رواية ممتعة للكاتبة فريدة أحمد

الخامسة والعشرون الى
قمر  صحيت  ع  صوت  زينه..... فتحت عينها  وبصت  لها  زينه  قالت  لها  مستغربه
ايه يا بنتي ... كل  ده  نوم... قومي  يلا... وبعدين انتي نايمه  بهدومك لييه... 
زينه.... شفتي  اخوكي... شفتي  حبسني  إزاي 
معلش  حقك عليا انا... انا  هبقي  أكلمه... معلش
قامت  قمر وخرجت  مع  زينه..... شافت   زين  قاعد  بيشرب  سيجارته  ع  الكنبه
قام  لما  شافها... راح  عليها... بصت له  پغضب... لكنه  قال  لها

صحيتي  اخيرا... يلا  تعالي 
ما لحقتش تسأله... ع  فين.... خدها  وخرج  بره  البيت... راحوا  ع  الصيدلية
فهمت  انه  خدها  يغير  لها  ع  الچرح.... الدكتور  شال  الشاش  وشافت  الچرح  وهوه  متخيط
صعب  عليه شكل  ايديها.... خبت  وشها  ف  زين.... زين  رفع  ايده  ع  دماغها
خلص  الدكتور  ولف  لها  شاش  جديد.... زين  رجع  بيها البيت .... سأل  أمه
خلصتوا  الفطار  ولا  اروح  الشغل  ع  لحم  بطني
امه
خلاص  يابني  اختك  بتحضره  ف  المطبخ
قمر
انا  داخله  اساعدها
زين  مسك  دراعها... وقالها  پعنف
تساعدي  مين  بإيدك  دي ... اوعي  تعملي  حاجه  ولا  تمدي  ايدك  ف  ميه... انتي سامعه... سامعه  ياما... قمر  ما تعملش  اي  حاجه   ف  البيت
حاضر يابني... يعني  انت  هتوصيني  عليها... يلا  بس  خلونا  نفطر  اختك  خلصت  اهيه
فطروا  وخلصوا... زينه  طلعت  ع  مكتب  أيسر.
زين  كان  بيآكد ع  امه  ان  قمر  ما  تعملش  حاجه... فجأه ... لقوا  الباب  بيخبط  عليهم  فتح  زين... لقاه  اخوه  ومراته
دخلوا  وقعدوا  مع  بعض  شويه... امهم  بتسأل  زين
يا  زين  الوقت  اتأخر... مش  هتروح  ع  شغلك
قايم  اهوه  ياما
لكن  زيد  قاطعه  وقاله
شغل  ايه  يا  عم... فكك  بقا  من  الورشه  والكلام  ده... احنا  هنعمل  مشروع  سوا... خلاص  بقا  كفايه  شقا  وشغل  عند  الناس.... تعالي  نتكلم  برا  ع  القهوه  وسيب  الحريم  مع  بعضهم  هنا 
زيد  مقدرش  يسيب  اخوه  شغال  ف  ورشه... وهوه  معاه  فلوس كتير
ف قرر يتخلي  عن  قراره.... ويخرج  الفلوس  ويعمل  منها  مشروع  عشان  يزودها
وكمان  عشان  يبدأ  يودي  جنه  تتعالج... العلاج الطبيعي اللي  كانت  بتعمله  ف  المستشفي
قمر حست  بنغز غريب  ف  قلبها.... استغربت  ان  زين  خدها  يغير  لها ع  ايدها
واستغربت  اكتر  لما  حذر  أمه  عشان  ما  تعملش  حاجه  ف  البيت  وايدها  توجعها
حاولت  تندمج مع جنه  وحماتها   وتنسي  ان  جوزها  خاطب  وهيتجوز  بعد  أيام 
كانت  مشوشه... محتاره... مش  عارفه  ولا  لقيا  حد  ينصحها  او  يصبرها  
قالت  لنفسها  تصبرها
اصبري  لما  يرجع  من  شغله ... وكلميه بهدوء... هوه  مش  بيجي  بالعند... اتكلمي  معاه  يسيبك  تمشي  عشان  يتجوز  هوه  ويعيش  حياته 
شافت  ان  ده  انسب  حل  دلوقتي.... بالنسبه لها
أيسر قعد  ع  الأرض  وحط  ايده  ع  دماغه ... مش  مصدق... عمال  يردد  اسم  ايمن  بتوهان
شمس  قعدت  جمبه  ع  الارض  ورمت  دماغها  ع  كتفه... بدر  واقفه  جمب  صخر  وعماله ټعيط
مش  عارفه  تمنع  دموعها  اللي  ڤضحاها.... أيسر بيقول  كأنه بيكلم  نفسه
ايمن... ايمن... ط  ليه  ايمن  يارب... ده.. دا  مفيش  أطيب  منه... ليه  مش  انا... بس  انا  كنت  عارف... كنت  عارف  اننا  اللي  هندفع  التمن... كنت  عارف  يارب
صخر واقف  ومش  فاهم  حاجة من  كلامه.... شمس  كانت  بعتت  لأيسر   رساله
جه  يجري.... لقا  صخر  وبدر  مع  شمس... شمس  جريت  عليه  وحكت  له
من  ساعتها  وهوه  بيبرطم  بكلام  مش  مفهوم... ودموعه  نازله  ع  خده زي  الطفل الصغير
فجأه  ظهر  ياسر..... بدر  كانت  اتصلت  بيه  بعد  الفجر ... بعد  ما  الفحوصات
أكدت  انه مريض بالسړطان.... جه  من  اسكندرية.. ع  المستشفي  عدل
أيسر  شافه  جاي  يجري  من  بعيد.... وقف  والشړ  طاير من  عينه
بص  له  بكره  وغل... وصل  ياسر  وبص  لهم
ايييه  ايمن  ماله... ابني  فين
ايمن.... انت  بتسأل  ع  ايمن... انت  اللي  عملت  فيه  كده... دا  ذنب  الناس  يا  يااااااااااسر
أيسر  مسك  ف  ابوه... لكن  صخر  زقه  بعيد  قاله بزعيق
انت  اټجننت.... انت  بتمسك  ف  ابوك
أيسر  بص  له  وزقه  ف  صدره  پعنف وقاله  بقرف
وانت  مال  ميتين  اهلك... انت  جاي  هنا ليييه
هنا  شمس اتدخلت ..... صړخت  ف ايسر
بس   كفايه يا  أيسر.... صخر  يبقي  ابن  خالك... دا  صخر   اخو  جنه  ولاد خالك يا  أيسر
أيسر بص  لها  وبص  له  مش  مصدق.... ياسر  حط  ايده  ع  صخر  وقاله  وهوه  كمان  مش  مصدق
صخر... انت  صخر  ابن  محمود  اخو  مراتي.... انت  كنت فين.. وفي.....
صخر  ما  سبهوش  يكمل كلامه.... نطر  إيده من  ع كتفه.. وقاله  بقرف
بس  شيل  ايدك من  عليا  بس... ايواا  انا  صخر ابن  زفت  محمود... وياريت  تبطل  تمثيل  شويه  وتعيش دور  القلب الحنين... انا.... ولا  بلاش... شمس  انا  ماشي   كلميني  لما  الراجل  ده  يمشي من  هنا
صخر  لف  عشان  يمشي... لكن  سمع  أيسر  بيمسك  ف  ابوه  تاني
شمس و بدر  اتدخلوا يبعدوا  الابن عن  أبوه.... رجع  صخر... وشد  أيسر  من  كتفه
قاله
تعالي... تعالي  معايا  دلوقتي... اهدي  بس
مشي  أيسر  وهوه  بيبص  ع  ياسر  بغل كبير  وكره اعمي... شمس  وبدر  بصوا لبعض
مش  فاهمين... ليه  الكل  كاره ياسر  اوي  كده.... ياسر  بص  ع  ابنه  وصخر
اللي سابوه  لوحده  بعد  ما  بهدلوه.... بص  عليهم  بحسره وحزن... افتكر  ايمن  ابنه
وحنيته  عليه  وحبه  الكبير  ليه.... وقع  من  طوله  ع  الأرض... وفضل