رواية ممتعة للكاتبة فريدة أحمد
وابنه... عشان انت تتخانق معاه... وما تسمعش حاجه منه.... ودا كل اللي سمعته يا زين... وكان لازم اقوله لك
زين بص له مش مصدق... قاله بتريقه
ايه العبط اللي عمال تهري فيه ده يا إسلام.... انت بتحكي لي فيلم عربي.... هوه ف حاجه كده اصلآ... يعني عايز تفهمني ان عيله بحالها بتستغل بنتهم عشان ينصبوا ع الرجاله.... دا اسمه ايه دا بقا... ريا وسکينه الجيل الجديد.... انت عبيط ياض
زين دلوقتي وهوه ف اوضته... الكلام دار ف دماغه تاني.... من ناحيه
واعتراف قمر اللي صډمه من ناحيه تانيه..... يعني ايه ممكن دنيا وعيلتها يكونوا صح ڼصابين
زين رفض انه يصدق... او يسمع لصوت العقل والمنطق.... قام متعصب وخرج من اوضته
بدر ظبطت المخده بتاعه ايمن ورا ضهره..... ياسر قالها
انزلي يلا يا بدر حضري له لقمه يأكلها... معلش يابنتي انا عارف انك لا كلتي ولا نمتي من إمبارح... بس انا معتمد عليكي اوي... تخلي بالك منه ف غيابي
حضرتك ما تخافش عليه ابدا... بإذن الله... هيعمل العمليه ويخف ويبقي احسن من الأول كمان
فضلوا الاتنين ساكتين ف المطبخ... التعب والإرهاق والخۏف ع ايمن خلاهم مش قادرين حتي يتكلموا
أيسر قاعد جمب اخوه ... وصخر واقف جمبهم.... ايمن شايف ان أيسر وصخر ما بيتكلموش مع ياسر
ايمن طلب منه انه يروح يرتاح ف اوضته... رفض ياسر لكن ايمن أصر عليه
سابهم وخرج ع اوضته..... ايمن دخل ف جدال مع أيسر بسبب ابوه
طبعا أيسر ما سكتش...
صدقتني دلوقتي يا ايمن.... اهوه وساخه ابوك طلعت عليك انت ... صدقتني دلوقتي لما قلت لك ربنا هينتقم منه فينا... ابوك سفااااااح يا
كفايه... كفايه يا أيسر حرام عليك بقا
حرام عليك انت... ليه رافض تصدقني
عشان انا عارفه اكتر منك... انت اللي مصمم تطلعه مچرم وخلاص
هنا أتدخل صخر....
يعني انت مش مصدق ان ابوك.. وابويا وامي شغالين ف تجاره الأعضاء
انت كمان يا صخر... ازاي تقول كده... ط ده لقي اللي يسمم له دماغه... انت بقا بتقول كده ليه
مش انا اللي بقول بابن عمتي.... انا عشت وشفت بنفسي ... انا دفعت تمن جرايمهم... انا واختي.... انا كمان حصدت اللي زرعوه من سنين.... صدق يا ايمن... ابوك مچرم... زي امي وابويا بالظبط.... اومال هما جابوا ملايينهم منين... هتقولي ورث زي ما قلت لأخوك.... مين بيورث قريبه البعيد يا ايمن.... يعني ابن عمه ابوك ده... مالوش اهل ولاد... أحفاد... اخوات... الدنيا قطعت بيه فجأه ومالقاش غير ياسر قريبه من بعيد عشان يكتب له كل ورثه ليه لوحده... انت ازاي كده.... ازاي قدر يقنعك السنين دي كلها يا ايمن
ايمن بص لصخر..... ولأول مره... يدخل الشك قلب ايمن.... بص لهم بحزن
قال لهم
معلش ممكن تسبوني لوحدي دلوقتى... انا آسف يا صخر بس سبني انت وايسر انا بجد تعبان ومش عايز اتكلم .. غير مع...... شمس... ف كلام لازم اقوله لها... ممكن تخرجوا وتنادولي عليها
بصوا لبعض ووافق صخر وايسر.... خرجوا من اوضته... صخر قاله
انا همشي دلوقتى... وبكره هجيله من بدري
وانا كمان همشي مش هطيق اقعد مع ياسر ف مكان واحد.... هوصي بدر وشمس عليه وامشيه
نده أيسر ع شمس.... وقالها تطلع لأيمن .... طلعت تجري ... وتجاهلت نظره الشك اللي ف عيون صخر
خبطت ع اوضته ودخلت.... اتعدل ف قعدته.. وبص لها
جت تتكلم قالها
انتي ايه اللي رجعك تاني
اټصدمت من سؤاله... قالت له بارتباك
ايمن.... انا جيت اتطمن عليك
تطمني عليا... لأ يا شمس... انا مش عايزك هنا ف بيتي.... انت مالكيش أمان... وبعدين انا مقولتش لصخر ع اللي انتي عملتيه فيه وف اخته... أمشي يا شمس لو سمحتي.... وياريت تاخدي اختك معاكي... مش بدر برضو اختك... انتي خلتيني اجبها هنا ليه.... خليتي اختك تيجي تشتغل خدامه ف بيتي عشان تغويني... اااه بلاش بصتك الهبله دي... اختك ما بتصدق تلاقي فرصه .. وتقرب مني... فاكره اني هبص لواحده زيها
كفايه.... كفايه لو سمحت يا ايمن... اوعي تتكلم كلمه واحده عن بدر.... دي اشرف إنسانه ف الدنيا كلها... دي اجدع بنت ف الدنيا و أكيد انت فهمتها غلط... هيه عمرها ما استغلت حد ولا فكرت تقرب من راجل ف حياتها.... دي عاشت عشانا انا وقمر بعد مۏت اهلينا....
