانب الآخر وتين
لتجلس بتذمر
نور بتذمر واضح وكأنها مجبورة فين الاكل
زينب ياحبيبتى السفرة قدامك كلى كل اللى يعجبك
لتنظر لسامية لتضع لها طعام فطبقها
سامية اصل نور مبتاكلش غير احلى
ناصر مفيش مانع
ليبدأ الجميع الاكل بصمت وملك تنظر لها پغضب وحقد
وتين تحبى نخرج انا خارجه شوية
نور ببرود شكرا
ناصر روحى ياحبيبتى معاها اتفرجى على
اسكندريه والبحر
سامية خلاص يانور روحي
نور بزفر حاضر
لتنهى طعامها
وتين متنسيش تنامى بدرى عشان نخرج من الصبح
نور ربنا يسهل
وتخرج الجنينة وتشعل سېجارة
_______________
تفتح زينب باب غرفتها بهدوء لتقف مع ناصر تراقب حفيدتها الصغيرة المتمردة لتجدها نائمة في سريرها كالطفل الصغيرة ليروا سامية تقترب منها بحنان وتغطيها جيدا وتمسح بيديها على راسها بحنان وتطفئ الضوء لها لتنام براحة دون إزعاج
ليعلموا لما هى متعلقة بسامية هكذا لان القلب الوحيد الذي يعطيها حنان امها التى فقدتها وحنان والدها الذى حرمها منه
ناصر هتقدرى يا حاجه
زينب وهى تتأمل حفيدتها بحب متقلقش ياحاج
ناصر انا متؤكل على الله وعليكى
زينب خير بأذن الله
لتغلق الباب وتذهب معه
____________________
يجلس شريف فغرفته پألم قلبه ويتذكر خيانتها وكيف كانت تنفر منه ليتألم قلبه ويلعن حبه لها ليرن هاتفه
شريف ايوة ياحازم
حازم حبيبي ..ايه ياسطى بردو مش هتجى
شريف لا
حازم براحتك ياسطى
ليغلق معه وينام پألم قلبه
_________________
يجلس الجميع على السفرة يفطروا
ناصر هى لسه مصحيتش يادادة
سامية لا يابيه مصحيتش
وتين طب اطلع اصحيها انا
سامية بفزع لا يابنتى بلاش خليها نايمه
صالح هو فى ايه ما تسبيها تصحيها
سامية معلش كده احسن
ليراه تنزل من الاعلى بعيون مغلقة وتمسك بيد زينب يبدو عليها النوم لتسرع سامية وتاخذها من زينب
نور بصوت نائم بلييييز خلينى انام
ليضحكوا الجميع على تذمرها ونومها وهى واقفة
زينب وبعدان بقا
نور بعيون مغلقه وهى تنام فحضن سامية مانا صحيت اهو يانانا
زينب انتى كده صاحية
لتاخذها سامية لتجلس على السفرة تفطر