رواية ممتعة للكاتبة فريدة أحمد

هيه  صممت... قمر  قالتلي هتقف  معاها  ف  المطبخ.... سبهم  براحتهم  يابني.... الا  فين  اخوك 
زيد  بيجيب  حاجه  وجاي 
ساب  أمه  ودخل  المطبخ  يشرب... لكنه  وقف  عند  باب المطبخ.... سمع  جنه  بتقول  بضحك  لقمر
بس  انتي  قلبك  جامد  اوي... ف  بنت  تعمل  اللي  عملتيه  ده يا  مجنونه... افرضي  ايدك  كانت  اتقطعت يعني..... كنتي  هتعملي  ايه  يا  ناصحه 
قمر  بصت  لها... ورجعت بصت  للأرض   قالت  لها  بصدق
مش  مهم  إيدي... مش  مهم  انا  كلي  ع  بعضي... المهم  زين  ما  يتأذيش  ابدا 
يااااه  للدرجه  دي  انتي  بتحبيه  يا  قمر
زين برق... استني  يسمع  رد  قمر... قمر  استغربت  من  سؤال جنه
قالت  لها  بشرود
بحبه.... انا  بحبه.... جنه  انا  مش  عارفه  انا  بحبه  ولا  لأ... بس  انا  مقدرش  اشوفه  مجروح... مقدرش  اشوفه  حزين... ولا  موجوع...... انت  قضيت  احلي  واوحش  ايام  عمري  معاه.... اااه  معاه  انا  شفت  السعاده  الحقيقيه... وانا  ف  حضنه  حسيت  بالفرحه  والأمان... احساس حلو  اوي  لما  تحسي  انك  بقيتي  ملك  حد... ومش  اي  حد  زين  راجل  بجد.... لما  بيحب  بيحب  من  كل  قلبه.... تصدقي  لو  قلتلك  انا  بحب  كل  حاجه  فيه... قسوته... قله آدبه... ضحكته... مش  عارفه  يا  جنه  بس  لما  بشوفه.. او  لما  بيكون  موجود.... بحس  بفرحه  غريبه  اوي... بس.. بس  هوه  بيحب  واحده  تانيه... واحده  قلبه اللي  اختارها  مش  اتفرضت  عليه.... انا  عمري ما  سمعت  منه  كلمه  حلوه... عمره  ما  طبطب  عليا  وانا بعيط... عمره  ما  هون  عليا  لما كانت  ازعل... بس... بس  هوه  ليه  مواقف  حلوه معايا.... لما  الچرح  اللي  ف  رقبتي  ڼزف  قبل  كده... خدني  وجري  بيا  ع  المستشفي... ولما  اتعورت  إمبارح.... شفتي  جري  بيا  ازاي... زين  ساعات  بيبقي  حنين  اوي.... تعرفي  اني  بحسد  دنيا  اوي... بجد  انا  بحسدها..... هيه  بنت  محظوظه  اوي  عشان  زين  هوه  نصيبها.... دا  هيخليها  سعيده  اوي  يا  جنه... انا  متأكده  من  كلامي.... هوه  ابن حلال  ويستاهل  بنت  زيها.... ربنا  يسعده... واللهي  بدعي له من  قلبي 
قمر  دموعها  نزلت  ڠصب  عنها..... زين  مقدرش  يتحمل  يسمع  اكتر من كده 
مشي  راح  ع  اوضته..... قفل  ع  نفسه  الباب... قعد  ع  الأرض جمب  سريره
حط  إيده  بحزن  ويآس  ع  دماغه.... افتكر  كلام  صاحبه  اللي  قاله  له  من  ساعه  عدت
كان  مع  زيد  ف  معرض عربيات.... قرروا  سوا  يشتروا  عربيتين  ميكروباص
وكل  واحد  فيهم  يشتغل  ع  واحده.... زين كان  مبسوط  اوي.... الشغلانه  دي
بالنسبه  للطبقه دي  من  الناس... بتبقي  حلوه  اوي ... ف كان  ف  قمه  سعادته
لكن  حماه  اتصل بيه... ساب  اخوه  يخلص  الكلام ف  المعرض... وراح   ع  بيت  دنيا
لكن  اټصدم لما  حماه  قاله  انه  مضطر  يأجل  الجوازه ...عشان  ف  قريب  ليهم  ماټ  ف  البلد
زعل  زين... لكنه  وافق  مجبر... نزل  من  عندهم  لكنه  اټصدم  ف  شاب  صاحبه
سلم  عليه... لكن  الشاب  بص له  بحزن.. وقاله
تعالي  انا  عايزك  ف  حاجه  مهمه  اوي
راح  زين  معاه  ع  بيته... دخل  مع  صاحبه  اوضته... صاحبه  قاله
زين انا عايز  اقولك ع حاجه... بس  مش  عارف ابدأ منين
ف  ايه  يا  إسلام... ما  تتكلم ع  طول 
زين  إحنا صحاب... وكلنا  مع  بعض عيش  وملح.... واللي  انا  سمعته  ده .... لازم  اقوله لك... حق الصحوبيه  والعيش  والملح  اللي  بينا  يجبرني  اقولك... رغم  اني  عارف  انك مش هتصدق... بس يا  صاحبي  انا  مش  قادر  اشوفك  بيتنصب  عليك  واقف اتفرج... 
انت  بتقول  ايه يا عم... مين  اللي  بينصب  عليا... ما  تتكلم  يا  إسلام 
العيله  اللي  انت  مناسبها دي.... دول  ڼصابين  يا  صاحبي
اييييييييييييه.... انت  بتخرف  تقول إيه
ما  بخرفش.... الواد اللي  ضربناه  إمبارح هنا  ف  المنطقه.... والحكومه  خدته.... اخوه  كان  جاي لك  من  شويه.... عشان  يخليك  تتنازل  عن  المحضر.... ويقولك  الحقيقه... بس  انا  وقفته  انا  و صحابنا.... وحكي  لنا... البنت  دنيا  دي  يا  صاحبي  متطلقه  مش  بنت بنوت.... وهيه  وأهلها  بينصبوا  ع  الشباب  اللي زيك... عملوا  كده  مع  جمال  اللي  جه  امبارح  ده.... كان  خطبها من  ابوها  واخوها... نفس  اللمه بتاعه  إمبارح... وكانوا  متفقين ع  معاد  الفرح  بعد  شهر.... لكن  فضلوا  يأجلوا  ف  الجوازه... ويسحبوا منه  ف  فلوس.... شويه  يقولولوا  مديونين  من  فلان... و ف  جمعيه عليهم  مع  علان.... وتلفون دنيا  ضاع... يجيب  غيره... تلفونها  اتسرق... يجيب  غيره.... فضل  الحال  ع  كده  ست شهور   واكتر.... سحبوا  منه  فوق  العشر  الآلاف  ج...... وف  الآخر.... ست  دنيا  وقعته  ف  مشكله.... اټخانق  مع  شاب  قالت  إنه  بيضايقها... واتحبس  جمال  ف  الشاب  ده  خد  ٦ شهور  عشان  عوره.... جه  خرج  من  السجن  ابوها  قاله ... ما  تلزمناش  انت  رد  سجون .... جمال  اټجنن... طالبهم  بفلوسه... طردوه.... سأل عن  عيلتهم  ف  منطقتهم  القديمه.... يمكن  يلاقي  لهم  قريب  كبير  ياخد  حقه  منه... لكنه  سمع  ان  دنيا  متطلقه  والناس  اتخانقوا  معاهم  عشان  نصبوا  ع  راجل  زيه.... ف  عشان  كده  جه  إمبارح  وعمل  المشكله  دي... لما  عرف  انها  بتتخطب  تاني.... بس  حماك  ما  سابهوش  يفضحهم.... وفضل  يشتمه  هوه