رواية رائعة بقلم الكاتبة مريم غريب
لسا مديكي حقنة . هي إللي فوقتك
نظرت له پصدمة و صاحت پغضب
ليه
ليه عملت كده يابني حرآام عليك
الله يسامحك
الله يسامحك يا أدهم .. و دمعت عيناها
ربتت سلاف علي كتفها و هدأتها قائلة
يا نناه إهدي بليز
أدهم معاه حق
إنتي تعبانة و ماينفعش تصومي
بليز إسمعي كلامه إنتي عارفة إن أنا أكتر واحدة محتاجالك .. و إختنق صوتها من الدموع
خلاص يابنتي
خلاص ماتعيطيش يا سلاف
أنا معاكي أهو يا حبيبتي مش هاسيبك إطمني .. و أكملت بإستسلام
خلاص هسمع كلامكوا و أمري لله
مش هصوم بس ذنبي في رقبتكوا
ضحك الجميع منها ليقول أدهم لأمه
يلا يا ماما حضري لتيتة أكلها
و إديها الدوا بتاعها بعد ما تاكل كويس .. ثم نظر لجدته و قال مداعبا
أنا لا يمكن أحرمك من حاجة أبدا يا لولووو
حليمة بإمتعاض مصطنع
أيوه ياخويا إنت
كل بعقلي حلاوة يا واد
أدهم و هو يضحك
و الله ما في أحلي منك إنتي يا حبيبة قلبي
ربنا يخليكي لينا !
.................
كانت تجلس بجواره في غرفته ... يعلمها القرآن بالطريقة الصحيحة كما وعدها
إيه رأيك فيا بقي
شايفني بتعلم بسرعة !
أدهم محبورا
إنتي هايلة
ما شاء الله عليكي ذكية جدا و بتفهمي بسرعة
سلاف برقة
طيب مافيش مكافأة بقي
أنا عايزة حاجة !
أدهم بحب
يسلام !
إطلبي إللي إنتي عايزاه يا حبيبتي
أي حاجة هتكون رهن إشارتك
أنا بس كنت عايزة أنزل مع شوشو بكره عشان أشوف فستان الفرح
يعني أخد فكرة
إنت عارف الوقت بيجري و فاضل أقل من إسبوعين علي الفرح
أدهم يعني أفهم من كده إنك صرفتي نظر عن قرار لبس النقاب
سلاف بجدية
لأ طبعا
بس أنا بنفذ رغبة نناه
هي طلبت مني آجل الخطوة دي لبعد الفرح و أنا وعدتها
طيب ماشي
أنا موافق
إنزلوا بكره و هاتي كل إللي ناقصك
الصبح قبل ما أنزل هسيبلك ال في أوضتي علي المكتب ماتنسيش تاخديها معاكي
سلاف مالوش لزوم يا حبيبي
أنا معايا فلوس تكفي
أدهم بحدة
قولتلك قبل كده فلوسك دي تنسيها خالص
طول ما إنتي مراتي هتفضلي ملزومة مني
لما أموت أبقي إصرفي منها براحتك
بعد الشړ عليك .. ثم قالت پغضب
عارف لو قلت كده تاني مش هكلمك و الله
أدهم بإبتسامة
طيب خلاص
أنا آسف ياستي
بس إنتي كمان بطلي تجيبي سيرة فلوسك دي
أنا الحمدلله ربنا مكفيني أوي
يعني هقدر أكفيكي إنتي كمان
و لا إنتي ليكي رأي تاني
سلاف لأ ماليش
إنت مش مخليني عاوزة حاجة فعلا
و إنت بردو إللي جهزت شقتنا كلها و جبت كل حاجة قولتلك عليها .. و أكملت بتردد
بس أنا كنت عايزة أعمل حاجة Specialy ليا
أدهم بصرامة
مافيش الكلام ده يا سلاف
أنا بقيت مسؤول عنك
كل متطلباتك و إحتياجاتك واجب عليا أنا ألبيه
سلاف طيب خلاص حاضر
بس بلاش قفش .. ثم قامت و إقتربت لتجلس ملاصقة له
و قالت بصوت خاڤت
إنت مش مبسوط إن فرحنا قرب
إبتسم أدهم و نظر لها قائلا
مبسوط بس
ده أنا مش طايق نفسي من الفرحة
الإسبوعين دول هيمروا ببطء شديد جدااا
مش عارف هستحملهم إزاي
و لو إن اليومين الجايين هبقي مشغول جامد
بس ربنا يصبرني بردو
أنا بقي إللي مش قادرة أصبر خالص
دايما العروسة بتبقي خاېفة من الجواز و الحياة الجديدة إللي هتعيشها
بس أنا بقي مطمنة جدا
عشان إنت معايا يا أدهم
فك أدهم ذراعاها و هو يقول
ربنا يقدرني و أعرف أسعدك دايما يا سلاف
إنتي غالية أووي عليا
و رغم فرق السن إللي بينا و مرور السنين إللي هتبينه
بس أنا هبذل جهدي و إن شاء الله هيعشك في سعادة و فرح طول العمر
سلاف و هي تضغط نفسها في
وجودك جمبي بس
هو ده كل إللي أنا عايزاه و ملخص السعادة كلها يا أدهم
أدهم بإبتسامة
ربنا يجمعنا علي خير إن شاء الله يا حبيبتي
و نفضل مع بعض للأخر .. و مسح علي شعرها بحنان أبوي
في شقة راجية عمران ... كانت مايا تعاون أمها في المطبخ
كانت تنسق طعام الغد و ترتبه عندما قالت راجية
مالك يا بت
هتفضلي لاوية بوزك كتير كده !
لأ الكلام ده ماينفعنيش
مش كفاية الطريحة إللي ختها و النكد إللي عايشنا فيه أبوكي قبل ما يسافر
هتبقي إنتي و هو
مايا بضيق
إنتي عايزة إيه بس يا ماما
بتنكشيني ليه
خليني ساكتة أحسن
راجية بتعجب
شوف البت !
في إيه بس يا هبلة
إيه إللي مزعلك مش أنا مرسياكي علي إللي هنعمله !
مايا بإنفعال
هنعمل إيه
بعد إللي إتعمل فينا هنعمل إيه
مش كفاية ڤضيحة إبنك و إللي جرالنا من تحت راس الهبابة دي
هتعمل فينا إيه تاني بس
راجية بحزم
مش هتعمل حاجة خلاص
إحنا إللي هنعمل
أخر كارت في إيدنا هنلعبه و مش هتخيب إن شاء الله
مايا بسخرية
و إنتي فاكرة
