رواية ممتعة للكاتبة فريدة أحمد

وانت  هات  اجهزتك  ولا  شوف  هتجيب  ايه  عندي  ف  السرايا.... وابني  هيفضل  ف  البيت  عندي  يتعالج... لكن  مش  هسيبه  ف المستشفى ساعه واحده  تانيه
وافق  الدكتور.... فرحت  بدر  عشان  هتقدر  تهتم  بيه  ف  السرايا  وهيفضل  قصاد  عينها
ف  مكتب  أيسر
عمر  واقف  عند  الشباك  متضايق..... زينه  عملت  له  قهوه  لتالت مره
دخلت  له لكنها   استغربت  منه... كان  واقف  قصاد  صوره أيسر  وأيمن  اللي
متعلقه  ع الحيطه... لكن  بصته   غريبه  شويه.... زينه  حست  انها  مش  مرتاحه له 
لكنها  هزت  كتافها  بلامبالاه  ودخلت  له  حطت  القهوه  ع  المكتب.... وقالت  له
انا  واللهي  مش عارفه هوه  اتأخر  ليه  كده... مش  من  عادته  انه  يغيب  اوي  كده... معلش  يا  استاذ  عمر... اتفضل اشرب  قهوتك ... وهتلاقيه  جه  ف  اي  لحظه
بص  لها  وهز  رأسه.... قال لها
انا  داخل الحمام... هوه  فاضي  صح
اااه  طبعآ  اتفضل
سابها  وخرج  يدخل  الحمام.... بصت  له  وهوه  خارج... كانت  مستغربه منه  اوي
رجعت بصت  حواليها.... شافت  حاجه  معجبتهاش.... عمر  كان  بيبص  ف  ملفات  أيسر  اللي  ع  مكتبه
راحت  بصت  ف الملفات دي.... لكن  تلفونه  اللي  ع  المكتب   اتهز...
تلقائي  بصت  زينه  عليه.... شافت  رساله  واتس اب.... بصت  ف  نص  الرساله
قرت  حاجه  غريبه.... مسكت  التلفون  وفتحت  الرساله 
انت  لسه  عند  الزفت  أيسر... عملت ايه... قلتله  ع  اللي  قولته لك
زينه اټصدمت .... كانت  لسه  هتقرا  الرسايل  القديمه اللي  بين  عمر  وامجد  ده
لكنها  سمعت  صوته... خرجت  بسرعه  من  الواتس
وداست  ع  زرار  الباور  عشان  الشاشه  تطفي... رجعت 
التلفون  مكانه..... وراحت  عند  الشباك.... رجع  عمر  لقاها  واقفه  بتبص ع  الشارع
راح  قعد  وشرب  قهوته..... زينه  شافت واحد  ف  الشارع... جات لها  فكره
بصت  لعمر  وقالت  له  
استاذ  عمر... انا  عايزه  انزل  اجيب  حاجه  أكلها... ممكن  حضرتك  تستني  هنا  لحد  ما  ارجع  عشان  مش هعرف  انزل  واسيب  المكتب مفتوح
ماشي  اتفضلي
شكرآ
سابته  ونزلت...جري   راحت  لعند  قهوه  بعيده  شويه... شافت  الشاب  قاعد  عليها
شاورت  له  بص  لها  مستغرب... لكنه  قام  وراح  لها... شاورت  له  يجي وراها
مشي  وراها  وهوه  مش  فاهم.... وقفت  عند  زوايه  بعيده  عن  العيون
عشان  محدش  من  أخواتها  او  ابوها  يشوفها  صدفه
.. الشاب  بص  لها  وسألها  مستغرب
نعم.... عايزه  مني حاجه  يا... مش  زينه  برضو
ايوااا  يا  عبده... انا  زينه... اخت  زين  الحداد.... انا  عايزه  منك  خدمه  وهديك  ١٠٠  ج  دلوقتي
برق  لها  الشاب.... وقالها  بسرعه
١٠٠ج  مره  واحده... ليه  عايزه  مني  ايه
بص  ف  واحد  انا  عايزاك  تسرق لي  تلفونه
اسړق لك... ايه  يا  انسه  فاكراني حرامي  ولا  ايه
ايييه  يا  عبده.... هوه  انا   من  بنها.... ما  الحته  كلها  عارفه  انك  حرامي... هتعمل  كده  ولا  اشوف  غيرك
خلاص  خلاص  ماشي.... فين  التلفون  ده... مع  حد  ولا  مرمي  ف  محل  ولا  ايه بالظبط
اسمعني  بس  كويس... هتمشي  ورايا  دلوقتي ... البيت  اللي  هدخله.... ادخله  ورايا  واستني  ثواني  هتلاقيني  نازله  مع  راجل... انت  بقا  اخبط  فيه  كأنك  طالع  بتجري  واسړق  منه  التلفون.... بس  اوعي  يقفشك.... انا  هكون  بكلمه  عشان  أسهل لك  مهمتك  ماشي
ماشي  امين... بس  اديكي  التلفون... تديني  ١٠٠  ج  وقتي.... أمين
امين  يا  عم
زينه  مشيت  وهوه  مشي  وراها... دخلت  البيت  وشاورت  له  يقف  يستني
طلعت  بتنهج... دخلت  لعمر  وقالت  له  بحرج  مصطنع
استاذ  عمر  انا  اسفه  أوي... بس  انا  مضطره  اقفل  المكتب.... اصل  اخويا  قالي  ماما  تعبت  فجأه  ولازم  اروح... معلش  ممكن  تيجي  لايسر  ف  وقت  تاني
لا  ألف سلامة عليها... كده  ولا  كده  انا  كنت  ماشي  ... ط  يلا  انا  هقوم  وابقي  بلغيه  اني استنيته كتير
ماشي  حاضر  اصبر  هطفي  النور  وهنزل  معاك
هز  رأسه  ووقف  استناها..... قفلت  النور.. وباب  المكتب  والشقه... ونزلت  ورا  عمر
شافت  عبده  ف  حوش البيت... شاورت  له.... طلع  يجري  ع  السلم
خبط  ف  عمر... زينه  زعقت  له
ف  ايه  انت  اتعميت  ما  تبص  ادامك
عمر  بص  لها  وقالها
خلاص... خلاص  مفيش  حاجة... اطلع  يافندي   وخلي  بالك  وانت  طالع
اتآسف  عبده... وكمل  جري  ع  السلم.... زينه  بصت  له  لكنه  جري  ع  فوق
خرجت  من  البيت... مشيت  جمب  عمر ... وقفت  وقالت  له
انا  بيتي  هنا... حضرتك  عايز  حاجه 
لأ.. بس  ما  تنسيش  تقولي  لأيسر  اني  جيت
حاضر
مشي  عمر... وخرج  من  الشارع... زينه  رجعت  بسرعه  للبيت
لقت  عبده  واقف  والتلفون  ف  ايده... ابتسمت  اوي... ادته الفلوس.. وخدت  التلفون
شكرته  ورجعت  بسرعه  ع  بيتها.... دخلت  وسلمت  ع  أمها  بسرعه
ودخلت  اوضتها.... فتحت  الواتس  بسرعه ... خدت  كل  الرسايل  بين  عمر  وامجد   سكرين شوت
وبعتتها  بسرعه  ع  تلفونها.... قلبت  ف  تلفونه  كله... وشافت  وقرت  حاجات  صډمتها
لكنها   قفلت  التلفون.... وشالت  منه  البطاريه.... خرجت  وقالت  لأمها انها نسيت  حاجه  ف المكتب
رجعت  بسرعه  ع  المكتب.... ورمت  التلفون  جمب  باب  الشقه.... شغلته
ومسحت  بصامتها  من  عليه... ومحت اي  أثر  لايدها او  لايد  عبده
عشان  هيه  عارفه  انه  ظابط  و يقدر  يعرف  فين  تلفونه  بالظبط  ويرجع  يأخده
زين  رجع  متضايق  من  بره.... لقي  أمه  قاعده  ف  الصاله  لوحدها.... سألها  مستغرب
انتي  قاعده  لوحدك  ليه  ياما.... فين  جنه  وقمر
ياحبيبي  جنه اتحايلت  عليا  اخليها  تعمل  الأكل النهارده... انا  خفت عليها  بس