رواية ممتعة للكاتبة فريدة أحمد

يبكي  زي الطفل
بدر  اترمت  عليه  وفضلت  ټعيط  هيه  كمان.... إنما شمس.... شمس  قادت  فيها  الڼار
ازاي  وليه  أيسر  يكلم  ابوه  كده  ويمسك فيه... وصخر كمان  ليه  يكلمه  كده
نزلت  لتحت  تدور  عليهم..... شافت  صخر  قاعد  مع  أيسر  ف  الجنينه
قاعدين ع  الأرض  هما  الاتنين..... قربت  منهم  عشان  تتخانق  معاهم
لكنها  سمعت  صخر  بيتكلم..... لكن  صوته... صوته غريب.... اول  مره  تسمعه
وهوه بيتكلم  بحزن... كأنه  كان  بيعيط  هوه  كمان.... سمعت
رجعت  اليوم  ده  من  المدرسه.... لقيت  جنه  لوحدها.... البواب  قالي  انهم  قبضوا  ع  امي  وابويا  بتهمه  خطيره.... قالي  روح  يابني   كلم  حد من  أهلك  يجوا  يأخدوك  انت  وأختك.... لحسن  الحكومه هتحجز  ع  أملاك  ابوك  كلها...... جريت  ع  بيت  عمي.... طردني  انا  واختي  قالي  اننا  عار  ع  عيلته... ولو  عيشنا  معاه  الناس  هتطرده  هوه  وعياله  ف  الشارع... عشان  ابونا  وامنا  كانوا  بيخطفوا  العيال  وياخدوا  اعضاءهم  ويرموهم ... كنت  عيل  وما  فهمتش... بس  ما  يآستش... جريت  ع  بيتكم....الناس قالولي  ابوكم  طفش... خدكم و طلق عمتي  وهرب .... ابوك  سابني  انا  واختي  لوحدنا ف  الدنيا.... حتي  عمتي  اتخلت عننا... اتشردنا ف  الشارع  ايام  وليالي... كنت  بسرق  الأكل  من  المحلات  عشان  ااكل جنه... الدنيا اسودت ف  وشنا.... واتقفلت كل  الأبواب مقدرتش  ارجع البيت... كلام  عمي  خوفني  افتكرت اني  لو  رجعت  الناس  هتضربنا  او  الحكومه  هتقبض علينا.... فضلنا  ف  الشوارع... لحد... لحد  ما  قابلته... ابراهيم الراوي.... اشفق علينا  انا  واختي... خدنا  معاه... خلانا  نكمل  تعليم.... لكن  ماټ... ماټ  بعد  ما  كتب لي  انا  وجنه  كل  املاكه... عشان  محدش  يظهر لنا  ويقولنا  انتوا  مالكوش  حق  ف  ورثه .... ربانا زي  عياله... هوه  مكنش  بيخلف عشان كده  اتبنانا  انا  وجنه  وعشنا  ع  كده... وانا  خدت  اسمه  زي  ما  خدت  فلوسه... وبقي  اسمي  صخر الراوي... لغيت  اسم  محمود  ودعاء  من  حياتنا  نهائي.... کرهت  حاجه  اسمها  اب وأم  بسببهم.... هما  دمروا حياتنا.... واحنا  دفعنا  التمن  غالي... ولسه  يا  أيسر.... انت  عارف  انا  كنت  مقضيها  زمان  مع  البنات  ليه... عشان.... عشان  ربنا  حرمني  من الخلفه... بالصدفه  عرفت  ان  عمري  ما  هبقي  اب... ف  كنت  بطلع  ڠضبي  وحزني  وهمي   ف  البنات... كل  واحد  فينا  ليه  دماغه  اللي  مريحاه... كنت  مقضيها  عشان  عمري  ما كنت هتجوز ... ليه  أظلم  واحده  معايا ... انا  مفيش  مني اي  أمل... ولا  عمري  هكون  اسره.... بس  كنت  مستني  اليوم  اللي  اجوز  فيه  اختي  وابقي  خال... لكن  دي  كمان  ربنا  حرمني  منها.... مين  اللي  هيتجوز  جنه  وهيه  كده... هيه  كمان  حياتها  ومستقبلها  اتدمر  يا  أيسر.... ابوك  وابويا  وامي... ظلمونا باللي  عملوه... ما ربنا  يمهل ولا يهمل.... هما  زرعوا  الشړ ... وإحنا  اللي  بنحصده
ولسه... ولسه يا  صخر... لسه  ياسر  شغال  ف  القرف  ده... لسه  بيشتري  العيال  من  التجار  اللي  بيخطفوهم  من  أهلهم  ومن  الشوارع... لسه  شغال  ف  الډم  والدبح والقتل..... ودلوقتي  جاي  يعيط زي  العيال  ع  ايمن
صخر  بص  له  وبرق  أوي.... أيسر  كمل  له  كل  حاجه  هوه  يعرفها
وكل  التحريات  والتحقيقات  السريه اللي  بيعملها  هوه  وعمر  صاحبه  عشان  يوقعوه
هوه  وكل  أمثاله..... فضلوا  يتكلموا.. وكل  واحد فيهم  بيخرج  اللي  كاتم  ف  قلبه  وخانقه
شمس  كانت  سامعه  كل  كلمه... كل  حرف... وصډمتها  كانت  بتكبر  كل  ما  تسمع  اكتر
ما  أثرش  فيها... كلام  أيسر  عن  ابوه  وتجارته.. وثروته اللي  جمعها  من الحرام
اد  ما  حزنت  وبكت... وحست  پقهر وۏجع  من  كلام  صخر.. ومن  طفولته
القاسيه  اللي عاشها  هوه  وجنه  اخته.... قعدت  جمب  الشجره  اللي  مستخبيه  فيها
وفضلت  تمسح  ف  وشها  وعينها... تعبت  من  العياط  ومن  قله النوم.. ومن  الصدمات  اللي  نازله  زي  المطر  ع  دماغها
سندت  دماغها  ع  الشجره... وسمعت  باقيه كلامهم... لكن  فجأه  قاموا  الاتنين
شافو  بدر  بتشاور  لهم هما  الاتنين.... فهموا ان  ف  أخبار عن  أيمن
راحوا  جري  عليها... شمس  حاولت  تقوم    تحصلهم.... لكنها  قعدت  تاني  ع  الأرض بقوه
حست  انها  مش  قادره  تشيل جسمها  من  ع  الأرض... من  كتر  التعب  والاجهاد النفسي  اللي  اتعرضت له
ف  الكام ساعه  دول... لكنها  حاولت  وتعافت  ع  نفسها  وجرت  رجلها  بالعافيه
ومشيت  ع  مبني  المستشفى... عايزه  تطمن  ع  ايمن  الأول وبعدين تدور  ع الراحه... لو  لقتها  يعني
قلوب لا تعرف الرحمه
الحلقه الخامسه و العشرين...................
شمس طلعت  وراهم.... سألت ممرضه  عن  ايمن... شاورت  لها  ع  الاوضه  اللي  اتنقل فيها
راحت ع  الاوضه.... شافت  ايمن  قاعد  ع  السرير..... وبدر  واقفه بعيد  شويه
وابوه  قاعد  جمبه  وايسر  بيشاور ع  صخر  وبيكلم ايمن  عنه.... قربت  ودخلت.... بص  لها  ايمن
جريت  اترمت  ف  حضنه  وعيطت  تاني... ايمن  طبطب  عليها..... الدكتور  دخل  وطمنهم
ان  الورم اللي  عند  أيمن... ورم  حميد... لكنه  لازم  يخضع لعمليه  عشان  يستئصلوا  الورم
بس  المشكله  ف  الجراح  اللي  هيعمل العمليه  دي... كان  مسافر  وراجع  بعد  اسبوع
والمفروض  ايمن  يفضل ف المستشفى  عشان  ياخد  العلاج  اللازم
والدكاترة يتابعوه .... لكن  ايوه  رفض... قال  للدكتور
ايمن   مش  هيرضي  يقعد  هنا  ف  المستشفى.... انا  هرجعه البيت...